سماجي هم آهنگي اور اردو شاعري ميں صوفيانه افكار

 

سماجي هم آہنگي اور اردو شاعري ميں صوفيانه افكار

راستے الگ هو سكتے هيں مگر منزل ايك هے۔كائنات و فطرت كے نظام سے يهي اشاره ملتا هے۔نظامِ كائنات كا انحصار هم آهنگي پر هے اور اس كي بقا كا دارومدار بھي وحدت پر هے۔جس دن هم آهنگي كا خاتمه هو گا قيامت آجائے گي۔ قيامت اسي هم آهنگي كے خاتمے كا نام هے۔ديكھا جائے تو كائنات رفته رفته قيامت كي طرف بڑھ رهي هے۔گلوبل وارمنگ كا خطره اور ماحولياتي توازن كا بگڑجا نا اس بات كا ثبوت هے كه كائنات كي هم آهنگي متاثر هو رهي هے۔اسي لئے گلوبل وارمنگ كو كائنات كي بقا كے لئے خطره تصور كيا جا رها هے اور ايسے منصوبے تيار كئے جا رهے هيں كه كائنات كے تحفظ كو يقيني بنايا جا سكے اور كائناتي توازن برقرار رهے۔اربابِ تصوف كائناتِ فطرت كے رموز و اسرار سے آشنا تھے اسي لئے وه بھي اسي نهج پر سوچتے تھے۔انهوں نے فطري توازن كي قنديليں روشن كيں اور كائنات كي هر شے ميں اسي وحدت كا جلوه ديكھا۔انهيں فطرت كے هر ذرّے ميں خدا كا نور نظر آتا هے۔فطرت كو ديكھنے سے اندازه هوتا هے كه قدرت نے اس ميں كس قدر توازن ركھا هے۔سوره رحمٰن ميں اسي طرح كے اشارات ملتے هيں جو كائناتي هم آهنگي كي طرف انسانوں كي توجه مبذول كراتے هيں۔ اربابِ تصوف نے كائناتي مظاهر كا گهرا مطالعه كيا هے اسي لئے ان كے ذهن ميں فطري هم آهنگي روشن هے۔ خدا تعاليٰ نے موجوداتِ كائنات كے درميان جو هم آهنگي پيدا كي هے اس كي فلسفيانه وضاحت مشهور فلسفي لائبنيز نے اس وقت كي جب اس نے ذهن و جسم كے درميان پائي جانے والي هم آهنگي كو ثابت كرنے كے لئے"Pre-Established harmony" كے نظريے كو پيش كيا۔اس نے اپنے فلسفے كي بنياد جوهر كے تصور پر ركھي۔ڈيكارڈ اور اسپنوزا كي طرح اس كا بھي خيال تھا كه جوهر مطلقاً آزاد اور خود مُكتفي هوتا هے۔ليكن لائبنيز كا يه بھي ماننا تھا كه جوهروں كي ايك لا متناهي تعداد هے جنهيں اس نے ٫٫موناد٬٬ كا نام ديا تھا۔موناد دراصل ايك قسم كے مراكز قوت هيں اور توانائي ان ميں سے همه وقت پھوٹتي رهتي هے۔اس كے مطابق موناد، روحيتي اكائياں هيں اور هر موناد ايك دوسرے سے مطلق آزاد هوتا هے اور ان ميں ايك بھي موناد ايسا نهيں پايا جاتا جو كسي دوسرے موناد سے مماثل هو۔ اس نے يه بھي كها كه هر موناد بے روزن هوتا هے اس لئے ان ميں سے كوئي شے نه اندر آسكتي هے اور نه باهر جا سكتي هے۔ يه موناد ايك دوسرے پر عمل يا تعامل كي قوت سے بھي عاري هوتے هيں۔هر موناد اپني ذات ميں ايك ايسي خوردبيني كائنات سموئے هوتا هے جو ساري كائنات كو اپنے خاص زاويه نگاه سے منعكس كرتي هے۔مونادوں كے درميان ايك خاص نظام پايا جاتاهے۔اس نظام كے مطا بق ادنيٰ ترين موناد يں ٫٫بے شعور موناد٬٬ كهلاتے هيں جو مادي دنيا كے ترجمان هوتے هيں۔ان مونادوں كے اُوپر كے درجے ميں ٫٫ذي شعور موناد٬٬ هوتے هيں جو نامياتي دنيا كي نمائندگي كرتے هيں۔اس سے اُوپر كے درجے ميں٫٫ خود آگاه موناد٬٬ هوتے هيں جو ذي عقل موجودات كے نمائندے هيںاور سب سے اوپر خدا هے، مونادوں كا موناد هے يعني مونادِ اعليٰ۔مونادوں كے سلسلے ميں لائبنيز نے جو جانكاري دي اس پر اعتراض كرتے هوئے يه سوال اٹھايا گيا كه اگر مونادبے روزن اور مطلقاً آزاد اور خودمُكتفي اكائياں هيں تو نفسي موناد اور جسمي موناد ميں كيسے رشته قائم كيا جا سكتا هے۔لائبنيز نے اس مسئلے كا حل "Pre-Established harmony" كے نظريے سے نكالااور كها كه مونادِ اعلٰي يعني خدا تعاليٰ نے ابتدائے آفرينش ميں هي ذهن و جسم كے درميان ايك هم آهنگ مطابقت پيدا كردي تھي۔لائبنيز كهتا هے كه جس طرح كوئي خيال سوچنے والے كے ذهن سے ابھرتا هے اسي طرح خدا كے حكم سے هر موناد عالم ِظهور ميں آيا۔خدا نے ان مونادوں كو اس طرح خلق كيا هے كه ان ميں سے كسي ميںبھي اگر كوئي تغير هوتاهے تو دوسرے موناد ميں بھي اسي كي مطابقت سے لازمي طور پر تغير پيدا هوجاتاهے۔يعني خدا تعاليٰ نے تمام مونادوں كو اس طرح ترتيب ديا هے كه يه ايك دوسرے سے هم آهنگ هوتے هوئے عمل كرتے هيں اور عمل كے نتيجے ميں هونے والے تغيرات ايك دوسرے سے پوري طرح موافقت ركھتے هيں۔ هيگل، بريڈلے، بوزانكے، رائيس،كروچے اور جنٹائل وغيره فلسفيوں نے كائنات كے بارے ميں بنيادي طور پر اس بات پر متفق تھے كه مبدائِ كائنات روح و عقل هے اور اس بات پر بھي متفق تھے كه تمام كائنات ميں ايك عضوياتي وحدت﴿Organic Unity﴾ موجود هے اور اس وحدت ميں پوري مقصديت اور مفهوم هے۔كائنات كے صدرالصدورميںاورقلب انساني ميںايك طرح كا ٫٫آهنگ في البطن٬٬﴿Self Harmony﴾هے۔ماديت كي اس تنظيم كے پس پشت ايك روحيتي ترتيب، ايك آهنگ و توازن پايا جاتا هے۔ فطرت ميں جو هم آهنگي پائي جاتي هے، اس كي وضاحت علامه اقبال نے اپنے ايك شعر ميں اس طرح كي هے۔ فطرت كا سرود ازلي اس كے شب و روز آهنگ ميں يكتا صفتِ سوره رحمٰن دنيا كے تمام مقدس يا آسماني كتابوں ميں بھي اس بات كي وضاحت كي گئي هے كه خدا تعاليٰ نے ايك خاص نظام كے تحت اس كائنات كي تخليق كي اور تخليق كرده موجودات ميں هم آهنگي پيدا كي ۔مثلاًچاند، سورج اور زمين اپنے اپنے مدار ميں ايك دوسرے كي گردش ايك نظام كے تحت كرتے هيں جس كي وجه سے صبح هوتي هے،دن هوتا هے ،شام هوتي هے پھر رات هوتي هے اور يوںهي وقت گزرتا رهتا هے يعني ان تينوںسياروں ميں بھي هم آهنگي پائي جاتي هے اوران ميں هونے والے تغيرات كے اثرات بلاواسطه يا با لواسطه طور پر بے شمار چيزوںپر پڑتے هيں مثلاًان تمام سياروں ميں هونے والے تغيرات اور جائے مقام﴿Location﴾ كے اثرات انساني زندگي پر بھي پڑتے هيں اس سے معلوم هوتا هے كه ستاروں كي چال اوران كے جائے مقام﴿Location﴾ ميں بھي هم آهنگي هوتي هے۔