شهاب جعفري:سرِّ آدميت كا رمز شناس/Shahab Jafri

Dr.Shaikh Aquil Ahmad
(Associate Professor)
E-mail: aquilahmad@yahoo.com
Website: www.people.du.ac.in/~aahmad

شهاب جعفري:سرِّ آدميت كا رمز شناس

شهاب جعفري UltraModern شاعر تھے۔اسي ليے ان كي شاعري برسوں بعد بھي آج كي شاعري معلوم هوتي هے۔شهاب جعفري كي شاعري كا زمانه وه هے جب ترقي پسند تحريك زوال پزير تھي اور حلقه اربابِذوق عروج پر تھا۔يه وه زمانه هے جب ترقي پسند تحريك كے زيرِ اثر زبان كے Superficialاور فطري طرزِ بيان ميں هم آهنگي پيدا كرنے كي كوشش كي جا رهي تھي تاكه زبان عوام سے قريب هو سكے ۔اس كوشش ميںترقي پسند تخليق كاروںميں انفراديت كے مقابلے ميں يكسانيت زياده پائي جاتي تھي
شهاب جعفري نے اپني شاعري كي ابتدا تو غزلوں سے كي ليكن ان كے مجموعه كلام ميں نظميں، غزليں، رباعيات كے علاوه ايك طويل منظوم تمثيلي ڈرامه بھي هے۔انهيں شهرت نظموں كے علاوه غزلوں كي وجه سے بھي ملي۔ان كي غزل كے بعض اشعار زبان زدِ خاص و عام هيں۔مثلاً ان كا يه شعربهت مشهور هے ۔
چلے تو پاوں كے نيچے كچل گئي كوئي شے
نشے كي جھونك ميں ديكھا نهيں كه دنيا هے
ويسے شهاب جعفري بنيادي طور پر نظم كے شاعرتھے اور ان كي پهچان نظموں كي وجه سے هوئي۔ ان كي نظموں ميں آزاد نظميںاور معرّا نظموں كے علاوه نثري نظم كے ابتدائي نمونے بھي ملتے هيں ۔جديد نظموں كا دور تجربوں كا دور تھا۔اس دور كي شاعري كي هيئت ميںبے شمار تجربے كيے گئے اور روايت سے انحراف كيا گيا۔اس عمل ميں بعض شعراتو كامياب رهے ليكن زياده تر شعرا هيئت كے تجربے ميں ناكام رهے اور ان كي ادبي پهچان نه بن سكي۔اس كي وجه يه هے كه جب شاعر روايت سے كلّي طور پر انحراف كرتا هے اور نئے نئے تجربے كرتا هے توشاعري ميں شعريت برقرار نهيں ره پاتي ليكن شهاب جعفري نے نظموں ميں هر جگه شعريت برقرار ركھي هے۔ شهاب جعفري نے اپني نظموں ميں ديومالائي علامات كے استعمال سے الگ پهچان بنائي هے اورالگ اسلوب قائم كيا۔ان كي نظموںكي ايك خوبي يه بھي هے كه انهوںنے بعض نظموں ميںPersonification يعني تمثيلي اندازكے ذريعے نئے نئے ڈرامائي كردار خلق كيے هيں اور مكالماتي انداز اختيار كركے ڈرامائي كيفيت پيدا كي ۔
يه بات قابلِ ذكر هے كه شهاب جعفري كي زياده ترنظميں بيانيه هيں۔واضح رهے كه بيانيه بمعني Narrative كا اطلاق عام طور پر فكشن كي نثري اصناف پر هوتا هے ليكن اس كا اطلاق شعري اصناف پر بھي كيا جا سكتا هے اگر بيانيه شعري اصناف ميں پوري طرح تحليل هو جائے۔شهاب جعفري كي عشرتِ قطره، خودي كو كر بلند اتنا، خود آگهي، اپنا جنم، خدا كي واپسي، خوابِ تكميل اور تسخيرِ فطرت كے بعدوغيره نظميں بيانيه هيں،ان نظموں كے مصرعے ملاحظه كيجيے كه كس طرح ان ميں واقعه درواقعه كي كيفيت كے ساتھ كهاني اندر هي اندر چل رهي هے اور اپني داخلي ساخت ميں نظم خود بخود بنتي جا رهي هے۔متذكره نظموں كے مصرعوں ميںجس طرح شاعر نے رمزيت پيدا كي هے اوربيانيه كو تحليل كرديا هے يه شاعركا كمال هے۔پروفيسر گوپي چند نارنگ نے اپنے ايك مضمون٫٫جديد نظم كي شعريات اور بيانيه٬٬ ميں لكھا هے كه:
