مغيث الدين فريدي كي تضمين نگاري/ Mughisuddin Faridi

ڈاكٹر شيخ عقيل احمد
(Associate Professor)
e-mail:aquilahmad@yahoo.com
Website:people.du.ac.in/~aahmad

مغيث الدين فريدي كي تضمين نگاري
تضمين وه صنف ِ سخن هے جس ميں تضمين نگار اپنے پسنديده شعرا كے كسي شعر يا مصرعے پر اپنے چند مصرعوں كا اضافه اس حسن وخوبي سے كرتاهے كه وه اصل شعر يا مصرعے ميں ضم هوجائے اور ايك الگ اكائي بن جائے۔ تضمين نگاري كے اس تخليقي عمل ميں تضمين نگار ٫٫تضمين كے شعر يا مصرعے كا رنگ وآهنگ٬٬ اس كي داخلي كيفيت اور اس كے مفهوم كو مدنظر ركھتے هوئے اپنے مصرعوں كو تضمين كے شعر يا مصرعے ميں اس طرح پيوست كرتاهے كه ان ميں كسي بھي اعتبارسے كوئي فرق محسوس نه كيا جاسكے اور تضمين كے بعد سارے مصرعے كسي ايك هي شاعر كے كهے هوئے معلوم هوں۔ تضمين نگار اس عمل ميں اصل شعر يا مصرعے كے مفهوم كي توسيع كرتاهے يا اس كي علامتوں كي نئي توجيه پيش كرتاهے جس سے دونوں شاعروں كے تخليقي عمل كے امتزاج سے ايك نئي فضا اور ايك نئي كيفيت پيدا هوتي هے۔
تضمين كا فن بڑا نازك اور لطيف هے۔ غزل گو شعرا كے ليے شعر كهنا آسان كام هے ليكن كسي دوسرے شاعر كے شعر پر تضمين كرنا مشكل هے كيوںكه غزل كے هر شعر ميں شاعر كي داخلي كيفيت، رنگ وآهنگ اور اس كي پوري شخصيت كے ارتعاشات موجود هوتے هيںجبكه تضمين نگار كو اپنے مصرعوں كي تخليق كرتے وقت ان سب باتوں كا خيال ركھتے هوئے اپني شخصيت كي سطح كو اس شاعر كي شخصيت كي سطح پر لانا پڑتاهے جس شاعر كے شعر يا مصرعے كي تضمين كرني هوتي هے۔ صرف اتنا هي نهيں وه اصل شعر يا مصرعے كے مفهوم كو ملحوظِ خاطر ركھتے هوئے اس كے كچھ تشنه پهلوئوں كو تلاش كرتاهے اور اپنے جذبات وخيالات سے هم آهنگ كركے ان كے مفهوم كو ايك نئي جهت عطا كرتاهے۔
غزل كے اشعار پر تضمين كرنا اردو كے شاعروں كا محبوب مشغله رهاهے۔قصيدے اور مثنوي كے اشعار بھي تضمين كيے گئے هيں ليكن جو لطف واثرغزل كے اشعار كي تضمين ميں هے وه قصيدے اور مثنوي كي تضمين ميں نهيں ملتا۔ كيونكه غزل كے اشعار كي رمزيت اپنے مفهوم كي توسيع اورتوضيح كے ليے چندمصرعوں كي وسعت چاهتي هے اور قافيه كي هم آهنگي سے نغمگي كي لَے اور بڑھ جاتي هے۔
تضمين كے فن كي اهميت اوراثر انگيزي پرتبصره كرتے هوئے سيد حامد نے لكھا هے:
٫٫زمان ومكاں كے فاصلوں كے باوجود دوبڑے شاعروں كے درميان اشتراك عمل كا منظر ديدني هوتاهے۔ ماضي اور حال كي اس ملي جلي تخليقي كوشش ميں خيالات وجذبات كي عجيب گهماگهمي ديكھنے ميں آتي هے۔ پهلے شاعر نے اپنے شعر ميں جن خيالات اور احساسات كي ترجماني كي هے وه پڑھنے والے كے دماغ سے نكل نهيں پاتے اوربعد ميں آنے والے شاعر ﴿تضمين نگار﴾ نے اس شعر ميں جو نئے مطالب داخل كيے هيں، اسے جو نيافكري اورجذباتي رُخ دياهے، وه پهلے شاعر كے مفهوم ومقصود سے ٹكراتاهے۔ اس تصادم سے شرار اٹھتے هيں اورمفاهيم كے نئے خزائن منكشف هوتے هيں اورتعبير اورحظ كے ليے نئي راهيں كھلتي هيں۔ زيرتضمين شعركا حسن تضمين اشعار كے پيرهن سے چھلكتاهے۔ ايك تحرير كے اوپر دوسري تحرير نگاهوں كو جستجو اورجمال سے نوازتي هے۔ ابتدائي اورثانوي مفاهيم كي باهمي كشمكش كي لطف ساماني كوكياكهئے۔ ابتدائي مفهوم كي وجه توانائي يه هے كه وه قارئين كے دماغ ميں ايك مدت سے پيوست هوتاهے، ثانوي مفهوم ﴿جوتضمين نگار نے دياهے﴾ كي طاقت كا راز يه هے كه اسے تضمين نظم كي پوري كمك حاصل هے ايك زاويه سے ديكھئے توتضمين زيرتضمين شعر كي تخمينِ جديد ياتعبيرِ نوهے۔ اس نئي تعبير ﴿RE-INTERPRETATION﴾ كي اهميت اس ليے اوربڑھ جاتي هے كه تعبير كرنے والا خود ايك بڑا شاعر هے