ان سياروں كي گردش سے اوقات ميں تبديلي آتي هے اور تبديلي اوقات سے موسم بدلتے هيں اور پھر موسموں كي تبديلي سے پھل،پھول اور غلّوں كے بے شمار اقسام كي پيداوار هوتي هے۔الغرض آسمان،زمين اور سمندر ميں پائي جانے والي ايسي كوئي چيز نهيں هے جن كا رشته دوسري چيزوں سے نه هواور ان ميں هونے والے تغيرات كے اثرات ايك دوسرے پر نه پڑتے هوں اور ان تمام چيزوں ميں هم آهنگي نه پائي جاتي هو ۔لهٰذا كائنات ميں ايسي كوئي چيز نهيں هے جس سے انساني رشتے قائم نه هو سكيں۔ همارا ملك هندوستان كائناتي وحدت و هم آهنگي كي عظيم ترين مثال اور مظهر هے۔ يهاں كي سر زمين ميں هم آهنگي كي سب سے حسين تعبيريں نظر آتي هيں۔ بدھ، جين اور بے شمار صوفي سنت پيدا هوئے جنهوں نے خدا كي ذات ،خدا كے پيغامات اور اس كائنات كي حقيقت كي وضاحت اور تشهير اپنے اپنے عقيدے كے مطابق كي ليكن ان سب كا مقصداور منزل ايك هي رهاهے ۔انهيں صوفيوں، سنتوں،رشيوں اور منيوں كے پيغامات كا اثر تھا كه هندوستان كو گلستاں اور هندوستانيوں كو كبھي مختلف رنگوں كے پھولوں سے تو كبھي بلبلوں سے تعبير كيا گيا كيوں كه بلبلوں كي طرح تمام هندوستاني بھي محبت كے هي ترانے گاتے تھے۔ هندوستان كي صديوں پراني تهذيب، مذهبي روادري ، آپسي محبت اورقومي اتحادهمارے ملك كي بهت بڑي خوبي اور سب سے بڑي طاقت بھي تھي جس كي وجه سے بعض دوسرے ممالك خوف زده تھے۔يهي وجه هے كه لارڈ ميكالے نے فروري 1835 ئ ميںبرطانوي پارليامنٹ ميں كها تھا: ٫٫ميں نے پورے هندوستان كے دورے ميں نه تو كوئي فقير ديكھا اور نه چور۔اس ملك ميں اخلاقي قدروں اور لوگوں كي صلاحيتوں كي ايسي دولت پائي جاتي هے جس كو ختم كركے اور اس كے روحاني ورثه كو تهس نهس كركے هي هم اس پر پورا قبضه جما سكتے هيں۔اس لئے ميري تجويز هے كه اس كے پرانے طريقه تعليم اورتمدن كو بالكل بدل ديا جائے تاكه هندوستاني هر غير ملكي اور انگريزي چيز كو اپني چيزوں سے اچھا سمجھنے لگيں۔ اسي صورت ميں وه خود اعتمادي اور اپنے كلچر سے محروم هوكر هر طرح سے همارے تابع اور محكوم بن سكتے هيں۔٬٬ ﴿ ڈي .سي . منجوداس ،آئي. ايف. ايس، Social Harmony and Economic Devlopment، (48-49-P اسي لئے علامه اقبال نے كها تھا : كچھ بات هے كه هستي مٹتي نهيں هماري صديوں رها هے دشمن دورِزماں همارا سماجي هم آهنگي اورمذهبي رواداري هندوستان ميں هميشه رهي هے اور هم يهاں كے مختلف النوع كلچر اور تهذيبي ورثه پر فخر محسوس كرتے رهے هيںليكن آج پورے ملك ميں پھيلي هوئي فرقه ورانه كشيدگي، مذهبي كٹرپن، عليحدگي پسندي، علاقايت اورلساني تعصب نے ملك كي سا لميت اور يكجهتي كو خطرے ميں ڈال ديا هے۔مذهب كي آڑ ميں چند سياسي گرگوں نے اپنے ذاتي مفاد كے لئے تخريبي طاقتوں كے ساتھ مل كر ملك ميں انتشار اور بدامني پيدا كردي هے۔آزادي كے بعد كي سماجي صورتِ حال كا اگر جائزه ليا جائے تو معلوم هوگا كه مذهبي اور فرقه ورانه كشيدگي حد سے زياده بڑھ گئي هے۔بھاگل پور كے دنگوں كے بعد 1990 ميں ممبئي كے فسادات اور پھر 2002 ميں دل دهلا دينے والے گجرات كے فسادات نے سماج ميں نفرت اور عدم رواداري پھيلا دي هے۔هماري آزادي اور جمهوريت كو خطره لاحق هو گيا هے ۔ هماري گنگا جمني تهذيب مٹ رهي هے۔ايسے حادثات اور صورت حال سے يهاں كے معاشي حالات پر بھي منفي اثرات مرتب هورهے هيں۔ان حالات ميں هندوستان كو محفوظ ركھنے كے لئے سماجي هم آهنگي اور قومي يكجهتي كو پھر سے بحال كرنا هوگا۔مشتركه تهذيب وتمدن، مذهبي رواداري اور روحاني قدروں كو پھر سے قائم كرنا هوگا۔ كيا يه حقيقت نهيں كه همارے ملك ميں دنيا كے عظيم مذاهب كے ماننے والے، بے شمار زبانوں كے بولنے والے اور مختلف تهذهب اوررسم ورواج كے ماننے والے جغرافيائي اور لساني اختلافات كے باوجود سيكڑوں سالوں سے مل جل كر رهتے آرهے تھے اور يه ضرف اس لئے كه انهيں مذهبي اور صوفيانه تعليمات سے واقفيت تھي اور همارے ملك كے دانشوروں اور مفكروں نے هميشه مل جل كر رهنے كا درس دياهے۔مثلاً سوامي وويكا نند نے ايك جگه لكھا هے: ٫٫اگر تم اپنے بھائي كي جو خدا كي قدرت كا مظهر هے، عزت نهيں كرو گے تو بھلا تم خدا كي عبادت كيسے كر پاو گے جو مادي اعتبار سے يكتا اور هر جلوه سے بے نياز هے۔٬٬ دراصل هندوستان شروع سے صوفيوں،سنتوں، رشيوں اورمنيوں كا گهواره رها هے جن كي تعليمات اور پيغامات نے هميں انسان دوستي اور محبت كا درس ديا هے ۔يهاں انبيا اور مذهبي صحيفے بھي بھيجے گئے جن كے تقابلي مطالعے سے معلوم هوتا كه هے دنيا ميں ايك مذهب هے،ايك هي خدا هے جس نے اس كائنات كو خلق كيا اور هم سب اسي كي مخلوق هيں۔هندوستان كے دو عظيم مذاهب ، اسلام اورويدك دھرم كا اگر بغور مطالعه كيا جائے اور دونوں مذاهب كي كتابوں ،قرآن شريف اور ويد مقدس كا تقابلي مطالعه كيا جائے تو معلوم هوگا كه دونوں مذاهب كے درميان كافي مماثلت هے اور كم و بيش دونوں مقدس كتابوں ميں ايك هي طرح كي باتيں بتائي گئي هيں ۔مثلاً سوره النسائ ،پاره چھ، ميں خدا تعاليٰ نے فرمايا هے كه پيغمبرِ اسلام حضرت محمد سے پهلے بھي بهت سے رسول كھلي كھلي نشانياں، صحيفے اور روشني بخشنے والي كتابوں كے ساتھ بھيجے گئے هيں۔ويدوں ميں بھي كها گيا هے كه جب جب دھرم كا ناش هوگا تب تب هم ﴿يعني خدا ﴾انسانوں كے روپ ميں اس دھرتي پر آئيں گے۔قرآن ميں آگے كها گيا هے كه وه رسول بھي﴿وحي سے مشرف هيں﴾جن كا ذكر آپ سے كيا هے اور وه رسول بھي﴿وحي سے مشرف هيں﴾ جن كا ذكر آپ سے نهيں كيا هے۔