٫٫جهاں وقت كے تحرك كي كيفيت هوگي،كهاني اندر هي اندر چلتي رهے گي ۔يهي بيانيه كا بيج هے جس سے داخلي ساخت ميں نظم قائم هوتي هے،اور نظم كے حسن و لطافت اور تاثير ميں جس كے شعري تفاعل كو نظر انداز نهيں كر سكتے٬٬۔
﴿اردو نظم ٠٦٩١ كے بعد،ص- ٠٣- ١٣﴾
شهاب جعفري كي نظموں ميں سورج ، چاند،سمندر ، پاني ،پتھراور هوا جيسے الفاظ كا استعمال بطور استعاره اور علامت بهت هوا هے ليكن سورج ان كي شاعري كا كليدي لفظ هے۔شهاب جعفري كي شاعري كے مطالعه سے معلوم هوتا هے كه سورج ان كي شاعري كا مركزي كردار هے اور يه ان كے فكر كامحرك بھي هے۔شهاب جعفري نے سورج كا استعمال اپني كئي نظموں ميں مختلف علامات كے طور پر بار بار كيا هے۔ مثلاً ٫٫سورج كا شهر٬٬، ٫٫ذرّے كي موت٬٬،٫٫گنهگار فرشتے٬٬،٫٫پسِ پرده٬٬،٫٫آخري نسل٬٬، ٫٫خونين صدياں٬٬، ٫٫ما حصل٬٬، ٫٫سورج كا زوال٬٬، ٫٫شهرِ انا ميں٬٬، وجدان٬٬،٫٫ ميں٬٬ اور ٫٫شام اور كھنڈر٬٬ وغيره نظموں ميں سورج كو مختلف علامات كي شكل ميں پيش كيا گيا هے اور ان علامت كي مدد سے شاعر نے زندگي كے متعلق اپنے خيالات كا اظهار كيا هے۔ دراصل سائنسي اور جغرافيائي نظريے كے علاوه شمسي ديومالائي تصورات كے مطابق بھي زرعي معيشت كي ترقي ميں سورج كا رول بهت هے۔وزير آغا نے ٫٫سورج كا شهر٬٬ سے مراد يه دنيا ليا هے ۔اس نظم كے حوالے سے انهوں نے ايك جگه لكھا هے كه٫٫شهاب جعفري كے ليے سورج مسرت، عرفان اور شعورذات كا منبع هے٬٬﴿نظم جديد كي كروٹيں، ص- ٦٨١﴾
غالب نے اپنے ايك شعر ميں كها هے كه قطرے كے ليے دريا ميں فنا هو جانا خوشي كا مقام هے۔ ليكن علامه اقبال نے كها هے كه قطره سمندر ميں مل كر سمندر تو بن جاتا هے ليكن اپنا وجود كھو ديتا هے۔اس ليے بهتر هے كه قطره سمندر سے الگ ره كر اپنا وجود بر قرار ركھے كه دونوں كي اپني اپني اهميت هے۔يهاں ايك بات قابلِ ذكر هے كه دونوں شاعروں نے سمندر كي اهميت كو مانا هے ليكن شهاب جعفري نے اپني ايك نظم ٫٫جنم جنم كي پياس٬٬ ميں دو ذيلي عنوانات كے تحت بڑے ڈرامائي انداز ميںدونوں كے خيالات كو Deconstruct كيا هے اور اس كے ذريعه معني كي دنيا ميں تغيرّپيدا كر ديا هے كه اب سمندر اس لائق نهيں رها كه قطره اس ميں فنا هو كر خوشي محسوس كرے يا سمندر سے الگ ره كر اپنے وجود كا احساس دلائے۔شاعر نے قطرے كو سمندر پر ترجيح دي هے كيوں كه سمندر اب آلوده هو چكا هے اور اپني پاكيزگي كھو چكا هے۔شهاب جعفري كا يه خيال انتهائي جديد هے اور موجوده صورتِ حال كے عين مطابق هے۔ اس نظم كا پهلا ذيلي عنوان هے ٫٫عشرتِ قطره ٬٬ جو غالب كے ايك مصرعے كا ٹكڑا هے۔اس عنوان كے تحت جو نظم لكھي هے اس كے ابتدائي مصرعوں ميں غالب كے ايك مصرع٫٫ عشرتِ قطره هے دريا ميں فنا هوجانا٬٬ ميںمعمولي اضافے اور ترميم كے ذريعے ما قبل متن كے معني كو رد كر ديا هے اور غير معروف معني سے اپنے قاري كو آشنا كرايا هے جسے هم نئي متني فضا سے تعبير كر سكتے هيں۔ پھراپنے چند مصرعوں كي مدد سے اس كي تضمين كي هے اور ايك نئي فضا ميں غالب كے خيال سے انحراف كيا هے۔بند پيش هے۔
سمندر كے كنارے پر كھڑا هوں اور پياسا هوں
سمندر كا يه كهنا هے كه قطرے كي حقيقت كيا هے
ميں ان موجوں ميں مل كراپني هستي كو فنا كردوں
كمالِ عشرتِ قطره هے دريا ميں فنا هونا
﴿كسے سونپوں ميں خود كو آه سونا ميري مٹّي كا﴾