تضمين كي اثرانگيزي كا ايك راز يه بھي هے كه طويل تضمين ماقبل كوپڑھتے هوئے قاري كے دماغ كا توقع اورمفهوم طلبي سے يه عالم هوجاتاهے جيسے ٹائم پيس ميں الارم كي چابي بھردي گئي هو۔ يه تنائو، يه آشوب ِانتظار، يه كھينچائوتب ختم هوتاهے جب الارم كي گھنٹي بجتي هے اور زيرتضمين شعر، جس كا بے تابي كے ساتھ انتظار تھا، ذهن كو آسوده كرديتاهے۔٬٬
﴿نگارِخانه رقصاں،ص:١٨٢﴾
جس طرح اردوغزل فارسي سے اورفارسي غزل عربي سے ماخوذ هے۔ اسي طرح تضمين كي روايت فارسي سے اردو ميں آئي هے۔ فارسي كے متعدد كلاسيكي شعرا كے كلام كي تضمينيں فارسي ميں هوئي هيں۔ شيخ سعدي كے كلام كي تضمينيں فارسي كے هي ايك شاعر غلام حسين امير خاني كي هے جو ٫٫تضمين گلچين سعدي ٬٬ كے نام سے شائع هوئي هے۔ دكني شعرا كے كلام ميں بھي فارسي غزلوں اور هندي دوهوں كي تضمينيں ملتي هيں۔ اٹھارهويں صدي ميں مير ، سودا ، درد ، مصحفي ، انشائ اور نظير اكبرآبادي كے علاوه كئي دوسرے شعرا كے كلام ميں بے شمار تضمينيں ملتي هيں۔ انيسويں صدي ميں سب سے زياده تضمينيں كي گئي هيں۔ عربي، فارسي كے نعتيه قصيدے اورهندي دوهوں پر متعدد شعرانے تضمينيں كي هيں۔ قدسي كي نعت پر سب سے زياده تضمينيں كي گئي هيں جس كا مجموعه ٫٫حديث قدسي٬٬ كے نام سے شائع هوچكاهے۔ حكيم قطب الدين صاحب نے ميرحسن كي مثنوي سحرالبيان كے پورے اشعار كا خمسه كياهے جو ٫٫اعجاز رقم٬٬ كے نام سے شائع هوچكاهے۔ بيسويں صدي كے شعرا ميں صبا اكبرآبادي اورمرزا سهارن پوري نے مكمل ديوان غالب كي تضمينيں كي هيں۔موجوده دور كے شعرا ميں مغيث الدين فريدي نے متعدد شعرا كي غزلوں كي تضمينيں كي هيں۔
آگره كے ادبي جلسے اور مشاعرے فريدي كے ادبي ذوق كو نكھارنے اور شعر گوئي كے شوق كو بڑھانے ميں بڑے مددگار ثابت هوئے۔وهاں كے سيماب لٹريري سوسائٹي، بزم نظير كا سالانه ادبي ميله، بزم اقبال اور دوسري ادبي انجمنوں كے ذريعے منعقد هونے والے طرحي مشاعروں ميں فريدي كے شعر پڑھنے كا سلسله برسوں چلتا رها۔انهيں طرحي مشاعروں ميں شركت كرتے رهنے كي وجه سے فريدي كے اندر اساتذه حضرات كے كلام كي تضمين كرنے كا شوق پيدا هوا۔مصرعِ طرح پر مصرع لگانا دراصل ايك تضميني عمل هے جس پر مهارت فريدي كو بچپن هي سے حاصل تھي۔ايك مصرع پر ايك مصرع لگانے كے علاوه فريدي نے ايك شعر پر تين مصرعے اور كبھي كبھي ايك مصرع يا ايك شعر پر كئي مصرعے لگا كر تضمينيں كيںاور اس فن كے وقار كوبرقرار ركھا۔ ٫٫كفرِ تمنا٬٬ ميںصرف مير، غالب،فاني، فيض اور خورشيد الاسلام كي غزلوں كي تضمينيںشامل هيں۔ويسے انهوں نے علّامه اقبال، مجروح اور صبا اكبر آبادي كي غزلوں كي بھي تضمين كي هے۔فريدي نے مير كي ايك غزل كے اشعار كي تضمين كي هے ۔اس كا مطلع هے:
ميں كون هوں اے هم نفساں سوخته جاں هوں
اِك آگ مرے دل ميں هے جو شعله فشاں هوں
فريدي نے مير كے اس مطلع كي كيفيت اور رنگ و آهنگ كو ملحوظِ خاطر ركھتے هوئے اس كي توضيح وتشريح بھي هے اور اپنے احساسات كو مير كے حسّي تجربے سے هم آهنگ كر ديا هے۔ايسا لگتا هے كه فريدي كے مصرعوں كے بغير مير كا مطلع نا مكمل تھا۔تضمين كا بند ملاحظه كيجئے۔
آشفته مزاجي سے ميں آشوبِ جهاں هوں
پر كاله آتش هوںكبھي برقِ تپاں هوں
ياناله هوں يا درد هوں يا آه وفغاںهوں
٫٫ميں كون هوں اے هم نفساں سوخته جاں هوں
اِك آگ مرے دل ميں هے جو شعله فشاں هوں ٬٬
مير كي اسي غزل كا دوسر ا شعر هے:
جلوه هے مجھي سے لبِ دريائے سخن پر