ان دونوں ارشادات كي روشني ميں متعدد صوفيوں ، عالموںاورمسلم دانشوروں نے ويد كو سماوي كتاب اور برهما،جن پر ويد نازل هوئي هے،كو نبي مانا هے ۔اس سلسلے ميں حضرت مرزا مظهر جانِ جانا ں شهيد جو اپنے زمانے كے جيد عالم دين، صوفي اور درويش تھے، نے لكھا هے: ٫٫اهلِ هند كي قديم كتابوں سے جو كچھ معلوم هوتا هے وه يه هے كه بني نوعِ انسان كي پيدائش كي ابتدا ميں ان كي دنياوي زندگي كي سدھار كے لئے اور حيات بعدالممات كي درستي كے لئے اﷲ پاك نے اپني مهرباني سے ويد نامي كتاب برهما فرشتے كي وساطت سے نازل فرمائي جو ايجادِ عالم سے متعلق كاركن هے۔اس كے چار دفتر هيں جو احكامِ امرونهي اور اخبارِ ماضي و مستقبل هيں۔٬٬ ﴿بحواله علامه اخلاق دهلوي، ويدك دھرم اور اسلام، ص- 9,19 ﴾ ويدوں كے مسلم عالموں كے مطابق چاروں ويدوں ميںپهلا رِگ ويد هے جس ميں زياده تر شلوك حمدِ باري پر مشتمل هے۔اس ميں دوزخ كے عذاب، جنت كي نعمتوں ، توحيد اور آخرت كے تصور كا ايسا هي ذكر كيا گيا هے جيسا كه قرآن شريف ميں موجود هے۔رِگ ويد ميں پيغمبرِ اسلام حضور سے متعلق پيشن گوئياں بھي هيں۔اس ميں مصر،شام ، بابِل اور فلسطين كے محاربات كا كهيں كهيں ذكر بھي هے۔طوفانِ نوح اورآتشِ نمرود كا بھي ذكر هے۔دوسرا يَجُر ويد هے جس كا آخري حصه علمِ الٰهيات پر مبني هے۔تيسرا سام ويد هے ۔اس ميں بھي حضور سے متعلق پيشن گوئياں موجود هيں۔چوتھا اَتھَر ويد هے جسے علمِ الٰهي بھي كهتے هيں اس ميں توحيد اور صفات الٰهي كا بھي ذكر هے اور تصور آخرت كا بھي ذكر هے۔اس ميں بھي حضور سے متعلق پيشن گوئياںهيں۔قابلِ غور بات يه كه ان ويدوں كو ايڈٹ كرنے والے شخص مني بياس ديو جي نے مبشراتِ نبي آخرالزماں كے متعلق ان ويدوں ميں جو كچھ لكھا هے اس كا خلاصه اپني ايك كتاب ٫٫مسمٰي راه سنگ رام پوتھي ميں﴿چھٹي كانڈ، بارهويں اسكڈ﴾ ميں قلم بند كيا هے جس كا ترجمه تلسي داس جي نے پوربي بھاشا ميں كيا هے۔اس كا اردو ترجمه پيش كيا جاتا هے۔ ٫٫يهاں ميں كوئي بات ركھوں گا نهيں﴿چھپاو ں گا نهيں﴾جو ويد پران ميں لكھا هے وهي سچ سچ كهوں گا۔دس هزار برس تك مرتبه رسالت كي تكميل هو جائے گي۔بعد ميں يه مرتبه كوئي نهيں پائے گا۔عرب ديش ميں ايك ستاره جگمگائے گا۔وه سرزمين بھي اچھي شان كي هوگي۔اَن هوني باتيں ﴿معجزات﴾ اس سے ظاهر هوں گي۔وه اﷲكا دوست اور سخي داتا كهلائے گا۔سمت بكرما كے سمّتوں كے مطابق ﴿ساتويں صدي ميں هوگا﴾۔نهايت اندھيري رات ميں چار سورجوں كے مثل چمكے گا۔٬٬ ﴿بحواله علامه اخلاق دهلوي، ويدك دھرم اور اسلام، ص- 20 ﴾ ويدوں ميں موجود وه تمام باتيں جو قرآن سے ملتي هيں اور اس كے علاوه حضور سے متعلق جو پيشن گوئياں كي گئي هيں اس سے معلوم هوتا هے كه ويد بھي قرآن شريف كي طرح آسماني كتاب هے ۔ حضرت مولانا فضلِ رحمان گنج مرآدابادي نے قرآن كا پوربي بھاشا ميں ترجمه كيا هے اس كے علاوه كئي دوسرے هندو عالموں نے قرآن كا هندي ميں ترجمه كيا هے جسے پڑھ كر ويد كے شلوك كا گمان هوتا هے اسي طرح ويدوں كے شلوكوں كا عربي اور اردو ميں ترجمه كيا گيا هے جو قرآني آيتوں كي مانند معلوم هوتا هے۔اسي لئے حضرت مرزا مظهر جانِ جاں نے فرمايا هے كه ويدك دھرم با ضابطه دين رها هے جو منسوخ هو گيا هے۔اسي طرح حضرت امير خسرو نے ويدك دھرم كا گهرا مطالعه كيا تھا اور سابق مذاهب سے اس كا موازنه كركے ان پر ويدك دھرم كو ترجيح دي تھي ۔ايك شعر ميں انهوں فرمايا هے: نيست هندو ارچه دين دار چو ما هست او ليكن بے قرار چو ما يعني هندو اگر چه همارے جيسے دين دار تو نهيں هيں مگر بهت سي باتوں ميںهم اور وه ايك هي هيں۔ انهوں نے ويدك دھرم كي اهميت كو ظاهر كرنے كے لئے اپني مثنوي ٫٫نه سپهر٬٬ پندره شعر بطور موازنه شامل كئے هيں جو بصيرت افروز هيں۔مفسرِ قرآن حضرت قاضي ثنائ اﷲ پاني پتي نے بھي آيتِ مباركه كي تفسير ميں لكھا هے كه٫٫اهلِ هند كے اصولِ دين اكثر تو قرآن وسنّت كے مطابق هيں اور جهاں اختلاف هے وه شيطان كي كارستاني كا نتيجه هے۔٬٬مشهور مورخ اور عالمِ دين سيد صباح الدين عبدالرحمٰن اور ڈاكٹر سيد محمود كے مطابق حضرت محمد نے فرمايا هے كه مجھے هندوستان كي طرف سے ربّاني خوشبو آتي هے اور حضرت علي نے فرما كه يه سب سے پاكيزه اور خوشبو دار مقام هے۔كيوں كه يهاں حضرت آدم اترے اور يهاں كے درختوں ميں جنّت كي خوشبو كا اثر هے۔ان حضرات كا خيال هے كه ربّاني خوشبو اور جنّت كي خوشبو كے معني يه هيں كه يهاں كوئي كتاب ضرور اتري هے۔علامه اقبال نے بھي كها هے كه: هے اگر قوميتِ اسلام پابندِ مقام هند هي بنياد هے اس كي نه فارس هے نه شام وحدت كي لے سني تھي دنيا نے جس مكاں سے ميرِ عرب كو آئي ٹھنڈي هوا جهاں سے ميرا وطن وهي هے، ميرا وطن وهي هے علامه اقبال نے بھي هندو صوفيوں ، رشيوں اور منيوں كي كتابيں جو سنسكرت زبان ميںهيں پڑھي تھي ۔انهوں نے ويدوں كا بھي مطالعه كيا تھا جس سے انهوں نے ويدك دھرم ، رام چندر جي اور كرشن بھگوان جيسي شخصيتوں كي عظمت كو تسليم كيا هے اور ويدوں كے كئي شلوكوں كا ترجمه بھي نظم كي صورت ميں كيا هے۔سري رام چند كو خراجِ عقيدت پيش كرنے كے لئے ان پر ايك نظم لكھي هے جس كا عنوان ٫٫رام٬٬ هے۔انهوں نے رِگ ويد كي ايك مشهور منتر ٫٫گايتري منتر ﴿يعني نغمه وحدت﴾ ٬٬ كا منظوم ترجمه ٫٫آفتاب٬٬ كے عنوان سے بھي كيا هے۔اس سے متعلق انهوں نے شذره بھي لكھا تھا جو ٫بانگِ درا٬ كے خاص نسخوں ميں موجود هے۔اس ميں انهوں كها كه سنسكرت كے لفظ سوترتكا هم معنٰي اور جامع لفظ اردو زبان ميں نه ملنے كي مجبوري سے لفظ ٫٫آفتاب٬٬ كو سوتر كا مترادف قرار ديا هے۔مراد اس سے آفتاب ما فوق المحسوسات هے يعني ذاتِ پاك وحده لاشرريك هے۔