اس نظم كا دوسرا ذيلي عنوان ٫٫خودي كو كر بلند اتنا ٬٬علامه اقبال كے ايك مصرعے كا ٹكڑاهے ۔يهاں شهاب جعفري نے اقبال كے اس تصوّرِ خودي كے پس منظر ميںايك نئي فضا تيار كي هے اور انسان كي عظمت كو تسليم كيا هے ليكن اقبال كے اس تصوّر كو Deconstruct كيا هے كه قطره اور سمندر كي اپني اپني اهميت مسلم هے۔شهاب جعفري قطرے كي اهميت كو تو تسليم كرتے هيں ليكن سمندر كي عظمت اور اس كي پاگيزگي كے قائل نهيں هيں۔شهاب جعفري سمندر كي وسعت اور طاقت يه كه كر انكار كرتے هيں كه٫٫ ارے زهر آب هے تيرے هي اشكوں كا هلا هل هے٬٬ ۔ممكن هے اس خيال كے پيچھے سماج كي بڑي طاقتوں كے خلاف احتجاج كا جذبه كارفرما هو اور سمندر كے پاني كو اشكوں كے هلاهل سے تعبير كركے سماج كے دبے كچلے لوگوں كے تئيں اظهار ِ همدردي كيا هو۔ بند ملاحظه هو:
٫٫مگر چُلّو كو هونٹوں سے لگاتے هي اك اور پياسا
﴿جو زيرِآب تھا﴾ ناگاه سطحِ آب پر آيا
پُكارا ،٫٫ٹھهرمت پينا كه يه ٹھهرا هوا پاني
ارے زهر آب هے تيرے هي اشكوں كا هلاهل هے
نه جانے بند هے كب سے تيرے سينے كے محبس ميں
رواني چھين لي هے اس سے اب انصافِ فطرت نے
نه جانے كب سے دنيا كي هوا اس تك نهيں پهنچي
خطا بيچارگي اس كي، سزا مرگِ دوام ا س كي٬٬
معلوم هوتا هے كه غضنفر نے شهاب جعفري كے اسي بند كو پڑھ كر اپنا ناول ٫٫پاني٬٬ لكھا هے۔ناول كا مصنف بھي صاف پاني كي تلاش ميں دريا سے سمندر،سمندر سے سائنسدانوں كے تجربه گاه اور وهاں سے پھر حضرتِ خضر كے پاس جاتا هے ليكن حضرتِ خضر جب آب حيات كے كنارے لے جاتے هيں تو معلوم هوتا هے كه آبِ حيات پر اب زهريلے گوه و گھڑيال كا قبضه هے اور آبِ حيات بھي زهر آلو د هو چكا هے۔
اسي نظم كے ايك بندميں سمندر كو جاندار بنا كر ايك كردار كي صوت ميں پيش كيا هے ۔بند ملاحظه هو:
سمندر كوزه لے كر دستِ ساقي كي طرح اٹھا
تو بيتابانه ساحل سے بڑي قوت سے ميں جھپٹا
اچانك ايك سركش موج بھي ميري طرف لپكي
﴿مرے اپنے ارادے كي طرح پُرشور تھي وه بھي﴾
پكاري،٫٫ٹھهر تيري پياس بھي سودا هے جينے كا
تيرے سينے كي دھرتي ميں يه ساگر سوكھ جائے گا٬٬
اس بند ميں شاعر كا سمندر كي طرف جھپٹنا اور سركش موج كا ان كي طرف لپكنا جيسے Situation پيدا كركے شاعر نے جهاں ڈرامائي كيفيت پيدا كي هے وهيں اس ميںتمثيل﴿ Personification﴾ كابھي عمل هے۔
جس طرح علامه اقبال نے اپني ايك نظم٫٫ساقي نامه ٬٬كے پهلے بند ميںاچكتي،پھسلتي اور پيچ كھا كر گرتي هوئي جوئے كهستاں سے ز ندگي كا پيام اخذ كيا هے اسي طرح شهاب جعفري نے پاني كي پُر شور رواني سے زندگي كا بھيد پانے كي بات كهي هے۔جس طرح پاني مسلسل رواں دواں اور پُر شور رهتا هے اسي طرح زندگي بھي هميشه رواں رهتي هے۔ بند ملاحظه كيجيے:
سمندر مجھ ميں آجائے كه ميں اس ميں سماجاو ں
بهت هي پُركشش پُر شور پاني كي رواني هے
ميں اس خودسر سے شايد زندگي كا بھيد پاجائو ں