صد رنگ مري موج هے ميں طبعِ رواں هوں
اس شعر كي تضمين ميں فريدي نے مير كي غزل پر تبصره بھي كرديا هے اوران كي شاعرانه تعلي كو شعري صداقت كي سند بھي دے دي هے۔تضمين كے مصرعوں ميں مير كے لهجے كا اثر اور نشتريت پيدا كر دينا فريدي كي قادرالكلامي كي دليل هے۔تضمين كا بند يه هے۔
سجتي هے قبا درد و اثر كي مرے تن پر
تا حشرجهاں ناز كرے گا مرے فن پر
صد رنگ مري موج هے ميں طبعِ رواں هوں
ميں ابر بهاري هوں تغزل كے چمن پر
٫٫جلوه هے مجھي سے لبِ دريائے سخن پر
صد رنگ مري موج هے ميں طبعِ رواں هوں٬٬
مير كي اسي غزل كے تيسرے شعر كي تضمين يه هے:
غيرت نے كبھي راحت دنيا نه طلب كي
گردش كبھي ديكھي هي نهيں جامِ طرب كي
شكوے كي زبان پر هے مگر مُهر ادب كي
تكليف نه كر آه مجھے جنبشِ لب كي پر
ميں صدسخن آغشته بخوں زيرِ زباں هوں
مير كا تضمين شده شعر معنوي اعتبار سے بهت تهه دار هے۔اس شعر ميں مير نے كها هے كه سيكڑوں باتيں ايسي هيں جو خون ميں تر هيں اس لئے ميں كلام نهيں كرسكتا هوں۔ليكن انهوں نے يه بتايا كه وه سيكڑوں باتيں كون سي هيںجو خون ميں تر هيں۔نيز٫٫صدسخن آ غشته بخوں زيرِ زباں٬٬ كا غير معمولي پيكر قاري كے تخيل كو متاثر اور متحرك كرديتا هے اور كئي طرح كے امكانات پيدا هوجاتے هيں ۔ان سب سے فائده اٹھا كر فريدي نے مير كے شعر پر اپنے تين مصرعوں كا اضافه كركے مير كے شعر كي توضيح وتشريح پيش كردي۔چوتھے شعر كي تضمين يه هے۔
جو سب كي زباں پر هے وه افسانه هے ميرا
سرشار هيں سب جس سے وه پيمانه هے ميرا
كيا هوش ربا نغمه مستانه هے ميرا
ديكھا هے مجھے جس نے سو ديوانه هے ميرا پر
ميں باعثِ آشفتگيِ طبعِ جهاں هوں
مير نے اپنے شعر كے پهلے مصرعِ ميں صرف يه كها هے كه جس نے بھي انهيں ديكھا وه ان كا ديوانه هے ليكن يه نهيں بتايا كه ديوانگي كي وجه كيا هے۔ فريدي نے اپنے مصرعوں كي مدد سے اس كي وجه بتانے كے ساتھ ساتھ مير كي شاعري كي خصوصيت اور مقبوليت پر بھي روشني ڈال دي۔ پانچويں شعر كي تضمين يه هے:
بے زار زمانے سے هوں خود سے بھي گريزاں
دامن كي خبر هے نه مجھے پاس گريباں
يه وقتِ نصيحت هے بھلا ناصحِ ناداں
٫٫ركھتي هے مجھے خواهشِ دل بسكه پريشاں
درپے نه هو اس وقت خدا جانے كهاں هوں٬٬
مير نے اپنے شعر ميں تو صرف اتني سي بات كهي تھي كه خواهشِ دل انهيں پريشان ركھتي هے جس كي وجه سے انهيں يه خبر نهيں هے كه وه كهاں هيں۔فريدي نے اپنے مصرعوں كي مدد سے مير كي بيزاري كي شدّت كو اور بڑھا ديا هے۔تيسرامصرع ٫٫يه وقتِ نصيحت هے بھلا ناصحِ ناداں٬٬ نے تو مير كے شعر كي پوري كيفيت اور شعري فضا كو بدل ديا هے۔تضمين كا يهي كمال هے۔
فريدي نے غالب كي غزل پر جو تضمين كي هے وه لاجواب هے۔غالب كي غزل كا مطلع هے:
دل سے تري نگاه جگر تك اُتر گئي
دونوں كو اك ادا ميں رضامند كر گئي
اس پر فريدي نے جو تضمين كي هے اس سے غالب كے شعر كے مفهوم ميں توسيع هو گئي هے۔غالب نے اس شعر ميں صرف يه كها تھا كه تيري نگاه كا تير دل كو چيرتا هوا جگر تك پهنچ گيا جس كي وجه سے دل اور جگر خوش هوئے۔ليكن فريدي نے دل و جگر كے خوش هونے كے علاوه كئي اور خوش گوار باتوں كا اضافه كيا هے ۔مثلاّ تيري نگاه كے فيضان سے پژمرده فضائے محب كا نكھرنا، تقديرِ عشق كا سنورنااور سوزِ بے پناه كا رگ و پے ميں بھرنا وغيره۔اس تضمين ميں فريدي نے غالب كي لے سے لے ملا ديا هے۔تضمين ملاحظه كيجئے:
پژمرده تھي فضائے محبت نِكھر گئي
تقديرِ عشق ايك نظر ميں سنور گئي
اك سوزِ بے پناه رگ و پے ميں بھر گئي
٫٫دل سے تري نگاه جگر تك اُتر گئي