جسے قرآن كريم ميں٫٫ اﷲنُو رُالسمٰواتِ وَالاَرض٬٬سے تعبير كيا هے۔ابن عربي نے بھي فرما يا كه اﷲ ايك نور هے جس سے تمام چيزيں نظر آتي هيں۔علامه اقبال كي مشهور تخليق بالِ جبريل٬٬ كي ابتدا ميں بھرتري هري جو ايك صوفي شاعر اور ويدوں كے ماهر تھے، كے خيال كو اس شعر ميں باندھا هے ليكن شعر پر بھرتري هري كا هي نام درج كيا هے : پھول كي پتي سے كٹ سكتا هے هيرے كا جگر مردِ ناداں پر كلام كلام نرم نازك بے اثر اقبال نے ويدانتي فلسفه كا تذكره كرتے هوئے ديباچه اسرارِ خودي ميں لكھا هے كه: ٫٫بني انسان كي ذهني تاريخ ميں سري كرشن كا نام هميشه ادب واحترام سے ليا جائے گا كه اسي عظيم الشان انسان نے ايك نهايت دلفريب پيرائے ميںاپنے ملك و قوم كي فلسفيانه روايات كي تنقيد كي اور اس حقيقت كو آشكار كيا كه ترك عمل سے مراد ترك كلّي نهيں هے كيوں كه عمل اقتضائے فطرت هے اور اسي سے زندگي كا استحكام هے بلكه ترك عمل سے مراد يه هے كه عمل اس كے نتائج سے متعلق دل بستگي نه هو۔٬٬ ﴿بحواله ميكش اكبرآبادي، نقدِ اقبال،ص- 96﴾ عهدِ وسطيٰ ميں مختلف مذاهب كے درميا ن هم آ هنگي اور رواداري پائي جاتي تھي۔اس زمانے ميں متعدد صوفي شاعر، سنت جن ميں نانك، كبير ، خسرو،تكا رام وغيره خاص تھے۔ان تمام لوگوں نے محبت اور يگانگت كا درس ديا۔خاص طور پر پر سنت كبير نے ذات پات، رنگ اور مذهب كي بنا پر فرق كرنے كے خلاف آواز بلند كي۔انهوں نے ملّاو ںاور پنڈتوں كو اپنے طنز كا نشانه بنايا۔ايك دوهے ميں انهوں نے كها هے كه پنڈت كهے موهے رام پيارا تُرك كهے رحيمٰنا دونوں لڑلڑ مر گئے موا پر رام كو كوئي نه جانا اس عهد كے ايك اور مشهور صوفي سنت گرونانك نے ايك ايسے مذهب كي بنياد ڈالي جس ميں دونوں مذاهب هندو اور اسلام كي خوبيوں كو شامل كيا۔انهوں نے ملك كے كونے كونے ميں گھوم كر صوفيوںاور رِشيوں ، منيوں سے ملاقات كي اور ان سب كي تعليمات اور كلام كو جمع كيا اور انهيں سِكھ مذهب كي كتاب٫٫آدي گرنتھ٬٬كي زينت بنائي۔بابافريد شكرگنج كي تعليمات آج بھي آدي گرنتھ ميںكوٹيشن كے طور شامل هيں۔اس دور كے تمام صوفيوں نے مذهبي رواداري، امن اور باهمي ميل جول كي تبليغ كي ۔هندو ں كو ان كي مذهبي كتابوں اور مسلمانوں كو اسلامي تعليمات كي روشني ميں راه ِراست پر چلنے كا درس ديا۔فرقه ورانه منافرت كي جگه اعليٰ اخلاقي قدروں كي تعليم دي اور يه كها كه خدا كا جلوه ذرّے ذرّے ميں موجود هے۔خواجه معين الدين چشتي ، خواجه نظام الدين اوليا اور بابا فريد شكر گنج جيسے صوفيا ئے كرام نے هندوستان كي شاندار تهذهب ميں صوفي مسلك پھيلايا جس سے مذهبي رواداري اور سماجي هم آهنگي قائم هوئي۔حضرت امير خسرو نے هماري مشتركه تهذهب ميں صوفيانه افكار كو پھيلانے كے ساتھ ساتھ اردو اور هندي زبانوں كے فروغ كے لئے اهم كردار ادا كيا۔انهوں نے اپني شاعري كو بيك وقت فارسي، اردو اور هندي كے الفاظ سے آراسته كيا۔انهوں نے طبله كے علاوه موسيقي كے كئي راگ ايجاد كئے۔قوالي كو بھي رواج ديا اسي لئے هندو اور مسلم دونوں ان سے محبت اور عقيدت ركھتے هيں۔اس لئے كها جاتا هے كه وه هندوستان كي مشتركه تهذيب كي بهترين مثال هيں۔ان صوفيوں كے علاوه رامانوج،شنكرآچاريه، تياگ راج اور رامانند جيسے شاعروں اور سنتوں كي خدمات كو بھي فراموش نهيں كيا جاسكتا۔ رابندر ناتھ ٹيگور نے بھي مذهبي رواداري، قومي اتحاد ، آپسي ميل محبت كا درس ديا هے۔انهوں نے ٫٫ اتحاد ِ زندگي ٬٬﴿Oneness﴾كے تصور كو اپني تخليق اور فكر كا بنياد بنا ياكيوں كه انهوں نے هميشه يه محسوس كيا هے كه انسان اور فطرتNature) ( كے درميان ايك قريبي رشته هے۔ اس كا اظهار انهوں نے اپني ايك نظم ميں بھي كيا هے: My heart is full, full of joy, no one is out side,all are within my heart. ايك دوسري نظم ميں وه كهتے هيں: Come brothers, come, plunge into this stream of life,to be carried away with the world current in company with the sun, moon and stars. دراصل ان كي نظموں سے ظاهرهوتا هے كه وه نه صرف انسان اور كائناتِ فطرت كے گهرے اتحاد كو شدت سے محسوس كرتے تھے بلكه انسان اور خالق كائنات كے درميان بھي گهرے اتحاد كو محسوس كرتے تھے۔٫٫ اتحاد زندگي٬٬ كے تصور سے شاعر كا يه اعتقاد اُبھرتا هے كه تمام زندگي ايك هے كيوں كه خدا بھي ايك هے ۔كبير كي تعليمات اوران كے فلسفے كا اثر بھي ان كي شاعري پڑا تھا جس كي وجه سے انهوں اسلام اور هندو مذهب ميںدر آئے سخت رويّے كي مخالفت كي ۔ ٫٫بال سنگيت٬٬ ﴿Baul songs﴾ ميں پائي جانے والي سادگي، فكر ميں گهرائي اوردرد سے بھري آوازنے بھي سماجي منافرت ختم كرنے ميں اهم رول نبھايا تھا۔بال سنگيت دراصل بنگال كے گاو ں گاو ں ميں گھوم گھوم كر گائے جانے والي وه علاقائي سنگيت هے جو انساني همدردي اور آپسي محبت كا درس ديتا هے۔اس سنگيت سے جو پيغام ملتا هے اس كے مطابق خدا انسان كے دل ميں رهتا هے اس ليے انسانوں سے نفرت كرنے كي كوئي وجه نهيں هے بلكه سچ تو يه هے كه انسان هي وه اصل خدا هے جو محبت اور خدمت كيے جانے كے لائق هے۔ يهاں كے تمام مفكروں ، صوفيوںاورسنتوں كے نظريات يا افكاركو عوام تك پهچانے ميں شاعروں نے بھي اهم كردار نبھا يا هے۔ دراصل شاعري وه ذريعه اظهار هے كه كوئي بھي فلسفه يا صوفيانه فكر شاعر كے دل سے نكل كر قاري اور سامع كے دل تك پهنچتا هے۔صوفيوں كے افكار كي تشريح وتعبير جن عظيم شخصيتوں نے كي هے ان ميںشيخ محي الدين ابن عربي خاص اهميت كے حامل هيں ۔ انسان اور كائنات كے درميان جو رشته هے اس كي وضاحت كرتے هوئے انهوں نے كها هے كه كائنات عين واحد هے اور اس عينيت كا اثبات وه يا تو كائنات كے وجو د كے انكار سے كرتے هيں يا پھر خدا ئے واحد كے اقرار سے كرتے هيں۔