شهاب جعفري نے اس بند كے پهلے مصرعے ميں سمندر كو اپنے اندرلے لينے يا اس كے اندر سماجانے كي خواهش كا اظهار كيا هے جس ميں ايك عجيب و غريب بے تابي كي كيفيت هے۔ اس كي وجه يه هے كه سمندر كي سركش موجوں ميں جو توانائي اور كچھ كر گزرنے كا جو اراده ظاهر هوتا هے وهي توانائي اوروهي اراده شهاب جعفري كے اندر بھي موجود هے۔يه كيفيت تصوف كي طرف بھي قاري كے ذهن كو لے جا تي هے كيوں كه اكثر سمندر كو ٫٫كُل ٬٬يعني خدا اور سمندر كے بوند كو٫٫ جز٬٬ يعني بندوں سے تعبير كيا جا تا هے۔مذكوره بالا نظم ميں شاعر نے خطابيه لهجه اختيار كيا هے جس ميں با ضابطه مكالمے كا استعمال هوا هے جس سے نظم ميں تحرك پيدا هوا هے اور اس تحرك كي وجه سے نظم ميں ڈرامايت بھي پيدا هو گئي هے۔
شهاب جعفري انسان كي عظمت كو تسليم كرتے هوئے يه بھي مانتے هيں كه انسان كے اندراصل جوهر ٫٫خود آگهي٬٬ هے جو هميشه اس كے سينے ميں ستاروں كي طرح چمكتا رهتا هے ليكن يهي ٫٫خود آگهي٬٬ انسان كے دل سے اس وقت نكل جاتي هے جب انسان كا ضمير ختم هو جاتا هے۔شاعر نے اپني ايك نظم ٫٫خود آگهي ٬٬ميں اس تصور كي وضاحت كي هے۔
ندي كي تهه ميں صديوں پهلے اك ٹوٹا هوا تاره
چھپا هے----- سخت ظلمت ميں بھي كيسا جگمگا تا هے
كه جس سے د ل فريب اس آب حيواں كي رواني هے
غريب اس ريت كے تودے ميں كتنے آسماں لے كر
نه جانے دفن هے كب سے فنا كے شور اور غل ميں
يهاں ٹوٹا هواتاره ٫٫خود آگهي٬٬ كا استعاره هے اور ندي كي تهه كي تشبيه ظلمت سے دي گئي هے، ظلمت انساني ضمير اور انساني قدروں كے زوال كا استعاره هے اور چوتھے مصرعے ميں آسماں دل كا استعاره هے۔شاعر نے خود آگهي كے عروج وزوال كي وضاحت ان مصرعوں كي هے:
كبھي يه تاره ميرے سينے كے نُه آسماں پر تھا
يه جب سے گردشِ شام و شهر كي قيد سے چھوٹا
مجھے ميرے نظامِ روزو شب نے هر طرح لوٹا
ميں جب اك كوزه ِ دل لے كے نكلا تھا سبيلوں پر
بھرے بازار ميں جب بك رهي تھي ميري خوداري
جبھي سے روٹھ كر مجھ سے يهاں اب چھپ كے بيٹھا هے
اب اس كا آسماں سونا هے ميرا سينه خالي هے
پهلے مصرعے ميں شاعر نے ماضي كي اعليٰ قدروں كو ياد كيا هے جب اس كا ضمير پاك تھا اور خوداري بلند تھي جس سے اس كا دل بھي روشن تھا اور اس كي خود آگهي اس كے اندر موجود تھي ليكن آج جبكه انسان كي خوداري بك چكي هے تو انسان كا سينه بھي خود آگهي كي نور سے خالي هو گيا هے۔شاعر كو اس كھوئے هوئے جوهر كو پھر حاصل كرنے كي تمنّا بيدار هے كيوں كه اس كے بغير انسان كا وجود ممكن نهيں هے۔اسي ليے شاعر نے ان مصرعوں ميں اپني بے چيني كا اظهار كيا هے:
٫٫مرے تارے تمهيں كھو كر ميں خود گم هوں، مجھے پا لو
ميں زنده هوں،ميں واپس آگيا هوں،مجھ كو اپنا لو٬٬
آخري مصرعے ميں شاعر كا يه اعلان كه ميں زنده هوں،ميں واپس آگيا هوں، تجديد انسانيت يعني اس اميد كي طرف اشاره هے كه ا نسانيت پھر سے واپس آئے گي انسان كا ضمير پھر سے زنده هو گا۔
شهاب جعفري كي ايك اور نظم٫٫اپنا جنم ٬٬ ميں انسان كي تخليق و تجديداوراس كي عظمت كي طرف اشاره كيا هے۔ اپنا جنم سے مراد انسانيت كا جنم هے۔شاعر نے انسان كے جنم كو كسي مردِ كامل كے جنم سے عبارت كيا هے۔ مردِ كامل كي بهترين مثال حضور كي ذات هے۔اسلامي عقيدے كے مطابق دنيا بنانے سے پهلے خدا نے حضور كا نور پيدا كرديا تھا۔ اس نظم كے چند مصرعے ملاحظه هوں:
فضائے تيره ميں ذراتِ نور اڑتے هيں
تخيل ان كومرے جسم و جاں كي صورت ميں
گداز كركے نيا آب ورنگ ديتا هے
تصورات كي بانهوں ميں كائناتِ وسيع
سمٹ رهي هے تو انسان بنتي جاتي هے