دونوں كو اك ادا ميں رضامند كر گئي٬٬
غالب كي غزل كے دوسرے شعر كي تضمين يه هے:
جس راه سے وه پيكر خوبي گذر گيا
اس ره گذر په سب كو گماں هے بهشت كا
بهكے هوئے شباب كے قدموں نے كيا كيا
٫٫ديكھو تو دل فريبيِ اندازِ نقشِ پا
موجِ خرامِ يار بھي كيا گل كتر گئي٬٬
فريدي نے اس تضمين ميں غالب كے شعر كي توضيح و توسيع كركے مضمون آفريني اور دلكشي كو بڑھا ديا هے۔تضمين كے تينوں مصرعے نے فضا آفريني ميں اهم كردار نبھائيں هيں۔ تيسرے مصرع٫٫بهكے هوئے شباب كے قدموں نے كيا كيا٬٬كي برجستگي قابلِ تعريف هے۔اس غزل كے تيسرے شعر كي تضمين يه هے:
بے پردگي سے كام ليا هے حجاب كا
راس آگيا هے حسن كو نشه شباب كا
ساغر چھلك گيا نگههِ كامياب كا
٫٫نظاره نے بھي كام كيا واں نقاب كا
مستي سے نگهه ترے رُخ پر بكھر گئي٬٬
غالب نے اپنے شعر ميںصرف يه كها كه محبوب كے رخ پر جب ان كي نگاه پڑي تو مستي كے عالم ميں بكھر گئي اور بكھرجانے سے محبوب كے رخ كا ديدار نهيں هوسكا كيوں كه بكھري هوئي نگاه نے نقاب كا كام كيا۔فريدي نے اپنے تضميني مصرعوں ميں يه نكته نكالا كه دراصل محبوب كي بے پردگي اور نشه شباب كا اثر تھا كه غالب كي نگاه محبوب كے رخ پر پڑنے كے بعد ٹھهري نهيں بلكه بكھر گئي اور اس طرح بكھري هوئي نگاه نے وهاں نقاب كا كام كيا۔ تضمين كے تيسرے مصرع نے غالب كے شعر كي كيفيت كو اور بڑھا ديا هے۔غالب كے چوتھے شعر كي تضمين يه هے:
اخفائے رازِ عشق كا هم كو كهاں دماغ
روشن هيں دل ميں غم كے كنول ياد كے چراغ
اے ضبطِ غم سلام، كه لو دے اٹھے هيں داغ
٫٫شق هو گيا هے سينه خوشا لذّتِ فراغ
تكليفِ پرده داري زخمِ جگر گئي٬٬
غالب نے اپنے شعر ميں كها هے كه جب ان كا سينه شق هو گيا تو زخمِ جگر كو چھپائے ركھنے كي تكليف سے انهيں نجات مل گئي اوروه فراق كي لذت سے محظوظ هونے لگے۔غالب نے اس شعر ميں يه نهيں واضح كيا كه ان كا سينه كيسے شق هوا۔ايسا لگتا هے كه جبراً سينه شق هوا۔فريدي نے تضمين كے مصرعوں ميں سينه شق هونے كا جواز يه پيش كيا كه رازِ عشق چھپانے كا دماغ غالب كے اندر تھا هي نهيں۔ان كے دل ميں توغم كے كنول اور ياد كے چراغ هميشه روشن تھے جس كي وجه سے انهوں نے ضبط كو الوِداع كهه ديا۔اس طرح سينه كا شق هونا ايك آسان اور فطري عمل معلوم هونے لگا۔فريدي كے مصرعوں سے غالب كے شعر كا حسن دوبالا هو گيا هے۔پانچويں شعر كي تضمين يه هے:
شعلے اُٹھے هيں جام سے پيمانے سے دھواں
نغمه بنا هوا هے لبِ ساز پر فغاں
آلامِ روزگار سے ملتي نهيں اماں
٫٫وه باده شبانه كي سرمستياں كهاں
اٹھئے بس اب كه لذّتِ خوابِ سحر گئي٬٬
غالب نے اپنے شعر ميں كها هے كه باده شبانه كي سر مستياں لذتِ خوابِ سحر پر موقوف هيں۔صبح كا وقت گذر جانے كے بعد لذتِ خوابِ سحر بھي ختم هوجاتي هے۔فريدي نے تضمين كے مصرعوں سے اس كا رشته آلامِ روزگار سے جوڑ كر اس شعر كي توضيح و توسيع كردي۔ غالب كي اس غزل كے چھٹے شعر كي تضمين ملاحظه كيجئے:
هر شر ميں هے هوائے محبت بھري هوئي
پهلے تو اتني عام يه جنسِ گراں نه تھي
موتي كي آب سيپ كے ٹكڑوں نے لوٹ لي
٫٫هر بُولهَوس نے حسن پرستي شعار كي
اب آبروئے شيوه اهلِ نظر گئي٬٬
فريدي نے غالب كے شعر پر جو تضمين كي هے وه ان كے زورِ تخيل اور قادرالكلامي كا بهترين نمونه هے۔اس شعر پر فريدي نے جو مصرعے لگائے هيں ان ميں تيسرے مصرع كا جواب نهيں۔٫٫موتي كي آب سيپ كے ٹكڑوں نے لوٹ لي٬٬ كيا هي لطيف خيال هے۔
فريدي نے بانگِ درا ،حصه اوّل كي پهلي غزل كي تضمين كي هے جس كي تضمين كے بند يه هيں:
نظريں جما كے آئينه روزگار ديكھ