كائنات كے وجود كي نفي سے اپنے خيالات كا اظهار كرتے هوئے انهوں نے پهلے يه كها كه ٫٫كائنا ت جيسي كه وه هے اسے غير حقيقي اور واهمه هي كها جا سكتا هے۔آگے انهوں نے يه كها كه وجود اگر هے تو صرف خد ا كا هے۔انهوں نے مزيد كها كه كائنات اور اس كي كثرت اگر موجود هے تو وه اسي خدا كي پرچھائيں هے۔كائنات كے وجود كي نفي كرتے هوئے ان كا قول هے كه: ٫٫الاعيان ماشمت رائحته من الوجود٬٬﴿يعني اعيان ثابته نے وجود خارجي كي بوتك نهيں سونگھي۔﴾ ابن عربي كے انهيں خيالات سے اتفاق كرتے هوئے غالب نے بھي كائنات كو واهمه قرار ديا هے۔اس سلسلے ميں ان كے اشعار ملاحظه كيجئے۔ بازيچه اطفال هے دنيا مرے آگے هوتا هے شب و روز تماشا مرے آگے غالب نے اس دنيا كوبازيچه اطفال قرار دے كر صوفيوں كے اس نظريے كي حمايت كي هے جس ميں كها جاتا هے كه دنيا كي حقيقت فريبِ نظر كے سوا كچھ بھي نهيں هے۔غالب نے اسي خيال كي مزيد وضاحت كرتے هوئے مندرجه ذيل اشعار ميں كها هے : هستي كے مت فريب ميں آجائيو اسد عالم تمام حلقه دامِ خيال هے هاں كھائيو مت فريبِ هستي هر چند كهيں كه هے نهيں هے يعني تمام دنيا وهم و خيال كے جال كا ايك حلقه هے اس ليے هستي كو هستي نهيں بلكه نيستي سمجھنا چاهئے اور هستي كے فريب ميں نهيں آناچاهئے كيوں كه هستي كے فريب ميں پھنس كر انسان جلوه حقيقت سے محروم هوجاتاهے۔اسي نظريے كي تائيد كرتے هوئے فاني نے بھي يه كها هے كه لوگ سمجھتے هيںكه عالمِ شهود مرتبه غيب كي تجلي كا نام هے مگر يه صرف آنكھوں كا دھوكا هے۔فاني كاشعر يه هے۔ جلوه غيب شهود هے پھر بھي غيب كے جلوے غيب ميں هيں نظاره نظر ميں شامل هے نظاره ميں شامل كوئي نهيں تجليات وهم هيں مشاهداتِ آب گِل كرشمه حيات هے خيال وه بھي خراب كا فاني نے مزيد كها هے كه هستي تو صرف ايك هے يعني حقيقي هستي۔باطل هستي كهنا غلط بياني سے زياده كچھ نهيں هے : هستي هي نهيں جو باطل هوپھر فرق مجازوحقيقت كيا يه عرض حقيقت هے وه حقيقت هستي باطل كوئي نهيں۔ اك حق كے سوا كوئي هستي هي نه تھي يارب يوں ميرے سرآنكھوں پر تميز حق و باطل صوفي اپني هستي كي نفي كرنا عين تصوف سمجھتے هيں يه ذرا فرسوده خيال لگتا هے ليكن اصغر نے اس كو كس خوبي سے ادا كياهے: اصغر حريمِ عشق ميں هستي هي حرم هے ركھنا كبھي نه پاو ں يهاں سر لئے هوئے صبا اكبر آبادي بھي غالب كي طرح صوفيوں كے اس نظريے سے اتفاق كرتے هوئے كهتے هيں: كب تك نجات پائيں گے وهم و يقيں سے هم اُلجھے هوئے هيں آج بھي دنيا و ديں سے هم كچھ بھي نهيں جهان ميں جب نيند اچٹ گئي سچ پوچھئے تو آنكھ كا سرمايه خواب هے بجا كه مجھ كو هے انكار اپنے هونے سے اِس ايك جھوٹ ميں گُم هيں صداقتيں كيا كيا انهيں خيالات كا اظهار كرتے هوئے غالب نے پھر كها هے : جز نام نهيں صورتِ عالم مجھے منظور جز وهم نهيں هستي اشيا مرے آگے هے غيبِ غيب جس كو سمجھتے هيں هم شهود هيں خواب ميں هنوز جو جاگے هيں خواب ميں اس شعر ميں شاعر نے كها هے كه انسان جسے شهود يعني حق سمجھتا هے وه دراصل غيب الغيب هے ۔بالكل اسي طرح سے جيسے انسان خواب ميں اپنے آپ كو بيدار سمجھتا هے اور اپنے تما م هركات و سكنات كو حقيقت سمجھتا هے ليكن حقيقت ميں وه خوابِ غفلت ميں هوتا هے ۔در اصل د ورانِ سلوك صوفيوں كو موجوداتِ عالم ميںجب حق هي حق نظر آئے تو اس مقام كو شهود اور غيبِ غيب كو مرتبه احديت اور ذات خاص كهتے هيں۔واضح رهے كه مرتبه احديت و ذاتِ خاص انساني عقل و ادراك سے بالكل الگ هے۔ تھك تھك كے هر مقام پر دوچار ره گئے تيرا پته نه پائيں تو ناچار كيا كريں اسي خيا ل كا اظهار فاني نے اس طرح كيا هے۔فاني كا يه شعر لطافت اور ندرت كے اعتبار سے قابلِ تحسين هے۔ مجھے بلا كے يهاں آپ چھپ گيا كوئي وه ميهماں هوں جسے ميزباں نهيں ملتا دراصل خدا غيب الغيب هے اس كا پته كهيں نهيں ملتا۔ اسي ليے مقاماتِ سلوك و معرفت كي جستجو ميں هميشه كوشاں رهنے كے باوجود سالك كي رسائي منزلِ مقصود تك نهيں هو پاتي اور دورانِ سلوك مختلف مقامات ميں پھنس كر ره جاتے هيں ۔غالب كا شعر هے: تيرے هي جلوه كا هے يه دھوكا كه آج تك بے اختيار دوڑے هے گُل در قفائے گل صحن ِ چمن ميں پھول يكے بعد ديگرے همه وقت بے اختيار كھلتے جا رهے هيں كه كهيں تو خدا كا جلوه ديكھ سكيں ليكن خداابتدائے آفرينش سے آج تك دھوكے ميں هي جلوه گر هوا هے۔اسي ليے غالب نے ايك دوسرے شعر ميں كها هے كه: كهه سكے كون كه يه جلوه گري كس كي هے پرده چھوڑا هے وه، اس نے كه اُٹھائے نه بنے يعني خدا نے عالمِ امكاں پر رنگا رنگي اور كثرت كے ايسے پردے ڈال ديئے هيں كه اسے اٹھا كر حقيقت دريافت نهيں كيا جا سكتا هے۔ايك دوسرے شعر ميں غالب نے كها هے كه اس كائنات ميں هزاروں ايسي چيزيں هيں جو يه اشاره كرتي هيں كه وه سب خالقِ هستي هيں ليكن يه اشاره محض گمراه كن هے۔مثال كے طور پر يه شعر ملاحضه كيجئے۔ هيں كواكب كچھ، نظر آتے هيں كچھ ديتے هيں دھوكا يه بازيگر كھلا آسمان ميں بكھرے هوئے بے شمار ستاروں كي روشني اور جھلملاهٹ كو ديكھ كر معلوم هوتا هے كه يه سب خالقِ هستي كي طرف اشاره كرتے هيں ليكن سائنس كے مطابق ان كي حقيقت كچھ اور هے۔اسي ليے غالب نے انهيں بازيگر قرار ديا هے جو اهلِ دنيا كو دھو كا ديتے رهتے هيںكيوں كه يه اپني ذات و صفات كے اعتبار سے خالقِ هستي كا مكمل آئينه نهيں هيں۔ كثرت آرائي وحدت هے پرستاريِ وهم كر ديا كافر ان اصنامِ خيالي نے مجھے صبا اكبر آبادي نے اس شعر ميں تصوف كے اسي نقطے كي طرف اشاره كيا هے۔ ٰٓٓماسوا ڈھونڈ كے آئے تري دنيا والے تيري دنيا كو كوئي تيرے سوا بھي نه ملا يعني وجود ايك هے اور كائنات كي هر وه شے جو اس كے ماسوا هے دراصل اسي ٫٫وجودِ واحد٬٬ كا ايك مظهر هے۔ليكن عينيت كا يه باطني مشاهده كوئي مستقل تجربه نهيں هے اس لئے ابن عربي نے ايك نئے تجربے ٫٫فرق بعدالجمع٬٬ كي طرف اشاره كرتے هوئے كها هے كه ٫٫اگر كوئي چاهے تو يه كهه سكتا هے كه جو كچھ حقيقي طور پر موجود هے وهي خدا هے اور اگر كوئي چاهے تو اسي كو كائنات بھي كهه سكتا هے۔لهٰذا شيخ اكبر كے نئے تجربے ٫٫فرق بعدالجمع٬٬ كے پهلے حصے كے مطابق ماسوا ڈھونڈنے والوں كو خدا كے علاوه كچھ نهيں مل سكتا هے ۔ صوفيوں كي ايك جماعت كا خيال هے كه خدا ايك هے ليكن اس كا جلوه دنيا كے هر زرّے ميں موجود هے يعني وحدت،كثرت ميں جلوه گر هے ۔ غالب اس نظريے كو ذهن ميں ركھتے هوئے يه كهنا چاهتے هيں كه وحدت كي حقيقت كو سمجھے بغيركثرت كو يقيني سمجھنا وهم هے اس ليے كها كه كثرتِ اصنامِ خيالي نے مجھے كافر بنا ديا۔غالب كا خيال هے كه خدا كي ذات ٫٫با همه اور بے همه كے مصداق هے٬٬۔اس ليے ايك دوسرے شعر ميں كهتے هيں كه: هر چند هر ايك شے ميں تُو هے پر تجھ سي كوئي شے نهيں هے يعني خدا كا جلوه هرشے ميںموجودهونے كے باوجود بھي خدا جيسي كوئي چيز عالمِ جسماني ميں نهيں هے۔ جز نام نهيں صورتِ عالم مجھے منظور جز وهم نهيں هستي اشيا مرے آگے اس شعر ميں غالب نے وحدت الوجود كے اس نظريے كو پيش كيا هے جس كے مطابق اس كائنات ميںجو هنگامه نظر آتا هے وه اس بات كي طرف اشاره كرتا هے كه مختلف چيزوں كے وجود كو تسليم كر ليا جائے حالانكه صوفيوں كا خيال يه هے كه عالم او راشيائ عالم واشخاص موجود نهيں هيں بلكه اعيان ثابته هيں اور يه ازل سے هي علم الٰهي ميں هے اور هميشه رهے گا كيوں كه ٫٫ اعيان نے وجود كي بو بھي نهيں سونگھي هے٬٬۔كائنات اورخدا كے كے درميان جو رشته هے اس سلسلے ميں شيخ اكبر كهتے هيں كه يه كائنات بھي عين واحد هے۔اس ليے اس عينيت كا اثبات يا تووه ٫٫ كائنات كے وجود٬٬ كي نفي يعني انكار سے كرتے هيں يا خدا كے اثبات سے۔ كائنات كي وجودسے انكار كرتے هوئے وه كهتے هيں كه: ٫٫ كائنات٫٫جيسي كه وه هے٬٬ اسے محض نام نهاد، غيرحقيقي اور واهمه هي كها جاسكتاهے۔ جو معروضي طورپر غيرموجودهے۔ وجودصرف خدا هي كاهے۔ يه كائنات اوراس كي كثرت اگر موجودهے توا س كي حيثيت اسي ٫٫وحدت تامه٬٬ كے شيون كي سي هے۔ پهلي صورت ميں شيخ كهتے هيں كه كائنات خارج ميں معدوم هے۔ آپ كا قول هے كه:٫٫الاعيان ماشمبت رائحته من الوجود٬ ﴿يعني اعيان ثابته نے وجود خارجي كي بوتك نهيں سونگھي۔﴾ ﴿فلسفے كے بنيادي مسائل ،قاضي قيصر الا اسلام،ص:١٤٤﴾ كائنات اورخدا كے ربط كے بارے ميں شيخ اكبر كهتے هيں كه يه بھي ايك عين واحد هے۔ چنانچه اس عينيت كا اثبات يا تووه ٫٫وجود كائنات٬٬ كي نفي سے كرتے هيں يا پھر خدا كے اثبات سے كرتے هيں۔ وجود كائنات كي نفي سے آغاز كرتے هوئے وه كهتے هيں كه كائنات ٫٫جيسي كه وه هے٬٬ اسے محض نام نهاد، غيرحقيقي اور واهمه هي كها جاسكتاهے۔ جو معروضي طورپر غيرموجودهے۔ وجودصرف خدا هي كاهے۔ يه كائنات اواس كي كثرت اگر موجودهے توا س كي حيثيت اسي ٫٫وحدت تامه٬٬ كے شيون كي سي هے۔ پهلي صورت ميں شيخ كهتے هيں كه كائنات خارج ميں معدوم هے۔ آپ كا قول هے كه: ٫٫الاعيان ماشمبت رائحته من الوجود٬٬﴿يعني اعيان ثابته نے وجود خارجي كي بوتك نهيں سونگھي۔﴾ دوسري صور ت ميں وه كهتے هيں كه: ٫٫ عالم هي خدا هے۔ يه اسي ذات واحد كي تجلي هے جس ميں اس وحدت مطلقه نے اپنے تئيں ظهور كيا اوران تجليات ميں يه وحدت كلي طور پر گم هوگئي هے۔ ان تجليات كے ماورا وحدت كا الگ تھلگ اپنا كوئي وجود نهيں، يعني مابعد هذا الاالعدم المحض ﴿ان تجليات كے ماورا عدم محض كے علاوه كچھ نهيں﴾۔ لهٰذا سالك كے ليے اس عالم سے ماورا خدا كي جستجو فضول هے۔٬٬ لهٰذا اس صورتِ حال سے معلوم هوتا هے كه ابن عربي كے مطابق خدا يا وجودان هي صفات كا عين هے اور يهي صفات خود كو تجليات ميں منكشف كرتي رهتي هے۔اس ليے اگريه كها جائے كه جو كچھ حقيقي طور پر مو جود هے وهي خدا هے يا اسي كو اس طرح بھي كها جا سكتا هے كه جو كچھ حقيقي طور پر موجود هے وهي كائنات بھي هے۔ ابن عربي كے اس نظريے سے متا ثر هو كر غالب نے اپني ايك غزل كے مقطعے ميں هستي اور عدم كے وجود سے پهلے انكار كيا هے پھرسوال كيا هے كه اگر يه دونوںنهيں هے تو خود غالب كي هستي كيا هے؟ هستي هے، نه كچھ عدم هے غالب آخر تو كيا هے، هے نهيں هے خدا اور كائنات كے متعلق شك و شبهات ميں مبتلا هو نے بعد معلوم هوتا هے كه غالب نے حقيقت كو دريافت كر ليا هے۔اسي ليے ابن عربي كے دوسرے نظريات كا اظهار اپنے اشعار ميں اس طرح كرتے هيں۔ دهر جز جلوئه يكتائي معشوق نهيں هم كهاں هوتے اگر حسن نه هوتا خودبيں اس شعر ميں وحدت الوجود كے اُس نظريے كو پيش كيا گياهے جس ميں كها گيا هے كه يه كائنات جسے عالمِ كثرت سے تعبير كيا جا تا هے جو اصل ميںخدائے واحدهے، كا مظهر هے اسے بنائے جانے كا مقصد ظهورِ حسنِ مطلق هے يعني خدا نے يه دنيا اس ليے بنائي كه وه خود كو اس دنيا كے آئينے ميں ديكھ سكے اور ساتھ هي انهيں پهچانا جا سكے۔ صبا اكبرآبادي كے اس شعرميں اسي نظريے كو پيش كيا گيا هے۔ : دنيا كو ديكھ كر انھيں كيا ديكھتے صبا گم هوگيا صفات ميں احساس ، ذات كا اسي خيال كو فارسي كے ايك شعر ميں اس طرح كها گيا هے۔ جلوه و نظاره پنداري كه از يك گوهر است خويش را در پرده خلقے تماشا كرده اس نظريے كي وضاحت مندرجه ذيل اشعار ميں بھي كي هے۔كهتے هيں كه جس طرح آفتاب كي شعاعوںسے ذرّے جيسے بے جان شے ميں حركت اور روشني پيدا هوجاتي هے اسي طرح خدا كي ذات كے پرتو كي بدولت تمام موجوداتِ عالم ظاهرهوئے هيںيعني خدا كي تجلّي هي موجوداتِ عالم كا سبب هے۔ هے تجلّي تري سامانِ وجود ذره بے پر تُو خورشيد نهيں هے كائنات كو حركت تيرے ذوق سے پرتو سے آفتاب كے ذرّے ميں جان هے جگر مرادآبادي نے اسي مضمون كو انتهائي ندرت سے بيان كيا هے۔جگر كا شعر هے: ايك ذرّے كا اگر نور نماياں هو جائے آدمي كثرتِ انوار سے حيراں هو جائے اسي لئے غالب نے ايك دوسرے شعر ميں كها هے كه: آرائشِ جمال سے فارغ نهيں هنوز پيش نظر هے آئينه دائم نقاب ميں يعني خدا تعا ليٰ اس دنيا كوخوبصورت سے خوبصورت بنانے كا كام مسلسل كر رها هے تاكه اس ميں وه اپنا جلوه ديكھ سكے دوسرے لفظوں ميں يه بھي كها جا سكتا هے كه يه دنيا خدا كامظهر هے ۔ غالب نے دراصل اس شعر ميں شيخ ابن عربي كے اس نظريے كو بھي پيش كيا هے جس ميں كها گيا هے كه ٫٫ يه عالم هر آن فيضان وجود حاصل كر رها هے٬٬۔حضرت شاه نياز نے بھي اس نظريے كو ايك شعر ميں اس طرح بيان كيا هے۔ از تقاضائے حبِ جلوه گري آمد اندر حصارِ شيشه پري صوفيه كرام كے مطابق يه نظريه اس حديث سے ماخوذ هے۔:٫٫كنتُ كَن زَاًمَخ فِيّافَاَح بَتُ اَن اَع رَفَ فَخَلَق تُ ال خَل قَ٬٬ اس سلسلے ميںابن عربي كا توحيدي نقطه نظريه هے : ٫٫وجود ايك ياواحد هے٬٬ اوربس صرف يهي موجود هے۔ يهي وجودواحدخدا هے، الله هے، ذات حق هے، حقيقت مطلقه هے جو اپنے مختلف ناموں سے معروف هے۔ هر وه شئے جو اس كے علاوه يا اس كے ماسوا هے، محض اسي وجود واحد كا ايك مظهر هے۔ گويا يه كائنات، يه سارے كا سارا عالم فطرت اسي خدا كا عين هے۔ كائنات كي الله سے عينيت كو هم اس كي ذات وصفات كے تناظر ميں هي مدرك كرتے هيں۔ يعني جوهر كي عينيت كي بناپر۔ گويا يه تمام كائنات اسي وجود مطلق كي ٫٫تجلي٬٬هے يا پھريوں كهيے كه يه تمام عالم ظواهر اسي ٫٫وجود تامه٬٬ كے صدور كي ايك صورت هے٬٬۔ ﴿ فلسفے كي بنيادي مسائل ،قاضي قيصر الا اسلام،ص:٩٣٤﴾ اس نظريے كي وضاحت كے ليے غالب نے مختلف قسم كے الگ الگ رنگوں كے پھولوں كو مثال كے طور پر پيش كيا هے : هے رنگ لاله و گل و نسريں جدا جدا هر رنگ ميں بهار كا اِثبات چاهيے يعني موجوداتِ كائنات اپنے رنگ و روپ كے اعتبار سے مختلف هيں ليكن ان سب ميں خدا كا جلوه مو جود هے۔ صوفيانه نظريے كے مطابق خدا واحد هونے كے باوجود هر ذرّے ميں موجود هے۔يعني قطرے ميں دريا اور جُز ميں كُل هے جسے ديكھنا بچّوں كا كھيل نهيں هے بلكه اسے ديكھنے كے ليے ديده بينا يعني عارف كي آنكھ كي دركار هے۔ شعر ملاحظه كيجئے۔ قطره ميں دجله دكھائي نه دے اور جُزو ميں كُل كھيل لڑكوں كا هوا ديدئه بينا نه هوا ويدانت اور بدھ مت كي نفي خودي ﴿مكتي،نروان﴾ كے نظريے كے مطابق جس طرح سمندر كُل اور قطره اس كا جز هے۔ اسي طرح خدا تعاليٰ واحد هونے كے باوجود بھي اپني ذات و صفات كے اعتبار سے بحرِ بے كراں كي مانند هے اور انسان اس كا جز هے۔ قطره ﴿يعني جز﴾ سمندر ميں مل كر كُل﴿ يعني سمندر﴾ بن جاتا هے جو باعثِ عشرت اور سعادت كا وسيله هے۔اسي طرح انسان بھي جو جز هے فنا هوكر كُل يعني خدا تعلي سے مل كر كُل بن جاتا هے۔اس حقيقت كي روشني ميں يه كهنا غلط نهيں هوگا كه فنا هي كائنات كے تمام اشيا كي شيرازه بندي كي ضمانت هے دوسرے لفظوں ميں يه كها جا سكتا هے كه صرف فنا كے ذريعے هي روح سے مادے كا وصال هو سكتا هے ۔افلاطون كا بھي يهي خيال هے كه اشيائ عالم اپني اصل كي طرف بازگشت كرتي هے۔ افلاطون وه پهلا فلسفي تھا جس نے روح كے تصور كو روحاني جوهر كي حيثيت سے روشناس كرايا ۔اس كا خيال تھا كه انساني روح كائنات كي روح كي هي ايك قسم هے جو ابدي اور لافاني جوهر هے اور اس كي فطري جگه عالمِ مثال هے جهاں اس پهلي بار تصورات كے تصور كے رو سے بغيرجسم كے وجودپايا۔انسان چونكه ان تمام تعينات ميں سب سے افضل اور ان تمام مظاهرِ صفات ميں سب سے اكمل هے اسي لئے سب سے زياده مرتبه تعين سے جدائي كي شكايت كرتا هے اس لئے وصال كے لئے هميشه بے قرار رهتا هے۔رومي شعر هے: بشنو از نے چوں حكايت مي كند و زجدائي ها شكايت مي كند غالب نے اس نظريے كو مندرجه ذيل اشعار ميں يوں بيان كياهے۔ عشرتِ قطره هے دريا ميں فنا هوجانا درد كا حد سے گزرنا هے دوا هوجانا نظر ميں هے هماري جاده راه فنا غالب كه يه شيرازه هے عالم كے اجزائے پريشاں كا رونقِ هستي هے عشق خانه ويراں ساز هے انجمن بے شمع هے گر برق خرمن ميں نهيں فاني نے اسي تصور كو مدِنظر ركھتے هوئے اپني ذات كو حسن سے تعبير كيا هے۔عالِ تعينات ميں آكر اسي ذات نے مظاهر كائنات كي صورت اختيار كرلي اور يه مانا گيا كه تمام مظاهر بالطبع اسي سابق مرتبه لاتعين كي جانب بازگشت كرنے كي آرزو ركھتے هيںجس كو فاني نے عشق كا نام ديا۔ان توجيهات كے بعد فاني كا شعر ملاحظه كيجئے: حسن هے ذات ميري عشق صفت هے ميري هوں تو ميں شمع مگر بھيس هے پروانے كا اصغر نے اسي خيا ل كو اس طرح ادا كيا هے: كارفرما هے فقط حسن كا نيرنگِ كمال چاهے وه شمع بنے چاهے وه پروانه بنے غالب نے اس نظريے كي مزيد وضاحت مندرجه ذيل شعر ميں اس طرح كي هے۔ هے مشتمل وجود صور پر وجودِ بحر ياں كيا دھرا هے قطره و موج حباب ميں يعني قطره ،موج اور حباب وغيره سمندر كا هي حصهّ هيں ليكن سمندر سے الگ ان كي كوئي حقيقت نهيں هے اس ليے يه كها جا سكتا هے كه موجوداتِ عالم كي هستي وجودِ واجب ميں مضمر هے۔ اسي سلسلے كے مندرجه ذيل اشعار بھي قابلِ غور هے۔ دلِ هر قطره هے سازِ اناالبحر هم اس كے هيں همارا پوچھنا كيا قطره اپنا بھي حقيقت ميں هے دريا ليكن هم كو تقليد تنك ظرفي منصور نهيں پهلے شعر كا مطلب يه هے كه پاني كا قطره جو سمندر كاايك ادنيٰ سا جُز هے ،اس كے دل سے يه آواز نكلتي هے كه وه بھي سمندر كا هے اور سمندر ميں مِل كر سمندر هوجانے كا دعويٰ پيش كرتا هے ۔ اس ليے انسان بھي يه دعويٰ پيش كر سكتا هے كه وه بھي خدا هے كيوں كه انسان بھي خدا كا جز هے۔دوسرے شعر ميں غالب نے كها هے كه وه منصور كي نقل ميں ٫٫اناالحق٬٬ كهنے سے گريز كرتے هيں ليكن دل ميں اناالحق هي كهتے هيں كيوں كه صحيح معنوں ميں قطره دريا هي هے يعني انسان حقيقت ميں خدا هے۔ اسي خيال كو فاني نے اس طرح ادا كيا هے: هے اتصال قطره و دريا په منحصر وه آبروئے قطره كه دريا كهيں جسے اس جگه كو حاصل هے اعتبار ساحل كا حد جهاں په وطرے كي مل گئي هے دريا سے فاني نے اسي نظريے كو صحرا اور ذرّه كي مثال دے كر سمجھانے كي كوشش كي هے۔ان كا خيال هے كه صحرا كي سعي بروئے كار آتي هے تو ذرّے كي هستي موهوم نماياں هونے لگتي هے اور جب ذرّه اعتبار بهم پهنچا ليتا هے تو صحرا ميں جذب هو كر خود صحرا بن جاتا هے۔ صحرا كا اجتهاد هے ذرّے كي هر نمود ذرّه كا اعتبار هے صحرا كهيں جسے غالب نے ايك اور شعر ميں كها هے كه وه هستي پا كر خدا كي ذات سے الگ هو گئے اس ليے اس هستي سے نيستي اچھي هے۔اس كے ليے دليل يه پيش كرتے هيں كه دنيا كے وجود ميں آنے سے پهلے خدا تھا اور اگر دنيا وجود ميں نهيں آتي تو بھي خدا كا وجود هوتا ۔اس ليے انهيں اگر پيدا نهيں كيا گيا هوتا تو وه خدا هوتے۔شعر ملاحظه كيجئے: نه تھا كچھ تو خدا تھا كچھ نه هوتا تو خدا هوتا ڈبويا مجھ كو هونے نے نه هوتا ميں تو كيا هوتا ماهرين ِ تصوف كے مطابق تصوف كي فنا، ويدانت اور بدھ مت كي فنا سے مختلف هے۔ميكش اكبرآبادي نے تصوف كي فنا سے بحث كرتے هوئے ٫٫لوائح جامي٬٬كے حوالے ٫٫نقدِ اقبال٬٬ ميں لكھا هے: فنا كا مطلب يه هے كه جب انسان كے باطن پر خدا كي هستي كے ظهور كا غلبه هو تو سوائے خدا كے كسي شے كا علم وشعور باقي نه رهے اور فنائ الفنا يه هے كه اس بے شعوري كا بھي شعور نه رهے۔٬٬﴿نقدِ اقبال ،ص- 117 ﴾ اس نظريے كي روشني ميں آتش كا يه شعر ملاحظه كيجئے۔ دكھلا كے جلوه آنكھوں نے اك شمع نور كا گل كر ديا چراغ همارے شعور كا خدا اور انسان كے متعلق ابن عربي كا خيال هے كه ان دونوں كے درميان عينيت،سريان،تقرب ومعيت كا رشته هے۔خدا اور انسان كے درميان قرب ومعيت كي نسبت كے ليے قرآن كي يه آيت پيش كرتے هيں: ٫٫نحن اقرب اليه من حبل الوريد٬٬﴿هم اس كي شه رگ سے بھي زياده اس سے قريب هيں۔﴾اوراس آيت كے ذريعے ابن عربي كهنا يه چاهتے هيں كه خداخود بندے كے اعضا وجوارح هيں۔ابن عربي اپنے اس نظريے كي دليل ميں ايك اور حديث پيش كرتے هيں : ٫٫خلق الادم علي صورته٬٬ ﴿يعني هم نے آدم كو اپني هي صورت پر پيدا كيا﴾۔ابن عربي در اصل يه ثابت كرنا چاهتے هيں كه انسان صفاتِ رباني كا مجسمه هے۔مظاهرِ اسمائے الٰهيه ميں انسان كي اهميت كو ظاهر كرتے هوئے انهوں نے اپني كتاب فصوص الحكم ميں تمام عالم كو انسانِ كبير سے اور تجّلي اعظم اور شانِ الوهيت كو روح سے تشبيه دے كر فرمايا هے كه انسان جب تك اس دنيا ميں پيدا نهيں هوا تھااس وقت تك عالم بے جان جسم كي مانند تھا كيوں كه اس ميں حاكمانه شان كا مظهر نهيں تھاليكن جب انسان پيدا هوا تو عالم كے جسم ميں جان پيدا هوگئي اور وه مكمل انسان هو گيا۔ابن عربي كے اس بيان سے معلوم هوتا كه خدا تعا ليٰ كي حاكمانه شان صرف انسانوں ميں هي منعكس هوتا هے۔ آتش نے اس تصور كي وضاحت اس شعر ميں كي هے۔ ظهور آدمِ خاكي سے يه هم كو يقيں آيا تماشا انجمن كا ديكھنے خلوت نشيں آيا علّامه اقبال نے ذاتِ خداوندي كے اپنے اسماوصفات ميں متعين هو كراس عالمِ مشهود ميں ظهور كرنے كي توجيه يه دي هے كه ذاتِ باري تعاليٰ خود گهرِ زندگي كي جستجو ميں مضطرب و بے چين رهتي هے كيوں كه يه گهرِ ناياب بھي اسي ايك بحرِ عظيم كا قطره سيمابي هے۔اقبال كے نزديك متذكره گهرِ ناياب هے جسے انهوں نے كائنات اصغر سے تعبير كيا هے اور كها هے كه انسان پر حقيقتِ الوهي كے اسرارورموز خود بخودمنكشف هوتے چلے جاتے هيںاور اسے پيهم يه احساس هوتا رهتا هے كه واجب الوجوداور انسان كي روح كے درميان جو پرده تھا وه هٹ گيا۔اس لئے علّامه نے كها هے : نمود اس كي نمود تيري، نمود تيري نمود اس كي خدا كو تو بے حجاب كردے، خدا تجھے بے حجاب كردے انسان اورخدا كے درميان جو مماثلت هے اس سے خدا كا راز كهيں فاش نه هو جائے اس خدشے كا اظهار اقبال نے ايك شعر ميں اس طرح كيا هے۔ تونے يه كيا غضب كيا مجھ كو بھي فاش كر ديا ميں هي تو ايك راز تھا سينه كائنات ميں الغرض صوفيانه افكار كے مطابق اس دنيا ميں كوئي بھي شے ايسي نهيں هے جس ميں خدا كا جلوه موجود نه هو تو پھر مذهب، نسل، علاقايت اور زبان كو بنياد بنا كر سماج ميں منافرت پھيلانے والوں كے دام ميں هم كيسے پھنس جاتے هيں۔ "Pre-Established harmony" كے متعلق لائبنيز كے فلسفے ،ويدك دھرم اور اسلام مذهب كے متعلق اهلِ علم حضرات كے خيالات اور صوفيوں كے افكار كا جو جائزه پيش كيا گيا اس كي روشني ميں كها جا سكتا هے كه جو هم آهنگي فطرت كے نظام هے وهي هم آهنگي سماجي سطح پر بھي هوني چاهئے كيوں سماج نظامِ فطرت سے الگ كوئي چيز نهيں هے ليكن بد قسمتي سے همارے چند سماجي وسياسي رهنما اپني ذاتي مفاد كے لئے مذهب، ذات پات،علاقائيت اور زبان كو بنياد بنا كر سماجي هم آهنگي كو خطرے ميں ڈال رهے هيں۔ اس لئے عوام كو خبردار كرنے كے لئے صوفيانه افكار كي تشهير كي ضرورت پھر سے محسوس هو رهي هے لهٰذا اديبو ں اور خاص كر شاعروں كو يه احساس دلا نا چاهئے كه اس پهلو كي طرف بھي توجه ديں۔

 

ڈاكٹر شيخ عقيل احمد

  E-mail:aquilahmad@yahoo.com

 Website:people.du.ac.in/~aahmad