آئينه عكسِ سخن ميں(مغيث الدين فريدي كے حوالے سے Mughisuddin Faridi

ڈاكٹر شيخ عقيل احمد
Associate Professor

آئينه عكسِ سخن ميں
(مغيث الدين فريدي كے حوالے سے)

آئينے كا استعمال فلسفه اور شاعري ميں قديم زمانے سے هوتاآيا هے۔ فريدي نے بھي شعوري يا غير شعوري طور پر اپني نظموں، غزلوں، قطعات اور تضمين كے بيشتر اشعار ميں آئينے كا استعمال كيا هے۔صرف كفرِتمنّاكي غزلوں ميں بيس دفعه آئينه كا استعمال كبھي حقيقي معنوں، كبھي تصوف كي روشني ميں ۔ كبھي استعارے بنا كر تو كبھي محاورے كے طور پر كيا هے۔اس سے معلوم هوتا هے كه ان كے نزديك آئينه كافي ته دار اور معني خيز شے هے اور استعاراتي اظهار كے لئے يه مناسب لفظ هے۔
آئينه سكندر اعظم نے ايجاد كيا تھا تاكه اس ميں اپنا يا كسي بھي چيز كا عكس ديكھا جا سكے۔تحقيق سے معلوم هوتا هے كه آئينه سب سے پهلے لوهے كو جِلادے كر ايك لهار نے سكندر كے كهنے پر بنايا تھا ليكن جب كانچ دريافت هوئي تو كانچ كاآئينه بنايا جانے لگا۔آئينه كا لغوي معني هے منھ ديكھنے كا شيشه،گواه، صاف صاف بتانے والا۔بهت صاف شفاف چيزكو بھي آئينه كها جاتا هے۔آئينه حيران كردينے يا ششدر كردينے كے معنوں ميں بھي استعمال هوتا هے۔آئينه سے متعلق بے شمار محاورے بھي بنائے گئے هيں۔مثلاً آئينه الٹ كر دكھانا۔اس كا استعمال عورتيں ٹوٹكے كے طور پر نظرِ بد سے بچنے كے لئے اس وقت كرتي هيں جب وه بناو سنگار كرتي هيں۔آئينه اندھے كو دكھانا بھي محاوره هے جس كا مطلب هے كه ايسے شخص كو نصيحت كرنا جو نصيحت قبول كرنے كي صلاحيت نهيں ركھتا هو۔آئينه بنادينا بھي محاوره هے جس كا مطلب هے حيران كردينا۔اسي طرح آئينه بن جانا حيران كردينے كے معنوں ميں استعمال هوتا هے۔آئينه تمثال كنايتاً معشوق يا رخ معشوق كو كهتے هيں۔ اسي طرح آئينه يا آئينه رو يا آئينه رخسار معشوق اور حسين سے كنايه هے۔آئينه سيما اور آئينه عذار بھي معشوق سے كنايه هے۔ آئينه جڑنے سے مراد هے كسي چيز كو صاف كر كے چمكا دينا۔ آئينه ميںبال آجانا يا پڑ جانا بھي محاوره هے جس كا مطلب هے كسي صدمے سے آئينے ميں خفيف سا خطِ شكست كا نمودار هونا۔ مختصر يه كه اشعار ميں آئينے كے استعمال كي كافي گنجائش هے۔
جلا اور صفائي آئينه كي بنيادي وصف هے۔دل بھي آئينه كي طرح صاف شفاف هوتا هے جس ميں انسان كي حقيقت ديكھاجا سكتا هے۔اسي مناسبت سے بے شمار شاعروں نے آئينه كو دل كے استعاره كے طور استعمال كيا هے۔اقبال كا شعر هے :
تو بچا بچا كے نه ركھ اسے ،ترا آئينه هے وه آئينه
كه شكسته هو توعزيز تر هے نگاهِ آئينه ساز ميں
يهاں آئينه دل كا اور آئينه ساز خدا كا استعاره هے۔دل وه آئينه بھي هے جس ميں محبوب كي پرچھائيں نظر آتي هے اور عاشق اس كا ديدار كرتا رهتا هے۔حسرت موحاني كا شعر هے:
جلائے شوق سے آئينه تصويرِ خاطر ميں
نماياں هو چلا روئے نگار آهسته آهسته
اسي دل كے آئينه ميں كائنات كي حقيقت بھي نظر آتي هے۔بعض شاعروں نے نظريه وحدت الوجود كي روشني ميں كائنات كو آئينه سے تعبير كيا هے۔ غالب كے ايك شعر ميں٫ آئينه ٬كائنات كا استعاره هے۔غالب كا شعر هے:
آرائشِ جمال سے فارغ نهيں هنوز
پيش نظر هے آئينه دائم نقاب ميں
غالب نے اس شعر ميں كها هے كه خد ا كائنات ميں اپنے آپ كو ديكھتا رهتا هے اوراس كو بهتر سے بهتر بنانے كي مسلسل كوشش كرتا رهتا هے ۔مير تقي مير نے بھي كائنات كو آئينه خانه سے تعبير كيا هے۔مير كا شعرهے:
چشم هو تو آئينه خانه هے دهر
منھ نكل آتے هيں ديواروں كے بيچ
دوسرے مصرع ميں مير نے اس حقيقت كي طرف اشاره كيا هے كه مرنے كے بعد انسان مٹّي بن جاتا هے جس سے اينٹ بنائي جاتي هے اور اينٹ سے ديوار۔اس لئے ديواروں سے بھي انسان كے منھ نكل سكتے هيں۔
شيخ اكبر محي الدين ابنِ عربي نے بھي اپني كتاب٫٫ فصوص الحكم٬ ميں٬انسانِ كامل اور خدا كي حقيقت سے بحث كرتے هوئے كها هے كه خدا انسان كا اور انسان خدا كا آئينه هے۔يه پوچھے جانے پر كه اگر خدا انسان كا آئينه هے تو پھر خدا هميں نظر كيوں نهيں آتا؟اس كے جواب ميں شيخ اكبر فرماتے هيں كه آئينه ميں ديكھنے سے صرف اپنا عكس نظر آتا هے نه كه آئينه۔وه فرماتے هيں كه آئينه ميں ديكھتے وقت اگر آئينه نظر آنے لگے تو وه آئينه هر گز نهيں هو سكتا۔وه صرف كانچ كا ايك ٹكرا هے۔اسي لئے خدا كے اندر ديكھنے سے ديكھنے والا صرف اپنے آپ كو ديكھتا هے خدا كو نهيں ديكھ سكتا۔اسي طرح خدا بھي انسانِ كامل ميں خود كو ديكھتا هے۔بهر حال آئينه كا استعمال حقيقي معنوں ميںكيا جائے يا مجازي معنوں ميں كيا جائے آئينه خود كو اور سب كو ديكھنے كا ايك زريعه هے۔
آئينے ميں اگر كائي عيب نه هو تو وه خارجي معروضات كو جوں كا توں منعكس كر ديتا هے۔اس لئے آئينه اگر ديكھنے والے كي رعنائي كے متعلق كهه سكتا هے تو وه عيب اور خاميوں كے متعلق بھي كهه سكتا هے۔يعني آئينه خود كي حقيقت اور دنيا كي حقيقت جاننے كا وسيله هے۔انسان اگر اپني قيمت اور حقيقت كو پهچان لے تو خود احتسابي كر سكتا هے اور اپني كمزوريوں اور كميوں كو دور كر سكتا هے۔شايد اسي لئے فريدي نے آئينه كا استعمال كثرت سے كيا هے۔انهوں نے آئينے كا استعمال زياده تر فلسفيانه معنوں ميں كيا هے بعض اشعار ميں تو وه فكر كي انتهائي بلندي پر نظر آتے هيں ۔مثلاً يه شعر ملاحظه كيجئے:
كيا هوا جسم كے بام ودر لُٹ گئے، دل كے آنگن ميں هنگامه هوتا رها
روح كے آئينے كو سجاتے رهو بيتے لمحوں كي پرچھائياں هي سهي