تصويرِ كائنات كے نقش و نگار ديكھ
تيرے لئے هے دهر كا يه شاهكار ديكھ

گلزارِ هست و بود نه بيگانه وار ديكھ
هے ديكھنے كي چيز اسے بار بار ديكھ
ذرّه هے عكسِ مهر كا آئينه دار ديكھ

قطرے ميں موجزن هے يم بے كنار ديكھ
همت تري بڑھانے ترا اعتبار ديكھ

آيا هے تو جهان ميں مثلِ شرار ديكھ
دم دے نه جائے هستي نا پائدار ديكھ
تسليم هے كه عشق ميں كامل نهيں هوں ميں

موسيٰ نهيں هوں جلوے كا سا ئل نهيں هوں ميں
آئينه بن كے ترے مقابل نهيں هوں ميں

مانا كه تيري ديد كے قابل نهيں هوں ميں
تو ميرا شوق ديكھ مرا انتظار ديكھ
ركھنا رهِ طلب ميں قدم پھونك پھونك كر

روشن جمالِ يار سے هوگي تري نظر
آئينه خانه بن گئي ايك ايك ره گزر

كھولي هيں ذوقِ ديد نے آنكھ تري اگر
هر ره گزر ميں نقشِ كفِ پائے يار ديكھ
علّامه اقبال نے اپنے مطلع ميںاس دنيا كو ديكھنے كي چيز قرار دے كر اسے باربار ديكھنے كي تلقين كي هے۔ليكن انهوں نے يه نهيں بتايا كه يه دنيا ديكھنے چيز كيوں هے۔فريدي نے اس مطلع پر تضمين كے تينوں مصرعوں كي مدد سے يه بتا كر كه يه دنيا خدا كا شاهكار هے اور اس كے نقش و نگار ديد كے قابل هے مطلع كي توضيح و توسيع كي هے۔دوسرے اور تيسرے مصرعے كا جواب نهيں هے۔
دوسرے بند ميں اقبال نے زندگي كو شرار سے تشبيه دے كر اسے ناپائدار قرار ديا هے ليكن فريدي نے هستي كا مفهوم اوراقبال كے شعر ميں تصوف كا رنگ يه كهه كر پيدا كر دياهے كه اس دنيا كا هر زرّه مهر يعني آفتاب كا آئينه دار هے اور انسان اگر قطره تو اس كے اندر سمندر موجزن هے۔ دنيا ديكھنے كي چيز اس لئے كه موجوداتِ كائنات دراصل خدا كا كثيرروپ هے اور بقول ابن عربي انسا ن خدا كا آئينه هے جس ميں وه اپنے آپ كو ديكھتا هے۔لهٰذا هستي اگر شرار كے مانند هے بھي تو اس سے اس كي عظمت ميں كوئي كمي نهيں هوتي۔
تيسرے بند ميں اقبا كا شعر تصوف سے تعلق ركھتا هے جس ميں انهوں نے خدا كے مقابلے ميں انسان كو ادنيٰ اور حقير قرار دے كر يه كها هے انسان خدا كے ديد كے قابل نهيں هے ليكن اس كے دل ميں خدا كے تئيں محبت كا جو جذبه هے اسے اهم قرار ديا هے۔ فريدي نے تضمين كے پهلے مصرعے ميں يه بتانے كي كوشش كي هے كه انسان چونكه عشق ميں كامل نهيں هے اس لئے وه خدا كے ديد كے قابل نهيں هے اور دوسرے مصرعے ميں يه كها هے كه ميں موسيٰ نهيں هوںكه تيرے ديد كے لئے تجھ سے كهوںاور تيسرے مصرعے كو اقبال كے شعركے پهلے مصرعے ميں ضم كركے شوق اور انتظار كي شدّت كو بڑھا ديا هے جس سے اقبال كا دعوه مستحكم هو جاتا كه خدا كو اپنا جلوا دكھانا هي چاهئے۔
آخري بند ميں اقبال نے اپنے شعر ميں نقش ِكفِ پائے يار سے مراد خدا كا جلوا ليا هے اور ذوقِ ديد سے مراد وه نظر جس سے هم خدا كو پهچان سكيں۔فريدي نے اقبال كے شعر كي توسيع كي هے ۔تضمين كے تيسرے مصرعے ميں انهوں نے يه كهه كر كه٫٫ آئينه خانه بن گئي ايك ايك ره گزر٬٬ تصوف كے اس نظريے كي طرف اشاره كرديا هے كه ذرّے ذرّے ميں خدا كا جلوه موجود هے ليكن اسے ديكھنے كے لئے مخصوص نظر كي دركار هے۔
فريدي نے اقبال كي غزل كے تمام اشعار ميں تصوف كا رنگ بھر ديا هے اور اقبال كے اشعار كي لے سے لے ملا ديا هے۔
فريدي نے فاني كي جس غزل كي تضمين كي هے اس مطلع هے:
مژده عيش يه تمهيدِ پريشاني هے
ﷲِّالحمد كه پھر غم كي فراواني هے
اس مطلعِ ميں فاني نے كها هے كه پريشاني دراصل خوشي كي تمهيد هے۔اس لئے وه خدا كا شكريه ادا كرتے هيں كه پھر غم كي فراواني هے۔ليكن فاني نے اس شعر ميں يه نهيں واضح كيا كه غم كي فراواني كيسے اور كيوں هے۔فريدي نے اپنے مصرعوں ميں كيوں اور كيسے كا جواب دے كر فاني كے شعر كي توسيع اور توضيح پيش كردي هے اور ساتھ هي فاني كے شعر كے رنگ و آهنگ كو ملحوظ خاطر ركھ كر تضميني مصرعوں سے فاني كے شعر كو هم آهنگ كرديا هے۔تضمين كا بند ملاحظه كيجئے:
خشك آنكھوں ميں پھر اب اشك كي طغياني هے
دل كے ويرانے ميں پھر درد كي مهماني هے
گرمي عشق سے چهرے په بھي تاباني هے
٫٫مژده عيش يه تمهيدِ پريشاني هے
ﷲِّالحمد كه پھر غم كي فراواني هے٬٬
فاني كي غزل كا دوسراشعر هے:
دونوں عالم هيں ترے سوخته ساماں په نثار
چشمِ بدور عجب بے سروساماني هے
فريدي نے اس شعر كي رمزيت سے فائده اٹھا كر اس كي توسيع و توضيح كي هے۔فاني نے سوخته ساماں هونے كي وجه نهيں بتائي هے۔فريدينے اپنے تضميني مصرعوں ميں يه واضح كرديا كه فاني نے شعله آتشِ الفت ميں گھربار جلا ديا اور فكرِ دنياغمِ عقبيٰ سے بيزار هو گئے۔تضمين ملاحظه هوں:
شعله آتشِ الفت ميں جلا كر گھر بار
فكرِ دنيا غمِ عقبٰي سے هوا هوں بيزار
اب مجھے خوفِ خزاں هے نه تمنّائے بهار
٫٫دونوں عالم هيں ترے سوخته ساماں په نثار
چشمِ بدور عجب بے سروساماني هے٬٬
تيسرے شعر كي تضمين يه هے:
بحرِ الفت ميں كهيں بھي نهيں ساحل ناياب
وهم نے ڈال ديا هے رخِ ساحل په نقاب
همتِ عشق اگر هے تو اُٹھا دے يه حجاب
٫٫قطره كيا، موج كسے كهتے هيں كيسا گرداب
ڈوب كر ديكھ نه دريا هے نه طغياني هے٬٬
فاني نے اپنے شعر ميں يه كها هے كه جب تك انسان حوادث كے دريا ميں اترتا نهيں ،گرداب اور موجيں اسے ڈراتي رهتي هيں۔ليكن انسان جب اس ميں اتر جاتا هے تونه طغياني رهتي هے اور نه طوفان۔يه فاني كي شاعري كا مستقل فلسفه اور غم پسندي كا بنيادي سبب هے۔ايك اور جگه كهتے هيں:
اس بحرِ بيكراں ميں كشتي كا جستجو كيا
ساحل كي آرزو كيا، ڈوب اور پار اُتر جا
فريدي نے تضمين كے مصرعوں كي مدد سے فاني كے شعر كے مفهوم كو بدل دياهے۔اس فلسفيانه شعر كا رشته عشق اور عشق كي طاقت سے قائم كرديا۔فريدي كے تيسرے مصرعِ نے فاني كے شعر كو نيا موڑ دے ديا۔فاني كا چوتھا شعر هے:
ياں يه ويرانے هي آباد بھي هو جاتے هيں
كوئي ميرے دلِ برباد كي ويراني هے
فاني نے اس شعر ميں يه كها كه بستي كے ويرانے آباد هوجاتے هيں ليكن دل كے ويرانے آباد نهيں هوتے۔فريدي نے اپنے مصرعوں كي مدد سے فاني كے شعر كي توسيع كرتے هوئے يه كها كه انسان اگر كوشش كرے اور دعا گو هو تو سب كچھ ممكن هے يهاں تك كه انسان لاكھ مجبور كيوں نه هو آزاد بھي هو سكتا هے اور بيزار دل زمانے سے كبھي كبھي شاد بھي هو سكتا هے ليكن فاني كے دل كي ويراني ايسي هے كه وه آباد نهيں هوسكتا ۔ تضمين كا بند ملاحظه كيجئے:
هاں دعاگو لبِ فرياد بھي هو جاتے هيں
لاكھ مجبور هوں آزاد بھي هوجاتے هيں
دل زمانے سے كبھي شاد بھي هو جاتے هيں
٫٫ياں يه ويرانے هي آباد بھي هو جاتے هيں
كوئي ميرے دلِ برباد كي ويراني هے٬٬
فاني كے پانچويں شعر كي تضمين يه هے:
واقفِ ياس ابھي تك دلِ معصوم نهيں
هجر اك لفظ هے جس كا كوئي مفهوم نهيں
ان چھُٹ كر بھي فسُرده نهيں مغموم نهيں
٫٫غمِ دوري اثرِ قُربت سے محروم نهيں
ميرے نالوں ميں بھي اندازِ غزل خواني هے٬٬
فاني نے اپنے شعر ميں يه كها هے كه محبوب كي جدائي سے قربت كے احساس پر كوئي فرق نهيں پڑا۔كيوں كه محبوب كي ياد اور اس كا تصور خيالوں ميں بسا هوا هے۔اسي لئے ان كے نالوں ميں بھي رنگيني اور دلكشي آگئي هے۔فريدي صاحب نے تضميني مصرعوں كي مدد سے فاني كے خيال كو مستحكم بنا ديا يه كهه كر كه ٫٫هجر اك لفظ هے جس كا كوئي مفهوم نهيں٬٬۔فاني كا مقطع هے:
ميں كهاں اور كهاں عمرِ دو روزه فاني
زندگي اب به تقاضائے گراں جاني
فريدي نے فاني كے مقطع كي بهترين تضمين كي هے۔تضمين كے مصرعوں سے فاني كے شعر كي كيفيت اور تاثير دوبالا هوگئي هے۔اس شعر ميں فاني نے يه نهيں بتايا كه ان كي زندگي كے سخت جاني سے گزارنے كي وجه كيا هے؟فريدي نے اس كي وجه بتا كر فاني كے شعر كي توضيح پيش كردي۔تضمين كا بند يه هے۔
قدرِ هستي دلِ آگاه نے جب پهچاني
اُڑگئي آئينه دهر كي سب تاباني
آزمانا هے مگر تيغِ سِتم كا پاني
٫٫ميں كهاں اور كهاں عمرِ دو روزه فاني
زندگي اب به تقاضائے گراں جاني٬٬
فريدي نے فارسي اور اردو كے كلاسكي شعرا كے مقابلے ميں اپنے هم عصر شعرا كے كلام كي تضمينيں زياده كي هيں جن ميں صبا اكبر آبادي كي دو غزلوں كي تضمينيں خاص هيں۔صبا صاحب كي غزل كي تضمين سے وابسته كچھ كهانياں هيں جو بے حد دلچسپ هيں۔مثلاً صبا اور فريدي ٢٤٩١ ميں بھرت پور كے ايك مشاعرے ميں شاعر كي حيثيت سے شريك هونے جا رهے تھے۔اس مشاعرے ميں پڑھنے كے ليے دونوں نے غزليں كهي تھيں ۔ ريل ميں سفر كے دوران دونوں نے ايك دوسرے كو اپني اپني غزليں سنائيں۔صبا كي غزل فريدي كو اتني پسند آئي كه صبا غزل سناتے جا رهے تھے اور فريدي چپكے چپكے اس كي تضمين كرتے جارهے تھے ۔بھرت پور پهنچ كر دونوں مشاعرے ميں شريك هوئے ۔فريدي چونكه صبا سے چھوٹے تھے اس ليے غزل سنانے كے ليے انهيں پهلے بلايا گيا۔اس مشاعرے ميں فريدي نے اپني غزل سنانے كے بجائے صبا كي غزل پر كي گئي وه تضمين سناكر نه صرف صبا كو بلكه تمام سامعين كو حيرت ميں ڈال ديا تھا۔ تضمين كے بند يه هيں۔
دامن سے داغِ اشك مٹا يا نه جائے گا