شهاب جعفري نے ان مصرعوں ميں يه بتانے كي كوشش كي هے كه انسان كا خمير جس چيز سے بنا هے وه كچھ اور نهيں بلكه نور كے ذرّات هيں۔ پهلے مصرعے ميں نور علم كي علامت هے جبكه تيره يعني اندھيرا جهالت اور پستي كي علامت هے۔چوتھے اور پانچوين مصرعوں ميں شاعر نے يه كهه كر كه٫٫تصورات كي بانهوں ميںكائناتِ وسيع ،سمٹ رهي هے تو انسان بنتي هے٬٬،انسان كي عظمت كو بڑھا ديا هے۔ انسان كے وجود ميں كائنات كا سمٹ جانا حضور كي ذات كي طرف اشاره هے۔چند مصرعے اور ملاحظه كيجيے:
٫٫ اٹھو اٹھو نئے ميلاد كي هے تياري
چلو كه ختم هوئي نيند كي گرانباري
زمين كي كوكھ كا غنچه چٹكنے والا هے
سحر كي گود كي كھيتي لهكنے والي هے
چلو بھي جشنِ مسرت كي آچكي هے گھڑي
پهلے مصرعے ميں ٫٫ نئے ميلاد كي هے تياري٬٬ سے ايك طرف ذهن حضور كي ولادت كي طرف جاتا هے اور دوسري طرف تجديدِ تهذيب كي طرف بھي جاتا هے۔دونوں صورتوں ميںنيند كي گرانباري يعني جهالت ختم هونے كے امكان بڑھ جاتے هيں۔ كئي مذهبي كتابوں ميںاس بات كا ذكر ملتا هے كه حضور كي ولادت دنيا ميں علم نورِ علم پھيلنے كے مترادف هے ۔اس نظم كے چند مصرعے اور ملاحظه كيجيے:
چلو چلو كه كوئي دم ميں ابنِ آدم آج
نئے سرے سے جنم خود كو دينے والا هے
اب اس نے طوقِ حوادث كو توڑ ڈالا هے
ان بندوں ميں تجديدِ انسان كا تصور ملتا هے۔
شهاب جعفري كي ايك اور نظم٫٫تسخير فطرت كے بعد٬٬ بھي قابلِ ذكر هے كيوں كه شاعر نے اس نظم ميں انسان كي قوت تسخير كا جائزه پيش كيا هے۔ يه نظم ايك مكالماتي نظم هے جس ميں شاعر نے هوا كو اپنا هم سفر تصور كيا هے كيوں كه هوا تيز چلتي هے اور جلد هي تمام اطراف ميں پھيل جاتي هے۔انسان بھي هوا كے مانند تسخيرِ فطرت كے ليے چاروں طرف پھيل جانے كا مجاز ركھتا هے ليكن جس طرح آج هوا آلوده هو چكي هے اور اس كے اندر فرحت بخشنے كي طاقت نهيں هے اسي طرح انسان بھي اس قدر گر چكا هے كه اس كي حالت ايك پتھر كي سي هو گئي هے۔شاعر هوا كي سست پيمائي اور انسان كي بيچارگي پرافسوس كا اظهار كر رها هے۔موجوده دور ميں مسلم معاشرے كا كچھ ايسا هي حال هے۔چند مصرعے ملاحظه هوں:
هوا اے هوا
ميں كه تجھ سے بچھڑنے سے پهلے
تري طرح آزاد و سرشار تھا
اب يه كس طرح كي منهمك، ٹوٹتي زندگي هے؟
كه تو شهر شهر آدمي كي تگ و تازگي كي تاب لانے كے قابل نهيں
اور ميں شهر شهر ايك پتھر سا رستوں ميں بے حس پڑا هوا هوں
تري سست پيمائي اور اپني بيچارگي كا گله كر رها هوں
شهاب جعفري كي ايك نظم هے٫٫خدا كي واپسي۔٬٬اس نظم كي ابتدا جس مصرعے سے هوتي هے اُسي مصرعے سے كاخاتمه بھي هوتا هے جو نظامِ ارتقا كي طرف اشاره كرتا هے۔ شاعر نے نظم كے اس مصرعے كو عوام كے ليے دلچسپ اور سنسني خيز بنانے ليے اخباركي ايك خبر كي صورت ميں پيش كياهے ۔ خبر سنانے والا شخص ايك پاگل هے جو خدا كي واپسي كا اعلان، خدا كا پيغام سنا كر كرتا هے اور اپنے آپ كو خدا كا پيغمبربتا تا هے۔ مصرع يه هے۔
٫٫پھريك ديوانه شهر كے راستوں پر ديكھا گيا ،جواعلان كر رها تھا٬٬