اس شعر ميںفريدي صاحب نے روح كے آئينے كو سجانے كي بات كهي هے جس كا مطلب هے روح كے آئينے ميں اس ﴿روح﴾كي اصل حقيقت كو پهچاننا ۔اور اس كي اصل حقيقت يه هے كه يه يكتا ويگانه اور ذاتِ مطلق هے اور اس كے وجود كي نوعيت خدا كي پيدا كرده خارجي دنيا سے مختلف هے۔اس كے علاوه اس كا طبعي رجحان خدا كے حكم كي تعميل كرنے كي جانب تھا جو اب بيتے لمحوں كي پرچھائيوں كي مانند هے كيوںكه تجسيم كے عمل كے بعد اس ميں سركشي كي خصوصيت پيدا هوگئي۔پھربھي اس كا تعلق ذاتِ مطلق سے هے اس لئے هميں اس كي اصل حقيقت كو ذهن ميں ركھتے هوئے خارجي نفع يا نقصان كي فكر نهيں كرنا چاهئے۔بلكه اس بات سے هميں خوش هونا چاهئے كه روح كے مناسبت سے انسان خدا كا جز هے جو انسان كے لئے بهت بڑي بات هے۔ فريدي نے ايك شعر ميں چاكِ قبا كا آئينه سے مراد وه آئينه ليا هے جس ميں جنوں كي صفات اور قدرو قيمت كو ديكھا جاسكے۔تاكه هوشمند لوگوں كے هوش ٹھكانے آجائيں۔شعر يه هے:
چاكِ قبا كا آئينه ديكھ كے دنگ ره گئے
سنگ اٹھا كے چل ديے دشت سے هوشمند لوگ
فريدي كا شعر هے:
جو تركِ طلب سے پهلے تھا دل كا وهي عالم آج بھي هے
آئينه نهيں بدلا جاتا تصوير بدلتي رهتي هے
مندرجه بالا شعر ميں آئينه دل كا استعاره هے اور بدلتي هوئي تصوير ضرورت كي نئي نئي چيزوں كا استعاره هے۔جو شخص ٫٫نفسِ مطمئنه٬٬ حاصل كر چكا هو اس كے لئے تركِ طلب بهت آسان هے لهٰذا كوئي بھي نئي چيز اس كے ارادے كو هلا نهيں سكتي۔ ايك اور شعر هے:
سنگِ ملامت لے كے تم جس كو چلے هو توڑنے
اے ناصحو تم نے كبھي وه آئينه ديكھا بھي هے
فريدي نے اس شعر ميں آئينه كا استعمال دل كے معنوں ميں كيا هے۔ناصح پرطنز كرتے هوئے كهتے هيں كه جس انسان كو سنگِ ملامت كا نشانه بنا رهے هو كبھي تم نے اس كے دل كو بھي ديكھا هے۔
پڑتي هے نظر هاتھ مگر اب نهيں بڑھتے
ٹوٹا هوا آئينه هوں رستے ميں پڑا هوں
فريدي نے اس شعر ميں بھي تركِ طلب كي بات كي هے۔متوجهه كرنے والي دنيا كي هر چيز پر ان كي نظر پڑتي هے ليكن اس كي طرف هاتھ نهيں بڑھتے ۔ليكن اهلِ دنياتركِ طلب كي اهميت سے بے خبر انهيں بے كار كي چيز سمجھ كر آگے بڑھ جاتے هيں۔
گرد آئينه كا مخالف يا ضد هے كيوں كه يه آئينه كو دھندلا ديتي هے۔گرد آئينه پر هو يا چهرے پر دونوں صورتوں ميں چهره صاف نظر نهيں آتا۔بعض شعرا نے گرد وغبار كو بيتے هوئے دنوں كے الميه سے تعبير كيا هے۔فريدي كا ايك شعرهے:
هوائے وقت سے دھندلا گيا هے آئينه دل كا
مگر اب تك رُخِ آئينه ساز آنكھوں ميں پھرتا هے
اس شعر ميں فريدي نے بيتے هوئے دنوں كي الميه كو دھندلائے هوئے دل كے آئينه سے تعبير كيا هے۔اور آئينه سازالميه پيدا كرنے والے كا استعاره هے۔
ايك دوسرا شعرهے:
هستي كے هر اك موڑ په آئينه بنا هوا هوں
مِٹ مِٹ كے ابھرتا هوا نقشِ كفِ پا هوں
مندرجه بالا شعر ميں فريدي نے آئينه كا اسsتعمال حيران يا ششدر هونے كے مفهوم ميں كيا هے۔كهتے هيں كه زندگي كے هر موڑپر حيران هوں كيوں كه بار بار نقشِ كفِ پا كي طرح مٹ مٹ كر ابھرتا هوں ۔مٹ مٹ كر ابھرنے ميں ايك خطره يه بھي هے كه كهيں وجود كي سالميت باقي نه رهے۔
ليكن زندگي نے انهيں هر كڑے وقت پر آئينه دكھايا هے يعني صحيح راسته دكھايا هے اور جينے كا حوصله ديا هے:
هر كڑے وقت په آئينه دكھايا هے مجھے
زندگي تونے بڑے پيار سے برتا هے مجھے
فريدي كا ايك مشهور شعر هے:
كيا عرضِ هنر لفظ پرستوں ميں فريدي
آئينے كے هاتھوں په حنا باندھ رها هوں
٫٫آئينے كے هاتھوں په حنا باندھنا٬٬محاوره هے۔حنا كا رنگ هاتھوں ميں آ سكتا هے ليكن آئينے ميں اس كا رنگ نهيں چڑھ سكتا هے۔ مراد يه هے كه جو شخص نصيحت قبول كرنے كي صلاحيت نهيں ركھتا هو اسے نصيحت كرنا وقت برباد كرنے كے برابر هے۔فريدي نے لفظ پرستوں پر طنز كرتے هوئے اس محاورے كا بے حد خوبصورت استعمال اس شعر ميں كيا هے۔
محبوب اپنے حسن اور حسن كي تاثير سے اكثر بے خبر رهتا هے ليكن جب آئينه ديكھتا هے تو خود پر عاشق هو جاتا هے اس كے بعد اسے احساس هوتا هے كه وه كتنا حسين هے۔فريدي نے كئي اشعار ميں آئينه حسن كو ديكھنے كے معنوں ميں استعمال كيا هے۔وه محبوب سے مخاطب هوكر كهيں يه كهتے هيں كه اگر تمهيں ميري باتوں پر يقين نه هو تو تم خود آئينے ميں اپنے آپ كو ديكھو اس كے بعد تمهيں ميرے صاحبِ نظر هونے كا اندازه هوگا۔شعر ملاحظه كيجئے:
ملا كے هم سے نظر آئينه ذرا ديكھو
كهاں مليں گے تمهيں صاحبِ نظر هم سے
اس موضوع پرحسرت كا يه شعر بھي قابل تعريف هے:
آئينه كهے گا كيا كيا تجھ ميں هے رعنائي
پوچھ اس سے اپني قيمت تيرا هے جو شيدائي
فريدي كبھي يه كهتے هيں كه انهوں نے محبت ترك كردي هے اس لئے اپنے حسن كا واسطه دے كر اب انهيں بلانے سے كيا فائده:
ميں گيا وقت هوں اے زهره وشو، گُل بدنوں
آئينه هاتھ ميں لے كر مجھے آواز نه دو
فريدي كا ايك دوسرا شعر هے:
بس گئي هيں اب اس ميں بستياں جمالوں كي
آئينه تو آيا تھا ان كے رو برو تنها
مندرجه بالا شعر ميں آئينه كنايتاً محبوب يا اس كي صورت كا استعاره هے۔اس شعر ميں كها گيا هے كه محبوب تو ميرے سامنے تنها آيا تھا ليكن اس كے حسن كا يه كرشمه هے كه ميري آنكھوں ميں جمالوں كي بستياں بس گئيں هيں۔
ايك اور شعر ملاحظه كيجئے:
دير تك ساتھ نه دے گا يه جهانِ گزراں
محفلِ دهر كو تم آئينه بن كر ديكھو
اس شعر ميں آئينه بننے سے مراد حيرت زده هونا هے۔

e-mail:aquilahmad@yahoo.com
Website:people.du.ac.in/~aahmad