شهاب جعفري اور سورج كااسطوري كردار/Shab Jafri/Suraj

Dr.Shaikh Aquil Ahmad
(Associate Professor)
E-mail: aquilahmad@yahoo.com
Website: www.people.du.ac.in/~aahmad



شهاب جعفري خالصه كالج،دهلي يونيورسٹي،دهلي ميں اردو كے استاد تھے۔انهوں نے بهت كچھ لكھا ليكن وقت اور حالات نے انهيں موقع نهيں ديا كه وه اپنے ادبي سرمايوں كو منظر عام پر لاتے اس ليے ان كا صرف ايك هي مجموعه كلام٫٫سورج كا شهر٬٬ شائع هو سكا۔شهاب جعفري كي شاعري كا زمانه وه هے جب ترقي پسند تحريك زوال پزير تھي اور حلقه اربابِذوق عروج پر تھا۔شهاب جعفري بھي ترقي پسند تحريك سے وابسته تھے ليكن ان كي شاعري پر ترقي پسندي كا اثرنهيںهے۔ان كي شاعري دراصل اس دور كے دونوں مكاتيبِ فكر، ترقي پسندي اور حلقه اربابِ ذوق كي كشمكش كي پيداوار هے جس ميں ان دونوں مكاتيبِ فكر كے تصوّرات كي تھرتھراهٹيں موجود هيں۔يهي وجه هے كه شهاب جعفري كي شاعري ميں وه نعره بازي نهيںهے جو اُس زمانے كے دوسرے ترقي پسند شاعروں كے كلام ميں موجود هے۔شهاب جعفري نے اپنے مخصوص مزاج كي وجه سے كسي خاص تحريك يارجحان كے دائرے ميں خود كو مقيد نهيں كيا۔
شهاب جعفري نے اپني شاعري كي ابتدا تو غزلوں سے كي ليكن ان كے مجموعه كلام ميں نظميں، غزليں، رباعيات كے علاوه ايك طويل منظوم تمثيلي ڈرامه بھي هے۔انهيں شهرت نظموں كے علاوه غزلوں كي وجه سے بھي ملي۔ان كي غزل كے بعض اشعار زبان زدِ خاص و عام هيں۔مثلاً ان كا يه شعربهت مشهور هے ۔
چلے تو پاوں كے نيچے كچل گئي كوئي شے
نشے كي جھونك ميں ديكھا نهيں كه دنيا هے
شهاب جعفري بنيادي طور پر نظم كے شاعرتھے اور ان كي پهچان نظموں كي وجه سے هوئي ۔ ان كي نظموں ميں آزاد نظميںاور معرّا نظموں كے علاوه نثري نظم كے ابتدائي نمونے بھي ملتے هيں ۔جديد نظموں كا دور تجربوں كا دور تھا۔اس دور كي شاعري كي هيئت ميںبے شمار تجربے كيے گئے اور روايت سے انحراف كيا گيا۔اس عمل ميں بعض شعراتو كامياب رهے ليكن زياده تر شعرا هيئت كے تجربے ميں ناكام رهے اور ان كي ادبي پهچان نه بن سكي۔اس كي وجه يه هے كه جب شاعر روايت سے كلّي طور پر انحراف كرتا هے اور نئے نئے تجربے كرتا هے توشاعري ميں شعريت برقرار نهيں ره پاتي ليكن شهاب جعفري نے نظموں ميں هر جگه شعريت برقرار ركھي هے۔ شهاب جعفري نے اپني نظموں ميں ديومالائي علامات كے استعمال سے الگ پهچان بنائي هے اورالگ اسلوب قائم كيا۔
بڑے شاعروں كے كلام ميں كوئي نه كوئي كليدي لفظ ضرور هوتا هے جس كا استعمال مختلف علامتوں كي شكل ميںبار بارهوتا هے۔ مثلاً علامه اقبال كے كلام ميں شاهين، خرد اور جنون كا استعمال بهت ملتا هے۔ بعض شاعروں كے كلام ميں خنجر اور نشتر جيسے الفاظ ملتے هيں۔اس كي كوئي نه كوئي نفسياتي وجه ضرور هوتي هے۔ممكن هے كه بعض شعرا كے يهاں اس كي وجه تهذيبي هو، كچھ كے يهاں مذهبي اوربعض كے يهاں سماجي يا كچھ اور بھي هو سكتي هے۔ وجه چاهے جو بھي هوليكن ايسے الفاظ شاعر كے شعور ياتحت شعور ميںهمه وقت موجزن رهتے هيں ۔شهاب جعفري كے كلام ميں بھي سورج كليدي لفظ هے جس كا استعمال اپني كئي نظموں ميں مختلف علامات كے طور پر بار بار كيا هے۔ مثلاً ٫٫سورج كا شهر٬٬، ٫٫ذرّے كي موت٬٬،٫٫گنهگار فرشتے٬٬،٫٫پسِ پرده٬٬،٫٫آخري نسل٬٬، ٫٫خونين صدياں٬٬، ٫٫ما حصل٬٬، ٫٫سورج كا زوال٬٬، ٫٫شهرِ انا ميں٬٬، وجدان٬٬،٫٫ ميں٬٬ اور ٫٫شام اور كھنڈر٬٬ وغيره نظموں ميں سورج كو خوشي، عيش و عشرت ،ترقي، علم و آگهي ،انا ، خدا، طاقت، نئي نسل ، روشني كا سر چشمه، سيارے ،وغيره كي علامات كے طور پراستعمال كيا هے اور ان علامت كي مدد سے شاعر نے زندگي كے متعلق اپنے خيالات كا اظهار كيا هے۔ دراصل سائنسي اور جغرافيائي نظريے كے علاوه شمسي ديومالائي تصورات كے مطابق بھي زرعي معيشت كي ترقي ميں سورج كا رول بهت هے۔يهاںٹھهر كر يه جاننا بھي ضروري هے كه آخر سورج كي اهميت هماري تهذيب ،معاشره اور هماري زندگي ميں كيا هے؟سائنسي نظريے سے اگر اس كا جواب تلاش كيا جائے تو معلوم هوگا كه سورج كي اهميت زرعي معيشت كے اعتبار سے بهت هے۔سورج كے طلوع هونے اور غروب هونے كي وجه سے كس طرح صبح، دن، شام اور رات هوتي هے اور گردشِ صبح و شام كا هماري زندگي پر كيا مثبت اثرات پڑتے هيں؟ شهاب جعفري كے كلام ميں سورج كے مختلف كردار پربحث كرنے سے پهلے يه بھي جان لينا ضروري هے كه هندستان كي مذهبي كتابوں يا هندستاني مائيتھو لوجي ميں سورج سے متعلق كيا كها گيا هے؟
ويدك اشلوكوں ميں سورج كو ٫٫سُريا٬٬ اور ٫٫ساوتري٬٬ كے نام سے مخاطب كيا جاتا هے۔كبھي كبھي ان دونوں ناموں كو ساتھ ساتھ ليا جاتا هے تو كبھي ايك دوسرے كے بدل كے طور پر۔يه بھي خيال كيا جاتا هے كه صبح اور شام ميں جو سورج نظر آتا هے اسے ٫٫سُريا٬٬ كها جاتا هے اور جب سورج غروب هوجاتا هے تو اسے ٫٫ساوتري ٬٬كهتے هيں۔ كها جاتا هے كه ساوتري كي سنهري آنكھيں، سنهرے هاتھ، سنهري زبان هوتي هے۔يه بگھي كي سواري كرتا هے جسے سفيد پاو ں والے چمكيلے گھوڑے كھينچتے هيں۔وه زمين كو روشن كرتا هے،اس كے سنهرے هاتھ دعا دينے كے ليے پھيلے رهتے هيں ، تمام جانداروں كي طاقت infuseكرتے هيں اور جنت كي آخري كنارے تك پهنچے رهتے هيں۔ايسے ويدك اشلوكوں كي تعداد بهت زياده نهيں هے جن ميں ٫٫ سُريا ٬٬ كا ذكر آيا هے پھر بھي قديم زمانے سے هي سورج كي پوجا عام هے۔ويد كا مقدس ترين منتر ٫٫گائتري٬٬ جسے ويدوں كي ماں بھي كها جاتا هے، كي تلاوت طلوع آفتاب كے وقت عقيدت مند برهمن كرتے هيں جس ميں سورج كو مخاطب كيا جاتا هے اور اس سے جادُوئي طاقت كے حصول كے ليے دعا مانگي جاتي هے۔اس منتر كا انگريزي ترجمه Indian Wisdom',p.20 ميں اس طرح درج هے:
Let us meditate on the excellent glory of the Divine;
May He enlighten (or stimulate ) our understandings.