در اصل نٹشے نے فوق البشر﴿ Super Man (كا تصور﴿Concept﴾ ديتے هوئے God is dead كا اعلان كيا تھا ۔اس كے مطابق تكميلِ كائنات كا سارا نظام انساني عقل چلاتي هے لهٰذا اس نے اعلان كيا كه خدا مر چكا۔شهاب جعفري نے نٹشے كے اس خيال كو deconstruct كرتے هوئے ٫٫خدا كي واپسي٬٬ كا اعلان كياهے۔نظم ٫٫ خدا كي واپسي ٬٬ ميں شاعر نے خدا كو قوتِ ارتقا كے استعارے كے طور پر استعمال كيا هے اور انساني ارتقا كے مختلف منازل كو پيش كيا هے۔ اس نظم كا مركزيe Them نظريه ارتقا ﴿Evolution Theory﴾ هے۔اس نظم ميں شاعر نے ايك كردار خلق كيا هے جو اپنے آپ كو خدا كا پيغمبر كهتا هے اور خدا كا پيغام چيخ چيخ كر سڑك پر چلتے هوئے هجوم كو سناتا هے ليكن لوگ جو نٹشے كےGod is deadكے Cocept كے قائل هيں اس ليے اسے پاگل سمجھتے هيں ليكن عجب بات هے كه اسے پاگل سمجھنے كے باوجود بھي اس كے ذريعه خداكا پيغام سن كر سبھي خوف زده هيں كيوں كه اس كا پيغام نٹشے كے تصورات كوردكرتا هے اور خدا كے وجود كوثابت كرتا هے۔مندرجه ذيل مصرعوں كي قرات كريں۔
مجھے خداوند نے دوباره زميں په بھيجا هے اهلِ دنيا
اسي خدا نے تم اپني صورت سے جس كو پهچانتے هوپهچان لو مجھے بھي
وه قوتِ ارتقا هے اور تم اس ارتقا كي عظيم منزل
تمهاري نشوونما كي خاطر خلاو ں نے يه زمين بھيجي
تمهارے بے چين دل كي آسودگي كي خاطر
زميں نے گردش قبول كي،روزوشب بنائے
بدلتے موسم كے معجزے بھي دكھائے پاني كو دي رواني
كه تم بھي سانسوں كے اك توازن سے اپنے پيروں په چل سكو
اور زمين نے اپنے رقصِ پيهم
هواو ں كے پيچ و تاب ، شام و سحر كے چكّر
فضاو ں كے جاوداں تغيّر، صداو ں كي لازوال جنبش،
غرض تمهيں هر طرح كي گردش سے آشنا كركے يه سكھايا
كه تم خود ان گردشوں په قادر رهوگے تابع نهيں رهوگے
مندرجه بالا مصرعوں ميںشهاب جعفري نے قرآن كي آيتوں كو نظم كركے خدا كے وجود كو پيش كيا هے۔دوسرے مصرعے ميں يه كهه كر كه٫٫اسي خدا نے تم اپني صورت سے جس كو پهچانتے هو٬٬قرآن كي اس آيت كي طرف اشاره كيا هے جس ميں كها گيا هے كه خدا نے انسان كو اپني صورت پر بنايا هے۔Bible ميں بھي كها گيا هے كه Man is the image of God. تيسرے مصرعے ميں شاعر نے خدا كو قوتِ ارتقا اور انسان كواس ارتقاكي عظيم منزل قرار ديا هے۔ قرآن ميں بھي كها گيا هے كه انسان خدا كي تخليق كي انتهائي ترقي يافته صورت هے ۔ متذكره بند كے باقي مصرعوں ميں بھي قرآن كي ان آيات كي طرف اشاره هے جس ميں كها گيا هے كه يه دنيا اور دنيا كي تمام چيزيں انسان كي نشوونماكے ليے بنائي گئي هيں۔آخر ميں شاعر نے يه كهه كر كه٫٫غرض تمهيں هر طرح كي گردش سے آشنا كركے يه سكھايا كه تم خود ان گردشوں په قادر رهوگے تابع نهيں رهو گے٬٬يه بتانے كي كوشش كي هے كه خدا نے انسان كو اشرف المخلوقات بنا كر اس دنيا ميں بھيجا اور تسخير كائنات كا حكم ديا۔
اس نظم كے دوسرے حصے ميں شاعر نےalance Disorder of ecological كي طرف اشاره كيا هے جو آج كي ضرورت هے اور ان لوگوں كو اپنے طنز كا نشانه بنايا هے اور تنبيه بھي كي هے جو نٹشے كے تصورات كي پيروي كرتے هيں اور اپني قدرت كا بے محل استعمال كرتے هيں۔
تم اپني قدرت كے بے محل صَرف سے خود اپنے عظيم رتبے سے گر چكے هو
زميں په بارود كے وه انساں كيے هيں تخليق تم نے،جن كے
بس اك دھماكے سے دن كو رات اور رات كو دن بنا رهے هو
هوا كو ساكت،سحر كو تاريك،شام كو شعله تاب كر كے
فضاو ں كو جاوداں جمود اور صداو ں كو لازوال خاموشيوںميں تبديل كر رهے هو