پھر ضبط كے فر يب ميں آيا نه جائے گا
هم رو ديئے تو راز چھپا يا نه جائے گا

آنسو كو واپس آنكھ ميں لايا نه جا ئے گا
موتي يه گر پڑا تو اُٹھا يا نه جا ئے گا
كب تك رهينِ كشمكشِ ضبط و غم رهوں

آرائشِ بهار كا سامان كيا كروں
اے روحِ درد اُٹھ، مدد اے همتِ جنوں

اپنے يهي جلے هوئے تنكے سميٹ لوں
اب اور آشياں تو بنايا نه جا ئے گا
آهيں بھرو گے بيكسيِ شوق ديكھ كر

آنسو نكل پڑيں گے اٹھاو گے جب نظر
ميرا گمان هوگا تمهيں اپنے عكس پر

وه دن قريب هيں كه مرے عشق كا اثر
كوشش كرو گے اور چھپايا نه جائے گا
طوفانِ اضطراب كي لهروں كو روك دوں

ٹھهرو ذرا كه راه تو هموار كر سكوں
وه دن خدا نه لائے كه تم سے گله سنوں

آنا، مگريه آنكھ كے آنسو تو پوچھ لوں
موجوں كي رو ميں پاو ں جمايا نه جائے گا
اے شعله غرورِ محبت ذرا بھڑك

توهين اهلِ عشق هے انعامِ مشترك
كهه ديں گے هم خدا سے قيامت ميں بے جھجك

هو ملتوي جزائے عمل شامِ حشر تك
هم سے تو ايسي بھيڑ ميں جا يا نه جا ئے گا
تو شكر كر كه تيرا ستم بر ملا تو هے