پورانك زمانے ميں سورج كو كشيپ اور آدِتي كا بيٹا كهاگيا۔ اسي زمانے سے يه مانا جاتا هے كه وه گهراسرخ آدمي هے جس كي تين آنكھيںاور چار هاتھ هيں۔اس كے دو هاتھ ميں سوسن كے پھول هوتے هيں، ايك هاتھ دعا كے ليے اٹھا رهتا هے جبكه چوتھے هاتھ سے اپنے عقيدت مندوں كي حوصله افزائي كرتا هے۔
سائنسي نظريے سے ديكھا جائے تو معلوم هوگا كه زرعي پيداواركے اعتبار سے سورج بهت اهميت كا حامل هے۔كيوں كه سورج كي روشني سے دريا ميں بخارات پيدا هوتے هيںاور وهي بخارات كرّه زمهرير تك پهنچ كر ابر بن جاتے هيں اور هوا ابر كو دور دور تك لے جاتي هے تب بارش هوتي هے اوريهي بارش زمين كو نمو عطا كرتي هے،نهريں اورچشمے جاري هوتے هيں۔كهتے هيں كه بخارات كو سورج كي روشني پكاتي هے اور اس سے سونا، چاندي،لوها،شيشه، ياقوت، اورهيرے جيسے اجساد اور معدنيه بھي پيدا هوتے هيں۔درخت بھي اگتے هيں اورنباتات پر بھي اس كا اثر هوتا هے۔ لهٰذا چاروں عناصر﴿زمين،روشني،هوا اور پاني﴾ كے وجود ميں آنے كي سائنسي اور جغرافيائي وجه سورج هي هے۔ اسي ليے W. J. Wilkingsنے برهم پُران كے حوالے سے سورج كو "Mihira" يعني "He who waters the earth" " اور Vivaswat يعني "The Radiant one." كها جاتا هے۔ يهي وجه هے كه دنيا كے قديم ترين تمدّن ميسوپوٹاميا اور مصري تمدّن كي ابتدا سے هي سورج كو غله پيدا كرنے والااورسكھ پهنچانے والا ديوتا سمجھا جاتا تھا۔ اس زمانے ميں ٫٫را ٬٬ديوتا كے نام سے اس كي پوجا كي جاتي تھي ۔ آج بھي سورج پوجا كي يه روايت برقرار هے۔ بلكه اسے عوامي بنانے كے ليے اس كا رشته يوگ سے جوڑ ديا گيا هے۔ يوگ ايك صوفيانه عمل هے ليكن اس كو سائنس سے بھي جوڑ كر ديكھا جاتا هے ۔ سُر يوگ پر اب تك بهت كچھ لكھا جا چكا هے جس ميں سوامي سُريا جويل كي لكھي هوئي كتاب بهت اهم هے۔
سوررج كي پوجا يا سُريا يوگ﴿مراقبئه آفتابي﴾ كي اهميت پر زور ديتے هوئے سوامي سُريا جويل، نے كها هے كه انسان كے تمام اعمال اور سرگرميوں ميں سُريا يوگ﴿مراقبئه آفتابي﴾ سب سے زياده مفيد اور فطري عمل هے۔يه انسان كے جسم،دل،دماغ،جذبات اور روح كے ليے بهترين غذا فراهم كرتا هے۔يه همارا رشته، همارے اندر كي روشن ضمير طاقتوں كے ساتھ استوار كرتا هے۔يه همارے اندر زندگي اور زنده هونے كا احساس جگاتا هے۔انسان كے وه تمام سوالات جس كے جواب وه هميشه سے ڈھونڈتا رها هے اورڈھونڈتا رهے گا مثلاً هم كون هيں؟، هم يهاں كيوں هيں؟، اس كائنات كي حقيقت كيا هے؟،ان تمام سوالوں كا جواب همارے شعور سے نهيں بلكه تحت شعور سے ملنے لگتا هے۔يه تلاش همارے ذهن كو سكون بخشتي هے۔سوامي سُريا جويل نے مراقبئه آفتابي پر روشني ڈالتے هوئے يه بھي كها هے كه مراقبه نه تو كوئي طريقه هے اور نه كوئي راسته،يه تو خود اپنے اندر كے سورج ميں ضم هو جانے كا نام هے۔ان كا يه بھي ماننا هے كه يه وه عمل هے جس سے انساني جسم كے اندر كے پانچوں عناصر﴿آگ،هوا ، مٹي،پاني اور روح﴾ كا توازن بنا رهتا هے اور ستاروں كي گردش اور ان سے پيدا هونے والي تھر تھراهٹ همارے اندر كي روشني كے هاله كوپاك ركھتي هے۔
علامه اقبال نے اپني نظم٫٫آفتاب٬٬ ميں گايتري منتر كے حوالے سے جو لكھا هے ان ميں سے زياده تراشعار سوامي سُريا جويل كے خيالات كي تصديق كرتے هيں ۔مثلاً اقبال كا يه شعر ملاحظه كيجيے:
قائم يه عنصروں كا تماشا تجھي سے هے
هر شئے ميں زندگي كا تقاضا تجھي سے هے
سوامي سُريا جويل نے مزيد كها هے كه يه اپنے خالق سے ملنے كا ايك بهترين ذريعه هے۔اس كو هم عبادت اور مراقبه كا ايك روشن طريقه مان سكتے هيں۔تفصيلي مطالعه كے ليے رجوع كيجيے : www.suryayog.org) ﴾
ممكن هے كه شهاب جعفري كے شعور يا لا شعور ميں سورج سے متعلق اساطيري تصور موجود هو۔شهاب جعفري كا كلام صرف سورج هي نهيں بلكه كئي اور اساطيري علامات سے بھرا پڑا هے۔ممكن هے اساطيري علامتوں كي طرف جھكاو كي وجه ان كے آبائي وطن كاشي اور سار ناتھ كي وه پراني تهذيب هو جس كے متعلق انهوں نے خود لكھا هے كه:
٫٫ وطن معلوم و نا معلوم،تمام و نا تمام كائنات ،اس كے ايك چھوٹے سے پسمانده سيارے پرايك قديم ملك هندوستان، اس كے مشرق ميں گنگا كے كنارے ،جهاں سے سورج طلوع هوتا هے ،ايك مقام كاشي اور سار ناتھ ميرا وطن هے جس كي مٹّي سے ميرا جسم اور هواو ں سے ميرا ذهن بنا هے۔٬٬
خاطرنشين رهے كه هندو مذهب ميں كاشي اور سار ناتھ كي خاص اهميت هے كيوں كه شيو پُران كے مطابق كاشي وه مقام هے جس كي دھرتي بھگوان شنكر كے ترشول پر ٹكي هوئي هے۔مذهبي كتابوں كے مطابق سورج بھگوان ،شنكر كے هي اوتار هيں۔
يهاں يه بات قابلِ غور هے كه بڑا فنكار يا اديب كوئي معمولي انسان نهيں هوتا بلكه بيك وقت وه هزاروں زمانوں اور تهذيبي منطقوں ميں جي رها هوتا هے۔شهاب جعفري بھي انهيں بڑے فنكاروں ميں سے ايك هيں جن كے ذهن ميںهزاروں سال پراني هندستاني تهذيب اور فلسفه موجود هے اور موجوده دور كے حالات سے اس كا رشته قائم كركے نئي علامتوں كے ذريعه نئے پس منظر ميں پيش كرنے كا هنر بھي جانتے هيں ۔