ان مصروں ميں شاعر نے يه بتانے كي كوشش كي هے كه كس طرح انسان اپني عقل كا غلط استعمال كر كے انسانيت كو خوف زده كر رها هے۔تقريباً چاليس سال پهلے كهے گئے يه مصرعے آج بھيكس قدر Relevant هيں۔اعراق اورافغانستان ميں امريكا اور برطانيه نے آج جس طرح اپني طاقت كے بيجا استعمال سے خوف وهراس كا ماحول پيدا كرديا هے، اس كي تصوير ان مصرعوں ميں بھي موجود هے۔ صرف اتناهي نهيں، شهاب جعفري نے اس شخص كے ذريعه گمراه انسان كي لذت ،اس كي تسكين،اس كے ماحاصل پر طنز كے پيرائے ميں پهلے سوالات قائم كيے هيں اوران سوالوں كے جواب ديتے هوئے ان كے تمام كارناموں ،ان كے خواهشات،زندگي كي لذت،ان كے تسكين،اور ان كے ما حاصل كو ادنيٰ اور حقير بتاكر ان لو گوں كو كم تر اور معمولي درجے كے انسان كي شكل ميں پيش كيا هے جو لوگ خدا كي موت كے قائل هيں اور اپنے كارناموں پر فخر محسوس كرتے هيں۔
تمهاري لذت؟
سپاٹ سي زندگي كے دكھ درد بے صله آدمي كي محنت
تمهاري تسكيں؟
نپي تلي خواهشوں كي هر لمحه سخت گيري وجانگدازي
٫٫تمهارا حاصل؟
دلوں كي نا پخته آرزوئيں، يتيم سي يه ادھوري دنيا،يه شاخِ طوبيٰ كي كچي كونپل ٬٬
شاعر نے ان مصرعوں كي مدد سے لوگوں كے سامنے سچائي پيش كركے انهيں ٹھهر كر اس پيغا مبر كي بات سننے اور سوچنے كے ليے مجبور كياهے پھراپنے تخليق كرده كردار كے ذريعه تكميلِ كائنات كے ا نظام كاتوازن برقرار نهيں رهنے كي وجوهات كي طرف بھي اشاره كيا هے۔شاعر كا خيال هے كه اس كي وجه انسان كے غير فطري اعمال هيںجسے وه ما فوق البشر كا كارنامه سمجھ كر كرتا هے۔
زمين كاچاك جس كي گردش سے وقت تخليق هو رها تھا،
سلونے پيكر ابھر رهے تھے،
اب اس كي رفتاركا توازن بگڑ چلاهے
هتھيليوں كي گدازآنچ اور كوري مٹي كي
باهمي كافرانه تقديس مٹ چكي هے
كوئي بھي شے اپنے حسنِ تكميل كو پهنچتي نهيں،
پهلے مصرعے ميں شاعر نے زمين كو اس چاك سے تعبير كيا هے جس كي مدد سے كمهار گيلي چكني مٹّي كو جس shape ميں چاهتا هے ڈھال ليتا هے اور طرح طرح كے خوبصورت برتن بنا تا هے۔ شاعر نے ٫٫زمين كا چاك٬٬ اس ليے كها كه چاك بھي گردش كرتا هے اور زمين بھي گردش كرتي هے۔زمين كي گردش سے وقت كي تخليق هوتي هے اور چاك كي گردش سے سلونے مٹّي كے پيكر بنائے جاتے هيں۔ شاعر كهتا هے كه اب نه زمين اور چاك كي گردش كا توازن باقي هے اور نه كمهار كے هتھيليوں اور كوري مٹّي كے درميان وه تال ميل برقرار هے جس كي بدولت كوئي خوبصورت پيكر ابھرتا هے۔اسي ليے شاعر اظهارِ افسوس كرتا هے كه:
دلوں ميں وه شوقِ تكميل بجھ چكاهے حيات بدشكل هو گئي هے
دل ايسا بے باك،سات پردوں ميںاپنا اظهار كرنے والا
فن ايسا خوداروخودنما----- گندے پاني ميں بھي كنول كي ماننداُبھرنے والا
يه راهِ نشوونما كے معجزخرام، جن كا اك اك قدم ايك اك صدي هے
تمهارے خائف هجوم كي بھاگ دوڑ ميں منه كے بل گرے هيں
بري طرح سے كچل گئے هيں
شهاب جعفري نے سماج كے اس طبقے پر بھي طنز كيا هے جس طبقے نے سورج كي طاقت كو محسوس كر كے كبھي اسے خدا مانا تھااوراس كو پوجناشروع كيا تھا ليكن اسي طبقه نے آج كل كارخانوںاوراپنے هي بنائے هوئے مشينوں كے معجزه كو ديكھ كر اسے پوجنا شروع كرديا۔شاعر كا خيال هے كه انسان ايسا اس ليے كرتا هے كه وه در اصل احساسِ كمتري ميں مبتلا هے۔
تم اپنے پيدا كيے هوئے خوف اور احساسِ كمتري سے