اك مشتِ خاك آئينه دارِ وفا تو هے
اك ياد گارِ عالمِ جورو جفا تو هے

اے فتنه گر نمودِ مزارِ صبا تو هے
كچھ روز ميں نشان بھي پايا نه جائے گا
فريدي نے صبا كي غزل كے هر شعر پر تين تين مصرعوں كے اضافے كر كے مخمس كے فارم ميں تضمين كي اور پانچ مصرعوں كي ايك الگ اكائي بناكر غزل كے تشنه اشعار اور اس كے موضوع كو تشفي بخش بنا ديا۔ غزل كے اشعار كي رمزيت اپنے مفهوم كي توسيع اور توضيح كے ليے چند مصرعوں كي وسعت چاهتي هے اور تضمين اسے وسعت عطا كرتي هے۔اس تضمين كے بند وں كا تجز يه پيش كيا جاتا هے تاكه تضمين كي قدروقيمت كے تعين كے ساتھ يه بھي اندازه لگا يا جا سكے كه دونوں شاعروں ميں كس قدر ذهني اور فكري مناسبت تھي اور تضمين كے بعد غزل كے ا شعار ميںمعني و مفهوم اور شعري فضا كے اعتبار سے كيا كيا تبديلياں آئيں۔
تضمين كاپهلا بند: صبا كي پوري غزل ايك هي موڈ ميں هے ۔اس غزل كے تمام اشعار ميں كيف و اثر بھي هے ۔اس غزل كا مطلع بھي بهت خوب هے۔صبا نے اس شعر ميں آنسو كي بوندكو موتي سے تشبيه دي هے جس سے يه اشاره ملتا هے كه آنسو كوئي ايسي چيز نهيں هے جسے يونهي ضائع كيا جائے۔ اس ميں رمز كا پهلو بھي هے جس كي وجه سے يه نهيں معلوم هوتا كه آنسو قيمتي كيوں هے اور اس كے گر جانے سے نقصان كيا هے؟ ۔ فريدي نے اس رمز كا فائده اٹھا كر اس ميں بين المتونيت خلا پيدا كيا تين مصرعوں كا اضافه كر كے شعر كي عموميت اور بيان كي نوعيت كوبدل ديا هے اور اس ميں يه نقطه پيش كيا كه آنسو گرتے هي راز محبت كھل جائے گا كيوں كه غمِ محبت كو چھپانے كي بهت كوشش كي گئي ليكن يه كوشش فريبِ ضبط ثابت هوئي ۔ لهٰذا ايسي صورت حال ميں آنسوو ں كوضائع نهيں كرنا هي مناسب هے ۔تضمين كے مصرعوں سے فريدي نے اصل شعر كي توجيه پيش كي هے۔اس شعر ميں جو رواني اور كيف واثر هے وهي رواني اوركيف و اثر تضمين شده مصرعوں ميں بھي هے جس سے معلوم هوتا هے كه تضمين كے تينوں مصرعے ايك هي شاعر كے كهے هوئے هيں۔
دوسرا بند: صبا اكبر آبادي كے شعر ميں مايوسي اور سكوت كي كيفيت هے ۔انهوں نے اپنے شعر ميں يه كهه كر كه دوسرا آشياں بنانا مشكل هے اس ليے جلے هوئے تنكے هي سميٹ ليے جائيں، بے بسي، لاچارگي اور محرومي كا احساس دلايا هے۔ فريدي نے تضمين كے پهلے مصرعے ميں٫٫كشمكشِ ضبط و غم٬٬ كے استعمال سے بے زاري كا اظهار كيا هے ۔اس ميں ضبط غم سے نجات پانے كي كوشش بھي موجودهے۔ تيسرے مصرعے ميں روح ِدرد اور همتِ جنوں كو ايك طاقت كي شكل ميں پيش كيا گياهے جو جلے هوئے تنكے سميٹ لينے ميں همت اور حوصله ديتي هے۔يعني اصل شعر ميں جو سكوت هے اسے هلچل ميں بدل ديا هے اور احساس تباهي كو چيلنج سمجھ كر همت سے اس كا سامنا كرنے كي ترغيب دے دي هے۔اس طرح تضمين كے مصرعوں سے اصل شعر كي پوري فضا بدل جاتي هے جو اچھي تضمين كي مثال هے۔
تيسرا بند:صبا نے اپنے شعر ميں صرف يه كها هے كه وه دن دور نهيں جب محبوب ميرے عشق كے اثر كو كوشش كے باوجود بھي نهيں چھپا سكے گا ليكن انهوں نے يه نهيں بتا يا كه عشق كے اثر سے محبوب كو كن كن حالات كا سامنا كرنا پڑے گا۔فريدي نے اپنے تين مصرعوں كي مدد سے اصل شعر ميں يه كهه كروسعت پيدا كردي هے كه محبوب پر عشق كا اثر ايسا پڑے گا كه وه عاشق كے بيكسيِ شوق ديكھ كر آهيں بھرے گا،اس كي طرف ديكھ كر رونا آئے گا اور خود اپنے عكس پر اسے محبوب كا گمان هوگا۔ايسے حالات ميں كوشش كے باوجود محبوب عشق كے اثر كو كيسے چھپا پائے گا۔
چوتھابند:صبا اكبر آبادي اپنے شعر ميں محبوب كو بلانا تو چاهتے هيں ليكن اس سے پهلے اپنے آپ كو سنبھالنا چاهتے هيں كيوں كه ان كے آنسو ابھي تھمے نهيںهيں۔انهوںنے آنسوكي زيادتي كو ظاهر كرنے كے ليے اسے٫٫ موجوں كي رو٬٬ سے تشبيه دي هے ۔ صبا اكبر آبادي كے دوسرے مصرعے٫٫موجوں كي رو ميں پاو ں جمايا نه جائے گا٬٬ ميں جس ذهني انتشار كا اظهار كيا گيا هے اس كي شدّت كو مزيد بڑھانے كے ليے فريدي نے اپنے پهلے مصرعے ٫٫ طوفانِ اضطراب كي لهروں كو روك دوں ٬٬سے كام ليا هے۔ صبا اكبر آبادي نے اپنے شعر ميں محبوب كو بلانے كي كوئي وجه نهيں بتائي هے ليكن فريدي صاحب نے يه كهه كر اس كي توجيه پيش كي كه٫٫ وه دن خدا نه لائے كه تم سے گله سنوں٬٬سارا الزام محبوب پر دھرديا هے اور صبا كو محبت كے الزام سے بري كر ديا هے۔
پانچواں بند :صبا اكبرآبادي كے شعر ميںاس خواهش كا اظهار هے كه خدا جزائے عمل كي تقسيم شامِ حشر تك ملتوي كرديں كيوں كه ان سے اپنے نيك اعمال كا جزا حاصل كرنے كے ليے بھيڑ بھاڑ ميں نهيں جاياجائے گا۔اس ميں يه اشاره ملتا هے كه وه خدا كے عام بندوں ميں سے نهيں خاص بندوں ميں سے هيں۔ ليكن اس سے يه نهيں معلوم هوتا هے كه كيسے ؟۔فريدي نے تضمين شده مصرعوں ميں يه كهه كر كه ٫٫ اے شعله غرورِ محبت ذرا بھڑك٬٬ يه ظاهر كر ديا هے كه خدا كے تئيں جو محبت هے وه شعله كي مانند غير معمولي هے اور اس غير معمولي محبت نے عاشق كے اندر يه جرئ ات پيدا كردي هے كه وه خدا سے بے جھجك يه كهه سكيں كه جزائے عمل شام حشر تك ملتوي كي جائے كيوں كه انعام مشترك اهلِ عشق كے ليے توهين هے۔ تضمين كے مصرعوںسے صبا اكبر آبادي كے شعر كي پوري فضا اور مفهوم ميں وسعت پيداهوگئي هے۔
چھٹا بند: صبا اكبر آبادي نے اپنے مقطع ميں محبوب كو فتنه گر سے خطاب كياهے اوريه كها هے كه ابھي تو مزارِ صبا كا نشان باقي هے ليكن كچھ دنوں ميں يه نشان بھي ختم هوجائے گا۔اس شعر ميںمحبوب سے مزارِ صبا پر حاضر هو كر بے وفائي كے الزام كو دھونے كي طرف اشاره هے۔ليكن فريدي نے يه كهه كر كه محبوب كا ستم برملا هے اور٫٫ اك مشت ِخاك٬٬ جو اس نے مزارِ صبا پر ركھي تھي وه اس كي وفا كا آئينه دار هے۔ اس ليے يه٫٫ اك يادگارِ عالمِ جور و جفا ٬٬بھي هے صبا اكبر آبادي كے شعر كا مفهوم بدل ديا هے۔
صبا اكبرآبادي كي غزلوں پر تضمين كا يه سلسله جاري رها اور فريدي نے ان كي اور بھي غزلوں پر تضمينيںكيں اور ان كے افكار كو نئي جهتوں سے آشنا كيا اور نئي وسعتوں سے همكنار كيا۔ فريدي نے تضمين كے مصرعوں كي مدد سے صبا كے بيشتر اشعاركي توضيح و توجيه پيش كي هے اور بعض اشعار كو نئي جهت و نيا مفهوم عطا كيا هے۔ صبا كے اشعار ميں جو كيفيت اور رواني پائي جاتي هے وهي كيفيت اور رواني فريدي نے تضمين كے مصرعوں ميں پيدا كركے صبا كي لَے سے لَے ملا ديا هے ۔متذكره تضمينوں سے يه اندازه هوتا هے كه د و نوں شعرا فكري ، فنّي اور ذهني طورپر ايك دوسرے سے كتنے قريب تھے ۔كيوں كه كسي شاعر كے اشعار كي تضمين كرنے كے ليے يه ضروري هے كه تخليقي سطح پر دونوں شعرا ميں كافي مناسبت اور ذهني هم آهنگي هو۔