شهاب جعفري كي پهلي نظم ٫٫سورج كا شهر٬٬فكر انگيز اور تحير خيز هے۔اس نظم ميں ٫٫ سورج٬٬ خوشحا لي كي علامت بن جاتا هے۔ ممكن هے ميسوپوٹاميا اور مصر كي هزاروں سال پراني تهذيب شاعر كے ذهن ميںموجود هو جهاں سورج كي پوجا٫ ٫ ر ا ٬٬ديوتا كي شكل ميںهوتي تھي كيوں كه يه خيروبركت كا ديوتا تھا۔ نظم كے چند مصرعے ملاحظه هوں:
٫٫نهيں يه سورج كے شهر كا آدمي نهيں هے،
كه يه تو مرنے كے بعد فُٹ پاتھ پر پڑا هے،
يه لاش هم سب كي طرح سورج كے ساتھ گردش ميں كيوں نهيں هے
پڑھو تو اس ڈائري ميں كيا هے۔٬٬
سورج سے متعلق صديوں پرانے اساطيري پس منظر ميں شاعر نے آج كي دنيا كو٫ ٫ سورج كے شهر ٬٬سے تعبير كيا هے كيوں كه سورج طاقت اور عيش وعشرت كي علامت هے۔ دوسري بات يه كه ٫٫سورج كا شهر٬٬ كهه كر شاعر نے قاري كے ذهن ميںايك ايسي دنيا كي تصوير ابھارنے كي كوشش كي هے جس كي مثال جنّت يا اُس جيسي كسي مثالي دنيا سے دي جا سكے جهاں كے ا نسان اِس دنيا ميں رهنے والوں كي طرح كمزور اور مجبور نه هوں۔ شاعر نے٫٫ سورج كے شهر٬٬كي اهميت كو establishكرنے كے ليے فٹ پاتھ پر پڑي هوئي لاش كو ديكھ كر پهلے مصرعے ميں استعجاب كے عالم ميں كها هے كه٫٫نهيں يه سورج كے شهر كا آدمي نهيں هے ،٬٬ كيوں كه يه اگر سورج كے شهر كا آدمي هوتا تو مرنے كے بعد بھي هم سب كي طرح سورج كے ساتھ گردش ميں هوتا۔ سورج كے ساتھ گردش ميں رهنا بھي عيش و عشرت كي علامت هے۔شاعر كے استعجابي لهجے ميںدو باتيں پوشيده هيں۔پهلي تو يه كه يه دنيا صحيح معنوں ميں عشرت گاه هے۔ دوسري يه كه يه دنيا اگرعيش و آرام كي جگه هے بھي تو صرف ان لوگوں كے ليے جو طاقتور هيں اور جن كے ليے طرح طرح كے آرام و آسائش كي چيزيں دستياب هيں۔يهاں شاعر سورج كے شهرپر طنزاور ايسے لوگوں كے ليے اظهارِ همدردي كرتا هوا معلوم هوتا هے جو فٹ پاتھ پر زندگي بسر كرتے هيں اور فٹ پاتھ پر هي مر جاتے هيں۔وزير آغا نے بھي ٫٫سورج كا شهر٬٬ سے يهي دنيا مراد ليا هے ۔
فٹ پاتھ پر پڑے هوئے انسان كي لاش كي ڈائري كے اوراق پر لكھے هوئے جملے كي مدد سے شاعرنے اس بات كي وضاحت كي هے كه سورج كا يه شهر جو عالمِ عيش و عشرت كي علامت هے، اصل ميں يه ايك عام آدمي كے ليے جدو جهد سے بھري هوئي هے۔چند مصرعے ملاحظه هوں:
٫٫ميں اپني دنيائے فكرو فن تَج كے آج بن باس ميں پڑا هوں
ضرورتوں ميں گھرا هوا هوں
عظيم فنكار كا قلم هو كه كارخانے كسي كو تخليقِ حسن كي آرزو نهيںهے
مقدس آگ ان كے دل كي يوں پيٹ كے جهنّم ميں جل رهي هے
كه زندگي كي جو قوتيں هيں،وه صرف زنده هي رهنے ميںصَرف هو رهي هيں٬٬
دنيا ئے باقي سے دنيائے فاني يعني٫٫سورج كے شهر٬٬ ميں آنے كو شاعر نے ٫٫بن باس ٬٬سے تعبير كيا هے۔٫٫ بن باس٬٬ جس طرح پانڈوو ں اور رام كے ليے جدوجهدسے عبارت هے۔ اسي طرح يه دنيا بھي ايك عام انسان كے ليے صعوبتوں سے بھري هوئي هے۔ تيسرے مصرعے ميں شاعر نے دنيا كي مصيبتوں كي زيادتي سے هونے والے اثرات كا ذكركيا هے كه كس طرح اس كي وجه سے ايك فنكار كا قلم تخليقِ حسن بھول گيا هے۔ چوتھے اور پانچوے مصرعے ميں شاعر نے دنيا كي مصيبتوں كي آخري حد يعني بھوك كي آگ پر اظهارِ افسوس كرتے هوئے كها كه انسان كے دل كي آگ جو تخليقِ حسن كے ليے انسان كي طاقت هے، اب بھوك كي شكل ميں انسان كے پيٹ ميں منتقل هو گئي هے جوانسان كے ليے تخليقِ حسن ميں سب سے بڑي ركاوٹ هے۔ يهاں پيٹ كي آگ كي طرف اشاره كر كے شاعر نے هزاروں غريبوں كي بے بسي كي طرف قاري كو متوجه كيا هے اور سورج كے شهر پر طنز كيا هے۔ اسلام بھي كهتا هے كه غربت ميں ايمان كے كمزور هونے كا خطره پيدا هوجاتا هے۔ شاعر نے اس كے ليے دنيا كے موجوده سياسي نظام كو ذمه دار ٹھهرايا هے۔٫٫مقدس آگ٬٬ كهه كرشاعرنے هندو مذهب كے اس تصوّر كي طرف اشاره كيا هے جس ميں كها گيا هے كه آگ٫٫ پَو ِ تر٬٬ هوتي هے جسے پوجا كي اشيائ ميں اهم مانا جا تا هے۔
جيسا كه ذكر كيا گيا كه شاعر نے اس دنيا كو سورج كے شهر سے تعبير كياهے كيوں كه سورج بھي اپني تجديد كے ليے هميشه گردش ميں رهتا هے۔ دنيا بھي ترقّي كي بلنديوں كو چھونے كے ليے همه وقت چلتي رهتي هے اور اپنے ساتھ تمام انسانو ں كو بھي چلاتي رهتي هے۔چند مصرعے ملاحظه هوں:
٫٫يه شهر سورج كا شهر هے،ا ِس كے روزوشب كا پته نهيں كچھ
نه آج تك وقت اور تاريخ كا مجھے علم هو سكا هے
كه ميرے احساس ميں كوئي آج هے نه كل
اور يه رات هے يا سياه سورج ؟٬٬
غروب هو كر بھي آسمان وزميں سے پيهم گزر رها هے
ان مصرعوں ميں شاعر نے تيز رفتار دنيا كي چكا چوند ميں كھوئے هوئے انسان كے تاثرات و جذبات كي ترجماني كرتے هوئے كها هے كه اس دنيا ميں زندگي اس قدر مصروف هے كه نه دن كا احساس هوتا هے اور نه رات كا۔ لگتا هے كه وقت ٹھهر گيا هے۔ چوتھے مصرعے ميں شاعر نے رات كو سياه سورج سے تعبير كيا هے كيوں كه راتيں بھي دن كي مانند سورج كے ساتھ ساتھ متحرك هيں ۔ دنيا كا كاروبار رات ميں بھي ويسا هي چلتا هے جيساكه دن ميں چلتا هے۔رات كي تاريكي ميںظلم واستبداد كے ديو كو پوري آزادي مل جاتي هے۔اسي ليے شاعر نے رات كو سياه سورج سے تعبير كيا هے۔ اس كا ايك سائنسي پهلو بھي هے اور وه يه هے كه سورج كبھي غروب نهيں هو تا ۔وه اپنے محور پر همه وقت گردش كرتا رهتا هے۔اس ليے شاعر نے پانچويں مصرعے ميں كها هے كه٫٫غروب هوكر بھي آسمان و زميں سے پيهم گزر رها هے۔٬٬