كل آسماں، چاند اور سورج كو پوجتے تھے
اور آج بھي تم خود اپني ڈھالي هوئي مشينوں كے سامنے سر جھكا رهے هو
خدائے خالق كو تم نے نادم كيا تھا كل تك
اور آج انسانيت كي تذليل كر رهے هو
شهاب جعفري نے ان مصرعوں ميں ان لوگوں كي غيرت كو جگانے كي كوشش كي هے جن كا ايمان بھٹكا هوا هے اور جو اصل خدا كي پرستش كرنے كے بجائے كبھي خدا كي پيدا كي هوئي طاقت كے سامنے تو كبھي اپني بنائي هوئي مشيني طاقت كے سامنے سر جھكا تے هيں۔ شاعر كا خيال هے كه اس سے نه صرف خدا كي تذليل هوتي هے بلكه انسانيت كي بھي تذليل هوتي هے۔
عام طور پر دن كو رات پر ترجيح دي جاتي هے كيوں كه دن خوشي كي علامت هے جبكه رات غم كي علامت هے۔ليكن شهاب جعفري نے عام ڈگر سے هٹ كر رات كو دن پر ترجيح دي هے اور رات كو خوشي كي اور دن كو پريشاني كي علامت بنا كر پيش كيا هے۔ شهاب جعفري نے رات كا رشته تصوّف،خواب اور تخليقي عمل سے جوڑ كر اس كا تصوّر هي بدل ديا هے۔رات كو دن پر ترجيح دينے كي ايك وجه بھي هو سكتي هے كه راتيں عبادت اور كشف و كرامات كے ليے موزوں ترين هوتي هيں۔تخليق كاروں كي تخليقات كے نزول كے ليے بھي راتيں خاص اهميت كي حامل هوتي هيں۔شاعر نے راتوں كي اس اهميت كا اظهار ان لفظوں ميں كيا هے۔
٫٫كه اس كو اربابِ كارو بار اجنبي جو پائيں گے لوٹ ليں گے
قدم قدم احتساب كر كے متاعِ فن اس سے چھين ليں گے
متاعِ فن كي وضاحت شاعر نے اس طرح كي هے۔
متاعِ فن ميرا نازِ تخليقِ فن،
مرے تجربے ميري زندگي كے كچھ سرفراز لمحے،
متاعِ فن شام كے دھندلكے ميں فكرِ نو خيز
﴿كچھ نيندوں كي اُوس پي كر جوانِ رعنا﴾
اس Consumerism كے زمانے ميںپراني قدريں ختم هوتي جا رهي هيں ۔ بچے تعليم تو حاصل كر رهے هيں ليكن تربيت حاصل نهيں كر پا رهے هيں ۔نتيجے كے طور پر دنيا بھر ميں Destruction سے خوف كا ماحول هے۔ايسے ميں انساني ذهن كو فنوںِ لطيفه كي طرف مائل كرنے كي ضرورت هے۔اس كے ليے يه بھي ضروري هے كه هماري صديوں پراني تهذيب زنده رهے۔هماري يهي تهذيب اور اس تهذيب كي پراني قدريں همارے ملك اور قوم كو بچا سكتي هيں۔شهاب جعفري كو بھي اس بات كا احساس هے۔لهٰذا وه اپني ايك نظم٫٫رينا ساں٬٬ ميں لكھتے هيں كه:
ديكھتا هوں اجنتا كے غاروں سے اك كارواں كو نكلتے هوئے
ديكھتا هوں كه تهذيب كي اپسرائيں
سبھاو ں كي پرياں
سنگيت كي ديوياں
رقص كي پتلياں
اپنے هاتھوں ميں صديوں كي جلتي هوئي مشعليں لے كے نكلي هيں
اور آن كي آن ميں
شعرونغمه كي دھرتي كے گرد ايك هالا بناتے هوئے
سارے مشرق كو اپني حفاظت ميں لے كر كھڑي هو گئيں
ان مصرعوں ميں اپسرائيں،پرياں،سنگيت كي ديوياں،رقص كي پتلياں وغيره كا تعلق هندستان كي قديم اساطيري قصوں اور كهانيوں سے هے۔الغرض شهاب جعفري كي شاعري هندستاني تهذيب كا آئينه هے جس ميں همارا قديم ترين فلسفه اور هماري پراني تهذيب كاعكس موجود هے۔
ان نظموں كے تجزياتي مطالعه كے بعد قاري شهاب جعفري كو عام روش كے شاعر سے الگ پاتا هے۔شهاب جعفري نے هر بڑي شاعري كي طرح اپني شاعري كے ليے مخصوص علامتيں اوراستعارے وضع كيے هيں۔ان علامتوں كو انهوں نے كچھ اس طرح سے اپني پوري شاعري ميں برتا هے جس كي روشني ميں انهيں ايك مربوط فكر كا عظيم شاعر قرار ديا جا سكتا هے ۔