ايك اور نظم ٫٫گنهگار فرشتے٬٬ ميں بھي شاعر نے سورج كو ٫٫اندھيري رات كا سوررج٬٬ كها هے جسے ظلم و ستم كے ديو سے تعبير كرنے كے علاوه اسے ايك نئي علامت كے طور پر بھي پيش كيا جا سكتا هے۔اس نظم كے چند مصرعے ملاحظه هوں:
اندھيري رات كا سورج يه ساغرِ مے هے
فروغِ نشه ميں كتني حسين هے دنيا
﴿سُبك سي ايك كھلونے كي طرح نازك سي
نگاه بھر كے بھي ديكھيں توچور هو جائے﴾
يه جيسے مائلِ پرواز هونے والي هو
هميں اڑائے ليے جائے گي كهيں سے كهيں
دراصل انسان توگناهوںكا پتلا هے ليكن شراب پينے كے بعدوه فرشتے كي مانند هو جاتا هے ليكن شاعر نے ٫٫گنهگار فرشتے ٬٬ ميںاحتياط كے طور پر فرشته سے پهلے گنهگار لفظ كا اضافه كر ديا هے ليكن اس لفظ ميں طنز كا تاثر بھي موجود هے ۔شاعرنے اس نظم ميں٫ ٫ساغرِ مے٬٬ كو اندھيري رات كا سورج كها هے جو استعاره بالكنايه هے۔جس طرح سورج كا كام هے تاريكي دور كرنا اور روشني پھيلانا اسي طرح ٫٫ساغرِ مے٬٬ بھي دل كي تاريكي كو ختم كر ديتا هے اور انسان كو ايك عجيب وغريب دنيا ميں لے جاتاهے جو بے حد حسين اور نازك هے۔اس دنيا ميں انسان اپنے آپ كو ايك معصوم بچے كي طرح محسوس كرتا هے اور آرزوو ں كے جھولے ميںبيٹھ كر چاند تاروں اور جنت كي سيركرتا هے۔ پانچويں اور چھٹے مصرعوں ميں حد درجه مبالغه هونے سے نظم ميں Fantasy كا انداز پيدا هو گيا هے ۔
متذكره دونوں نظموں ميں ٫٫سياه سورج ٬٬ اور ٫٫اندھيري رات كا سورج٬٬ سے ذهن varuna ديوتاكي طرف بھي منتقل هو جاتا هے جس كے متعلق W.J. Wilkings نے هندو مائتھولوجي ميں لكھا هے كه:
The idea of the older commentators was that Mitra represented and ruled over the day , whilst Varuna was ruler of the night."Varuna is some times visible to the gaze of his worshipers; he dwells in a house having a thousand doors, so that he is ever accessible to men.He is said to have good eyesight, for he knows what goes on in the hearts of men."
فارسي اور اردو شاعري ميںانسان كوايك ذرّه كها گيا هے اور اسے مجبور اور ناتواں بتايا گيا هے ليكن علامه اقبال نے مردِ مومن كا تصّور پيش كركے انسان كے احساسِ كمتري كو دُور كيا ۔شهاب جعفري كو اس بات كا بھي احساس هے كه انسان اسي خدا كا ايك ذرّه هے۔اسي ليے انهوں نے اپني بعض نظموں ميں سورج كوخدا﴿ God Almighty﴾ سے تعبير كيا هے اور انسان كو اسي سورج كا ذرّه قرار ديا هے۔هندوو ں كي مذهبي كتابوں كے مطابق سورج كو ٫٫برهما٬٬كي علامت مانا گيا هے، سورج اس كائنات كي تخليق كرتاهے، اسے اپنے اختيار ميں ركھتا هے اور اسے تباه بھي كرتا هے۔ر ِگ ويد ميں سورج كو تمام ديوتاو ں كي آنكھ كها گيا هے۔ اس حقيقت كو مد نظر ركھتے هوئے كه سور ج هي برهماهے،شهاب جعفري كي ايك نظم٫٫ذرّے كي موت٬٬كا يه شعر ملاحظه كيجيے:
اپنے سورج سے بچھڑا هوا تاره هوں
اپني فطرت سے بكھرا هوا پا ره هوں
اسي نظم ٫٫ذرّے كي موت٬٬ ميں ايك جگه انسان كو سيّاره سے تعبير كيا هے جو سورج سے ٹوٹ كر الگ هو گيا هے۔ جس سے نظامِ كشش كا توازن برقرار نهيں رهنے كا انديشه پيدا هو گيا هے۔انسان كو ايك سيّاره قرار دينے سے جهاں انسان كي عظمت اور اس كے طاقتور وجود كا احساس هوتا هے وهيں يه بھي پته چلتا هے كه شهاب جعفري سائنسي حقيقت سے بھي واقف هيں۔
ميں نظامِ كشش سے جدا هو گيا
چاند سے كس قدر فاصله هو گيا
٫٫چاند سے كس قدر فاصله هو گيا هے٬٬ كهه كر شاعر نے نه صرف نظامِ كشش كے توازن كے بگڑ جانے كا خدشه ظاهر كيا هے بلكه قرآن شريف ميں شق ا لقمر كے واقعه كي طرف بھي قاري كے ذهن كو منتقل كر ديا هے۔
علمِ نجوم ميں بھي سورج كو تمام سياروں كا راجه كها جاتا هے۔علمِ نجوم كے مطابق نو سيّارے هيںاوران سيّاروں كي گردش هي دنيا ميں انسان كي تقدير بناتي اور بگاڑتي هے۔ان سيّاروں ميں سورج كو خاص اهميت حاصل هے۔كها جاتا هے كه تمام سيّارے سورج سے هي طاقت حاصل كرتے هيںاور نفع و نقصان پهنچاتے هيں۔برهم پوران كے مطابق سورج كے باره نام هيں جن ميں W.J.Wilkins كے مطابق ايك نامGrahapati يعني"The Lord of the stars." بھي هے۔
شهاب جعفري كو انسان كے اشرف المخلوقات هونے كا احساس شديد طور پر هے اس ليے وه انسان كي تو انائي اور اس كي وسعت كو Atom كي صورت ميں ديكھتے هيں جو Explode هو نے كا مجاز ركھتا هے اور اپني آگ سے كسي بھي چيز كو پگھلا سكتا هے۔اس نظم كے چندبند ملاحظه كيجيے:
اپنے اندر كهاں تك سمٹ جاو ں گا
اور اُوپر اُٹھوں گا تو پھٹ جاو ں گا
روح بجلي سي بن كر نكل جائے گي
ديكھ زنجيرِ آفاق گَل جائے گي
ديكھ هستي كي بنياد هل جائے گي
اور زمين جاكے سورج سے مل جائے گي
شاعر نے يهاں زمين كو سورج كا حصه قرار دے كر انسان كو ايك سيارے سے تعبير كيا هے ۔ شاعر نے يه كهه كر كه ٫٫اور زميں جاكے سورج سے مل جائے گي٬٬ جهاں اسلام كے اس نظريے كي طرف اشاره كيا هے كه هر شے اپني اصل كي طرف لوٹتي هے وهيں سائنس كے اس نظريے كي طرف بھي اشاره كيا هے كه سورج، چاند اور زمين قوّتِ كشش كي بدولت اپني اپني جگه ٹكي هوئي هيں۔اس كے علاوه اُس جغرافيائي عمل كي طرف بھي اشاره كيا هے جو لاكھوں سال پهلے عمل ميں آيا تھا۔ جس كي بدولت سورج سے آگ كا ايك گوله الگ هوگياتھاجو مدّتوں بعد ٹھنڈا هوا اور ٹھنڈا هونے كے بعد آهسته آهسته وهاں٫٫ كاربن٬٬ پيدا هوا اور پھر بعد ميں يهاں كوئي جاندار چيز پيدا هوئي۔اب اسي ٹھنڈي آ گ كے گولے كو زمين كها جاتا هے۔
شاعر نے اپني كئي نظموں ميں انسان كو خداكاجزقرار دے كر اسے نور سے تعبير كيا هے۔ ٫٫برهم پران٬٬ كے مطابق بھي سورج كو Bhaskera يعني "The Creater of light." كها جاتا هے۔ نور علم و آگهي كي بھي علامت هے۔انسان كو خدانے جب اس دنيا ميں بھيجا تو اس كے نور سے يه دنيا چمك اٹھي اور ارض و سما روشن هو گئے۔ گياره مصرعوں پر مشتمل ايك چھوٹي سي آزاد نظم ٫٫ميں٬٬اسي حقيقت كا اشاريه هے ۔چند مصرعے ملاحظه هوں:
كس قدر روشن هيں اب ارض و سما
نور هي نور آسماں تا آسماں
ميرے اندر ڈوبتے چڑھتے هوئے سورج كئي
جسم ميرا روشني هي روشني
پانُو ميرے نور كے پاتال ميں
هاتھ ميرے جگمگاتے آسمانوں كو سنبھالے
سر مرا كاندھوں په اك سورج،
كه نا ديده خلاو ں سے پرے ابھرا هوا
اور زميں كے روزوشب سے چھوٹ كر
آگهي كي تيز رو كرنوں په ميں اڑتا هوا
چار جانب اك سهاني تيرگي كي كھوج ميں نكلا هوا
اس نظم ميں حد درجه مبالغه آميز فقروں كو مصرعوں كے دروبست ميں ڈھالاگيا هے جس سے ان ميں تحيّر يا Fantasy پيدا هو گئي هے۔اس كے علاوه نظم ميں افعال كے مقابلے ،اسمائ كا استعمال كثرت سے كيا گياهے جس سے پته چلتا كه شاعر نے زميني حقيقت كے بجائے آسماني باتيں كي هيں۔لهٰذا قاري كا ذهن تصوف كي طرف لا محاله منتقل هو جاتا هے ۔اس ليے٫ نور٬ اور٫ سورج٬ كي علامتوں كي تلاش تصوف يا اسلامي فلسفے كي روشني ميںكرنا مناسب هو گا۔واضح رهے كه خدا سراپانور هے اورنور كا سرچشمه بھي۔ جبكه انسان مٹي سے بنا هے ليكن خدا نے اپنے نور كا پرتو انسان پر ڈال كر اسے بھي نور سے مالا مال كر ديا اس ليے انسان كے اندر وه تمام خوبياں پيدا هو گئيں جس كي بدولت وه تسخيرِ كائنات كي قدرت ركھتا هے۔سورج بھي نور كا ايك گوله هے شايد اسي ليے سورج كو خدا مانا جا تا هے۔تيسرے مصرعے ميں شاعر نے ٫٫ ميرے اندر ڈوبتے چڑھتے هوئے سورج كئي٬٬ كهه كراور چوتھے ،پانچوے اور چھٹے مصرعے ميں يه كه كر كه ٫٫جسم ميرا روشني هي روشني٬٬،٫٫پانو ميرے نور كے پاتال ميں٬٬اور٫٫ هاتھ ميرے جگمگاتے آسمانوں كو سمبھالے٬٬اور پھر ساتويں مصرعے ميں٫سر٬ كو سورج سے تشبيه دے كرجهاںقاري كو تحيرياFantasy كي دنيا ميں لے جاتا هے وهيں اس بات كي طرف بھي اشاره كرتاهے كه انسان علم وآگهي سے پوري طرح معمور هے اور اب وه اس لائق هے كه ٫٫چار جانب اك سهاني تيرگي كي كھوج٬٬ كر سكے۔
ا ٓزادنظم ميںقافيے كي ضرورت نهيںهوتي هے پھربھي اس نظم ميں External اور Internal قافيے﴿Rhymes﴾ موجودهيں۔ دراصل اردو ايك اشتقاقي زبان﴿Inflectional Language﴾ هے جس كي وجه سے اس زبان كے جملوں يا مصرعوں ميںخود بخود قافيے آجاتے هيں۔زيرِ بحث نظم ميں بھي قافيے غيرشعوري طورپرآئے هيںليكن ان قافيوں كي وجه سے نظم كے مصرعوں كي ساخت پر كوئي اثر نهيں پڑاهے بلكه External اور Internal قافيوں كي تكرار سے مصرعوں ميں موسيقيت پيدا هو گئي هے اور نظم گنگنا اٹھي هے۔
رابندر ناتھ ٹيگور كي تخليقات ميں بھي روشني كا استعمال بهت هوا هے۔روشني ان كے يهاں علم و آگهي كي علامت هے۔ وه اپنے اِدراك و آگهي كي پختگي اور تصوّر كي بلند پروازي كے ليے دعا مانگتے تھے۔
"They stand with uplifted eyes thirsty after light,lead them to light My Lord."
(The Times of India,The speaking Tree) رابندر ناتھ ٹيگور كے ليے روشني خوشي كا سرچشمه بھي هے۔ ان كي نظم كا يه ٹكڑا ملاحظه كيجئے ۔
Light my light, the world filling light, the eye kissing light, heart sweetening light." " (The Times of India,The speaking Tree)
د راصل رابندر ناتھ ٹيگور كے فلسفے كا محرك بھي سورج هي هے۔ان كے يهاں روحاني حقيقت كا ادراك سورج كي شعاعوںكے ذريعه هوا هے۔انهوں نے لكھا هے كه:
" One day while I stood watching at early dawn the Sun sending out its rays from behind the trees, I suddenly felt as if some ancient mist had in a moment lifted from my sight and the morning light on the face of the world revealed an inner radiance of joy.The invisible screen of the common place was removed from all things and all of mankind and this ultimate significance was intensified in my mind and this the definition of beauty."
(The Times of India, Soma Chakravarty , speaking tree)
علامه اقبال نے اپني ايك نظم٫٫آفتاب٬٬﴿ترجمه گايتري منتر﴾ميں خدا كے نور كي وضاحت اس طرح كي هے:
وه آفتاب جس سے زمانے ميں نور هے
دل هے خرد هے روحِ رواںهے شعور هے
اے آفتاب هم كو ضيائے شعور دے
چشمِ خرد كو اپني تجلي سے نور دے
نے ابتدا كوئي، نه كوئي انتها تري
آزادِ قيدِ اول وآخر ضيا تري
شهاب جعفري كي ايك دوسري نظم ٫٫خونيںصدياں٬٬بھي قابلِ ذكر هے۔تين بندوں پر مشتمل يه ايك پابند نظم هے جس كے پهلے اور دوسرے بند ميں شاعر صديوں پر پھيلے ماضي كے تمام بحراني اور خوں ريز منظرنامے پر غور كرتا هے اور حال سے اس كامقابله كرتا هے تو پاتا هے كه آج بھي سب كچھ ويسا هي هے۔ نه وقت بدلا ،نه سوچنے كا ڈھنگ بدلا اور نه ٫٫من و تو٬٬ كے جھگڑے بدلے۔آج بھي خوف و هراس پيدا كرنے والے حالات موجود هيں۔ تيسرے بند ميں شاعر نے بتا يا هے كه ان تمام حالات كو سورج ديكھ رها هے ليكن اس كے پاس بھي اس كا كوئي علاج نهيں هے۔نظم كا تيسرا بند ملاحظه كيجيے جس ميں سورج كي علامت قابلِ غور هے:
سوچتا سورج ديكھ رها هے رنگ بدلتي دھول
دشت ميں تھي تو بگوله تھي اور شهر ميں هے تو فصيل
هر مقتل ميں هر انساں اك نيزه هے اك ڈھال
هر اك كا مقتول بھي قاتل،قاتل بھي مقتول
انسانيت خود اك سازش اس كا كون كفيل؟
دھرتي تجكو كتنا لهو ديں هم دھرتي كے لال
اس بند كے پهلے مصرعے ميں جس طرح لفظ ٫٫سورج ٬٬ كا استعمال كيا گيا هے اس سے معلوم هوتا هے كه سورج دراصل خدا هے جو سب كچھ ديكھ رها هے۔ اسي ليے بر هم پُران ميں بھي سورج كو٫٫ Karmasakshi ٬٬ يعني "The witness of (men's) works." كها گيا هے۔ ليكن آخري مصرعے ٫٫ دھرتي تجكو كتنا لهو ديں هم دھرتي كے لال ٬٬ميں اس بات كي وضاحت هے كه ٫٫سورج٬٬ خدا نهيں بلكه وه لوگ هيں جو انسانيت كي بقا كے ليے شهيد هو جاتے هيں يا خودشاعر هے جو استعجاب كے عالم ميں يه ديكھ رهاهے كه كس طرح موجوده صورتِ حال ميں آدميت حيوانيت ميں تبديل هو گئي هے۔
شاعر نے نظم ٫٫آخري نسل ٬٬ميں آخري نسل كو اندھيرے اور نئي نسل كو سورج سے تعبير كيا هے۔ شاعرنے گزشته كے مقابلے ميں آنے والے كل كو زياده روشن اور تابناك بتايا هے۔ صوفيوں كا بھي خيال هے كه يه دنيا پل پل بدلتي رهتي هے اور بهتر سے بهتر هوتي جاتي هے۔غالب نے بھي اپنے ايك شعركها هے :
آرائشِ جمال سے فارغ نهيں هنوز
پيش نظر هے آئينه دائم نقاب ميں
شهاب جعفري كي نظم ٫٫آخري نسل٬٬ كے چند مصرعے ملاحظه كيجيے:
رات كي بے حس تنها بيليں
آنكھ سے اوجھل ديواروں كا سهارا پا كر
چاروں دشا ميں چپكے چپكے پھيل رهي هيں
صبح كو جب سورج نكلے گا
تازه نور كي بارش ميں مر جھا جائيں گي
٫٫رات كي بے حس تنها بيليں٬٬ تهذيبي زوال كا استعاره هے جو ٫٫چاروں دشا ميں چپكے چپكے پھيل رها هے٬٬۔ دوسرے مصرعے ميں ٫٫ صبح كو جب سورج نكلے گا٬٬ سے معلوم هوتا هے كه سورج ،استعاره بالكنايه هے تجديدِ تهذيب كا اور ٫٫تازه نور كي بارش٬٬ علم كا استعاره بالكنايه هے ۔علم كے سر چشمے سے نكلي هوئي علم كي روشني جهالت كي تمام تاريكيوں كو ختم كر ديتي هے۔
سائنس كے مطابق تو سورج ، چاند اور زمين سيارے هيں اور يه تينوں اپنے اپنے محور پرگرد ش كرتے رهتے هيں۔ پچھلے سطور ميں ذكر كيا جا چكا هے كه سورج كبھي غروب نهيں هوتا ۔دراصل زمين سورج كے چاروں طرف گردش كرتي هے ۔ گردش كے دوران زمين كا جو حصه سورج كے سامنے آتا هے وهاں دن هوتا هے اور جو حصه سامنے نهيں آتا هے وهاں رات هوتي هے۔ سائنس كي يه حقيقت اپني جگه درست هے ليكن سائنسي حقيقتوں تك انساني ذهن كي رسائي پهلے قصے اور كهانيوں كے ذريعه هي هوتي تھي اور قصے كهانيوں كا سرچشمه مِتھ اور اساطير هيں ۔يهي وجه هے كه سورج ،چاند ،رات ،صبح ،طلوع آفتاب اور غروبِ آفتاب سے متعلق متعدد اساطيري كهانياں مشهور هيں جن كي طرف شاعر نے اپني ايك نظم٫٫پسِ پرده٬٬ ميں قاري كے ذهن كو منتقل كيا هے، ساتھ هي سو رج كے غروب هونے كے بعد رات كے آغوش ميں چلے جانے سے لے كر طلوع هونے اور پھر صبح سے شام تك گردش ميں رهنے تك كے عمل كو پيش كر كے اس سے زندگي كے نشيب و فراز ، تجديد زندگي اور تجديد تهذيب كو سمجھانے كي كوشش كي هے ۔ چند مصرعے ملاحظه هوں:
سورج كے پجاريوں نے ديكھا
رات اپني اداسيوں كے بدلے
سورج كو گوهن ميں لے كے شاداں
كس شان سے آسماں سے اتري
رات اتني سياه، سرد، خاموش
بے حس، بے رحم، بے اماںهے
تصويرِ عذابِ جاوداں هے
سرچشمه نور كے نگهباں
لرزاں هيںكھڑے هيں دست بسته
اقرارِ گنه كي خامشي كے
خنجر نے زباں تراش دي هے
تهذيبِ بشر كي لوحِ عصياں
هر بوند لهو كي، پڑھ رهي هے
شاعر نے سورج سے متعلق جس اساطيري كهاني كي طرف اشاره كيا هے وه بے حد دلچسپ هے۔ ديومالائي تصور كے مطابق سورج كا اُوشا اور رات سے كيا رشته هے اور سورج دن بھر رات كا تعاقب كيوں كرتا هے اور وه رات كي آغوش ميںآكر كيسے اپنے وجود كو ختم كر ليتا هے۔پھر صبح ميں كيسے رات سے اپنا دامن چھڑا كرگردش پر مامور هوجاتا هے۔اس كي وضاحت ڈاكٹر وزير آغا نے ان لفظوں ميں كي هے:
٫٫رِگ ويد كے بعض اشلوكوں ميں اوشا كو گائے سے تشبيه دي گئي هے اور سور ج كو اس كا بچھڑا كها گيا هے۔اسي طرح بعض اوقات اوشا كو سورج كي محبوبه قرار ديا گيا هے اورسورج كي آواره خرامي اس محبوبه كي تلاش كے مترادف قرار پائي هے۔بات يه كه اس تمثيل ميں دراصل دو كردار هي ابھرے هيں ايك سورج كا كردار جس كا منصب عاشق هے۔دوسرا رات كا كردار جو محبوبه هے ليكن جس كے تين واضح روپ هيں يعني شام،رات اور صبح شام عورت كا وه روپ هے جب وه نگلنے والي ماںكا كردار ادا كرتي هے۔رات وه جب اس كي حيثيت ايك حامله عورت كي سي هوتي هے اور خون آلود صبح جب وه بچّے كي تخليق كرتي هے۔چنانچه سورج بيك وقت اس كا محبوب بھي هے اور اس كا فرزند بھي۔اسي طرح سورج كے ليے رات بيك وقت محبوبه بھي هے اور ماں بھي۔جب سورج علي الصبح رات سے اپنا دامن چھڑاكر باهر كو لپكتا هے تو اس كي حيثيت آواره خرام خانه بدوش كي سي هوتي هے جو كسي نئي منزل كي تلاش ميںهے ليكن منزل،ماں كے روپ ميں خود اس كي ذات ميں بھي پوشيده هے۔اس ليے وه اس كي تلاش ميں سرگرداں شام كے سمے اسي اوشا سے دوچار هوتا هے جس سے كبھي اپنا دامن چھڑايا تھا۔اس كے بعد جنسي اتصال كا مرحله سامنے آتا هے۔سورج﴿ريشم كے نر كيڑے كي طرح ﴾فوراً مر جاتا هے ليكن اس جنسي ملاپ كے ذريعه اپني تجديد كر كے اگلي صبح ايك نئے سورج كي صورت ميںدوباره طلوع هوتا هے۔يه عمل بيج كے زمين ميں جانے اور يوں اپني تجديد كرنے كي صورت سے مماثل بھي هے اور اسي ليے يه ساري تمثيل زرعي معيشت سے پوري طرح وابسته دكھائي ديتي هے۔٬٬
يه بات بھي قابلِ ذكر هے كه شهاب جعفري كي يه نظم بيانيه هے۔واضح رهے كه بيانيه بمعني Narrative كا اطلاق عام طور پر فكشن كي نثري اصناف پر هوتا هے ليكن اس كا اطلاق شعري اصناف پر بھي كيا جا سكتا هے اگر بيانيه شعري اصناف ميں پوري طرح تحليل هو جائے۔شهاب جعفري كي نظم كے زيرِ بحث مصرعے پھر سے ملاحظه كيجيے كه كس طرح دورانِ گردش سورج كے تحرك واقعه درواقعه كي كيفيت كے ساتھ كهاني اندر هي اندر چل رهي هے اور اپني داخلي ساخت ميں نظم خود بخود بنتي جا رهي هے۔ رات كو گهن ميں لے كے شاداں،كس شان سے آسماں سے اتري،رات اتني سياه ،سرد،خاموش ، بے حس ،بے اماں هے،تصويرِ عذا بِ جاوداںهے، وغيره مصرعوں ميںجس طرح شاعر نے رمزيت پيدا كي هے اوربيانيه كو تحليل كرديا هے يه شاعركا كمال هے۔پروفيسر گوپي چند نارنگ نے اپنے ايك مضمون٫٫جديد نظم كي شعريات اور بيانيه٬٬ ميں لكھا هے كه:
٫٫جهاں وقت كے تحرك كي كيفيت هوگي،كهاني اندر هي اندر چلتي رهے گي ۔يهي بيانيه كا بيج هے جس سے داخلي ساخت ميں نظم قائم هوتي هے،اور نظم كے حسن و لطافت اور تاثير ميں جس كے شعري تفاعل كو نظر انداز نهيں كر سكتے٬٬۔
﴿اردو نظم ٠٦٩١ كے بعد،ص- ٠٣- ١٣﴾
شاعر نے اپني ايك نظم ٫٫ماحصل٬٬ميں سورج كو ايك نئي علامت كے طور پر استعمال كيا هے۔يه چھوٹي بحر كي نظم هے جس ميں دو بند هيں۔پهلے بند ميں شاعر نے شام كا منظرپيش كيا هے ليكن شام كو حسين بناكر نهيں بلكه موت كا استعاره اور دن كو زندگي كا استعاره بنا كر پيش كيا هے۔ دوسرے بند ميں شاعر نے روزِ قيامت كا سماں پيش كرتے هوئے يه بتايا هے كه مرنے كے بعد افرا تفري كے ماحول ميں كوئي كسي كو نهيں پهچانتا۔سبھي اجنبي لگتے هيں۔چند مصرعے ملاحظه كيجئے:
معلوم كسے اِن جسموں كي
آواره مكيںروحوں كا پتا؟
سب اجنبي كون كسے جانے؟
ياں كس نے كس كو پيار ديا؟
سب اپنے پرائے، ميں اور تم
احساس كي تيز آندھي كي صدا
هنگاموں ميں ڈھونڈيں گے كل پھر
چھوٹا هوا دامن ساتھي كا
شمشان نگر كے رستے ميں
پھر كل جب سورج نكلے گا
نويں مصرعے ميں٫٫ شمشان نگر ٬٬ روزِمحشر كا استعاره هے اور دسويں مصرعے ميں ٫٫كل جب سورج نكلے گا٬٬ حساب كتاب كي آزمائشوں سے گذر كر اچھے وقت آنے كي علامت هے۔قيامت كے دن اعمال كے حساب كتاب كے بعد خدا كے نيك بندوں كے جنت ميں داخل هونے كو شاعر نے سورج نكلنے سے تعبير كيا هے۔ اس نظم كا ايك دوسرا پهلو بھي هو سكتا هے ۔شمشان نگر سے مراد ايسي دنيا بھي هو سكتي هے جهاں كي تهذيب زوال پذير هو۔ اور سورج كا نكلنا تجديد تهذيب كي علامت هے۔
٫٫سورج كا زوال٬٬ چھوٹي بحر ميںايك مكالماتي نظم هے ۔شام كے وجود ميں آنے كي وجه هے٫٫ سورج كا زوال٬٬ ۔ شاعر نے اپني اكثر نظموں ميںانسان كو سورج كا ايك حصه قرار ديا هے۔اس لحاظ سے شام اور انسان دونوں كا سورج سے گهرا رشته هے۔اسي ليے شاعر نے اس نظم ميں شام سے مخاطب هوكر اس كے اوصاف بيان كيے پھر شام سے خود كا مقابله كرتے هوئے اپني صفات بيان كي هيں جس سے انسان كي صفات پر روشني پڑتي هے۔اس نظم كے يه مصرعے ملاحظه كيجيے:
اے رنگ برنگي شامو
كيوں دامن ميرا تھامو
تم آوازوں كي بستي
ميں سنّاٹوں كا صحرا
تم بهتے وقت كي موجيں
پل بھر ميں گزر جاو گي
ميں سوچ كا پياسا پتھر
آپ اپني هي گهرائي ميں
ڈوبا ر ه جا و ں گا
پهلے مصرعے ميںشاعر نے شام كو رنگين كها كيوں كه شفق رنگ جب چاروں طرف پھيلتا هے توشاميں رنگين لگنے لكتي هيں۔اس كي رنگيني سے متاثر هو كر شاعر اپنے آپ كو كمتر محسوس كرتا هے اس ليے دوسرے مصرعے ميں كهتا هے كه٫٫ كيوں دامن ميرا تھامو٬٬ اس ميں طنز كا بھي پهلو هے۔تيسرے مصرعے ميں شام كو آواز كي بستي كها اور پانچويں مصرعے ميںاسے بهتے وقت كي موجوں سے تعبير كيا ۔پھر اس كي مناسبت سے چھٹے مصرعے ميں يه كهه كر كه تم ٫٫پل بھر ميں گذر جاو گي٬٬،شام كي اهميت كم كردي هے۔ليكن چوتھے مصرعے ميں خود كو سنّاٹوں كے صحراسے تعبير كي هے اور ساتويں ،آٹھويں اور نويں مصرعے ميں يه كهه كر كه ٫٫ ميں سوچ كا پيا سا پتھر،آپ اپني گهرائي ميں، ڈوبا هوا ره جاو ں گا ٬٬ نه خود اپني بلكه تمام انسانوں كي اهميت بڑھا دي هے۔صرف اتنا هي نهيں بعد كے مصرعوں ميںانسان كي عظمت كو اور بھي بهتر طريقے سے ابھارا هے۔چند مصرعے ملاحظه هوں:
تم لُكتي چھپتي چھايا
آكاش كے اجلے تن ميں
ميں ٹوٹ كے گرتا سورج
دھرتي كے اندھيرے بن ميں
پهلے اور دوسرے مصرعے ميںشاعر نے شام كو آكاش كے تن ميں لُكتي چھپتي چھايا كهه كر اس كے وجود كو ادنيٰ قرار ديا ليكن تيسرے مصرعے ميں خود كو ٹوٹ كر گرتا هوا سورج سے تعبير كركے انسان كي عظمت كو بڑھا ديا ۔يهاں سورج خداكا اور انسان ،خدا كے ذرّے كا استعاره هے۔آخري بند ميں اس دنيا كو ٫٫اندھيرے بن٬٬ سے تعبير كر كے شاعر نے اس بات كي طرف اشاره كيا هے كه يه دنيا انسان كے شايانِ شان نهيں هے۔ يهاں ٹوٹ كر گرتا سورج هماري تهذيب كي شكست و ريخت كي بھي علامت هے۔
نظم ٫٫ شهرِ انا ٬٬ عبارت هے اس دنيا سے جهاں كے هر فرد ميں حد درجه موجود هے۔انا كو اچھے معنوں ميںاستعمال كيا جاتا هے ليكن اگر انا حد سے زياده هو تو غرور كهلاتا هے ۔اس نظم كے چند مصرعے ملاحظه هوں:
يه تيز دھوپ يه كاندھوں په جاگتا سورج
زميں بلند هے اتني كه آسماں كي رقيب
وه روشني هے ، وه بيدارياں كه سائے نه خواب
بس ايك هوش بس اك آگهي بس اك احساس
اور ان كے نور سے جلتے بدن، پگھلتے بدن
پهلے مصرعے ميں ٫٫جاگتا سورج٬٬ انا كي علامت هے۔دوسرے مصرعے ميں انا كي زيادتي كي طرف اشاره كيا گيا هے۔تيسرے مصرعے ميں جاگتا سورج كي رعايت سے روشني اور بيدارياں كے الفاظ استعمال كيے گئے هيں جو انا كا جوهر هيں ليكن ان كي زيادتي بھي اچھي نهيں هوتي هے ۔روشني اور بيداريوں كے ساتھ ساتھ سائے اور خواب بھي ضروري هيں۔
نظم ٫٫ شام اور كھنڈر٬٬ ميں بھي سورج كو ايك علامت كے طور پر استعمال كيا گيا هے۔چند مصرعے ملاحظه كيجئے:
يه شام پھر آج يوں هے جيسے
هزاروں سورج
مر ا ترا درد لے كے سب ايك ساتھ ڈوبے هوں
سارے سورج
شام اور كھنڈر ميں بهت مماثلت هے۔جب كوئي شاندار عمارت اپنے تمام آب وتاب اور رنگ و روپ كھو ديتي هے تو كھنڈر بن جاتي هے۔اسي طرح صبح اور دن جب اپني روشني اور چمك كھو ديتے هيں تو شام هوجا تي هے۔اس نظم ميں شام اور كھنڈر ٹوٹتي بكھرتي تهذيب كي علامت هيں۔اور ڈوبتا هوا سورج تهذيب كي زوال كي علامت ۔
شهاب جعفري نے اپني نظموں كے علاوه غزلوں كے اشعار اور متفرق اشعار ميں بھي سورج كو بطور علامت استعمال كيا هے۔مثلاً يه ا شعار :
چڑھتا سورج هوں سرابوں سے گذرنا هے مجھے
آج دريا بھي جو پي جاو ں تو سيراب نهيں
چڑھتا سورج محاوره هے ليكن يهاں يه ان لوگوں كي علامت هے جو دولت اور طاقت حاصل كرنے كے ليے كوشاں هيں۔ايسے لوگ طاقت اور دولت كي بھوك ميں كچھ بھي كر گذرتے هيں۔شاعر كا خيال هے كه يه تمام چيزيں آنكھوں كا دھوكا هيں۔انهيں حاصل كر لينے كے بعد بھي انسان كو سكون نهيں ملتا۔
كتنے سورج انهيں آنكھوں سے پرے ڈوب گئے
وه بيا باں هيںان اشكوں ميں كه پاياب نهيں
اس شعر ميں سورج ايسے طاقتوربادشاهوں اور حاكموں كي علامت هے جو اس دنيا سے گذر چكے هيں اور آج ان كا نام ونشان بھي باقي نهيں هے۔آج كے دور ميں سورج ،جارج بُش كي علامت هے جو پچھلے تمام ظالم بادشاهوں كي طرح خاك ميں مٹ جائے گا۔
دشت در دشت مرے سر سے گذرتا سورج
لے كے ٹوٹا هے يهي نورِ فلك تاب مجھے
اس شعر ميں ٫٫نورِ فلك تاب ٬٬سورج كا استعاره هے اور سورج خدا كي علامت هے۔ مبالغے كي وجه سے اس ميں Fantasy كا انداز پيدا هو گيا هے۔
چڑھتے سورج كے پجاري وهي نكلے جو شهاب
كرتے تھے تذكره صدق و صفا هم سے بهت
اس شعر ميں چڑھتے سورج دولت اور طاقت كي ،جبكه پجاري ،دولت اور طاقت حاصل كرنے والوں كي علامت هے۔شاعر نے اس شعر ميں ايسے لوگوں پر طنز بھي كيا هے جو بظاهر سچے انسان هونے كا ڈھونگ كرتے هيں ليكن اندر سے دولت اور طاقت كے حريص هوتے هيں۔
شام بھري اس دنيا كو آباد كريں گے ستارے كيا
ڈوبتے سورج سنتا جا يه روتا گگن پكارے كيا
اس شعر ميں شام تاريكي اور سورج روشني كي علامت هے۔يهاں شام سے جاهليت اور سورج سے علم مراد بھي ليا جا سكتا هے۔
پياسے سورج كے رستے ميں دريا بن كے ابلتے جا
ميرے خلا كے مسافرتارے مجھ سے بچ كے نه چلتا جا
اس شعر ميں شاعر نے سورج كے ساتھ لفظ ٫٫پياسا٬٬ كا اضافه كركے سورج كو ايك صفت عطا كردي جس سے سورج ظلم وستم كي علامت بن گياهے۔ دوسرے مصرعے ميں شاعرنے تارے كو نور اور ٹھنڈك كي علامت كے طور پر استعمال كيا هے ۔
ايك بے نور ستارے كي صدا هوں ميں بھي
ميرے سورج ترے دامن سے جدا هوں ميں بھي
اس شعر ميں شاعر نے انسان كو بے نور ستارے كي صدا سے تشبيه دي هے كيوں كه سائنس كے مطابق ستارے بھي سورج سے هي ٹوٹ كر الگ هوئے هيں جب كه مائيتھولوجيكل تصور كے مطابق انسان بھي سورج يعني خدا كا جز هے۔جس كي وضاحت دوسرے مصرعے ميں شاعر نے كي هے۔ ستارے كي بے نور ستارے اس ليے كها كه ستارے كو اپني روشني نهيں هوتي هے۔ستارے سورج كي روشني سے چمكتے هيں۔
شهاب جعفري كي نظموں اور غزلوں كے مطالعه سے يه نتيجه اخذ كيا جا سكتا هے كه شاعر كے ذهن اور تخليقي حافظے ميں كس قدر هزاروں سال پراني تهذيب اور سورج كے اساطيري قصّے كهانياں نه صرف محفوظ هيں بلكه كس خوبي سے ان اساطيري علامتوں كو برتا هے اور ان كا اطلاق موجوده دور كي صورتِ حال پر كركے قاري كے ذهن كوبھي مرتعش كيا هے ۔شهاب جعفري كي شاعري ميں سورج سے متعلق اساطيري علامتوں كي كثرت اور ان كا برمحل استعمال انهيں اپنے هم عصر شاعروں ميں منفرد ممتاز مقام عطاكرتا هے۔